ਲੁਧਿਆਣਾ ਚ ਆਸ਼ੂ ਨੇ ਲਾਏ ਕਾਂਗਰਸ ਦੇ ਬੋਰਡ, ਰਾਜਾ ਵੜਿੰਗ ਦੀ ਫੋਟੋ ਗਾਇਬ

19/06/2024 | Public Times Bureau | DARBAR SAHIB

ਲੁਧਿਆਣਾ- ਲੋਕ ਸਭ ਚੋਣਾਂ ਤੋਂ ਬਾਅਦ ਕਾਂਗਰਸ ਪਾਰਟੀ ਚ ਫੁੱਟ ਜੱਗ ਜਾਹਿਰ ਹੋਣ ਲੱਗੀ ਹੈ I ਬੀਤੇ ਦਿਨੀ ਅਮੇਠੀ ਤੋਂ ਜਿੱਤੇ ਸਾਂਸਦ ਕਿਸ਼ੋਰੀ ਲਾਲ ਸ਼ਰਮਾ ਲੁਧਿਆਣਾ ਆਉਂਦੇ ਨੇ I ਕਿਸ਼ੋਰੀ ਲਾਲ ਸ਼ਰਮਾ ਦਾ ਪਿਛੋਕੜ ਲੁਧਿਆਣਾ ਦਾ ਹੈ I ਸ਼ਹਿਰ ਦੇ ਕਾਂਗਰਸੀਆਂ ਵਲੋਂ ਉਹਨਾਂ ਦਾ ਸਵਾਗਤ ਧੂਮ ਧਾਮ ਨਾਲ ਕੀਤਾ ਗਿਆ I ਮੀਟਿੰਗਾਂ ਤੋਂ ਇਲਾਵਾ ਕਿਸ਼ੋਰੀ ਲਾਲ ਸ਼ਰਮਾ ਨੇ ਲੁਧਿਆਣਾ ਦੇ ਸਰਕਟ ਹਾਊਸ ਵਿਖੇ ਪ੍ਰੈਸ ਕਾਨਫਰੰਸ ਵੀ ਕੀਤੀ I

ਕਿਸ਼ੋਰੀ ਲਾਲ ਸ਼ਰਮਾ ਦੀ ਆਮਦ ਤੇ ਉਹਨਾਂ ਦਾ ਸਵਾਗਤ ਕਰਨ ਲਈ ਲੁਧਿਆਣਾ ਚ ਵੱਡੇ ਵੱਡੇ ਬੋਰਡ ਲਾਏ ਗਏ I ਪਰ ਹੈਰਾਨੀ ਵਾਲੀ ਗੱਲ ਹੈ ਕਿ ਬੋਰਡ ਦੇ ਸਾਰੇ ਆਗੂਆਂ ਦੀਆਂ ਫੋਟੋਆਂ ਸਨ ਪਰ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਤੇ ਨਵੇਂ ਚੁਣੇ ਗਏ ਸਾਂਸਦ ਰਾਜਾ ਵੜਿੰਗ ਅਤੇ ਲੁਧਿਆਣਾ ਜ਼ਿਲ੍ਹਾ ਕਾਂਗਰਸ ਦੇ ਪ੍ਰਧਾਨ ਸੰਜੇ ਤਲਵਾਰ ਦੀ ਫੋਟੋ ਗਾਇਬ ਸੀ I

ਸੂਤਰਾਂ ਅਨੁਸਾਰ ਚੋਣ ਨਤੀਜਿਆਂ ਤੋਂ ਬਾਅਦ ਕਾਂਗਰਸ ਵਿੱਚ ਸਭ ਕੁਝ ਅੱਛਾ ਨਹੀਂ ਰਿਹਾ I ਇਹ ਵੀ ਪਤਾ ਲੱਗਾ ਹੈ ਕਿ ਭਾਰਤ ਭੂਸ਼ਣ ਆਸ਼ੂ ਨੇ ਪਾਰਟੀ ਹੈ ਕਮਾਂਡ ਨੂੰ ਕਿਹਾ ਹੈ ਕਿ ਪੰਜਾਬ ਵਿੱਚ ਕਾਂਗਰਸ ਦਾ ਵੋਟ ਬੈਂਕ ਘਟਿਆ ਹੈ ਅਤੇ ਜਿੰਮੇਵਾਰੀ ਰਾਜਾ ਵੜਿੰਗ ਦੀ ਹੈ I ਉਹਨਾਂ ਨੇ ਮਾਲਵੇ ਦੇ ਸਾਰੇ ਆਗੂ ਲੁਧਿਆਣਾ ਸੱਦ ਲਾਏ ਸਨ ਅਤੇ ਬਾਕੀ ਸੀਟਾਂ ਤੇ ਕਾਂਗਰਸ ਵਧੀਆ ਪ੍ਰਦਸ਼ਨ ਨਹੀਂ ਕਰ ਪਾਈ I

ਸੂਤਰ ਇਹ ਵੀ ਦੱਸਦੇ ਹਨ ਈ ਲੁਧਿਆਣਾ ਦੇ ਛੇ ਸ਼ਹਿਰੀ ਹਲਕਿਆਂ ਚੋਂ ਪੰਜ ਵਿੱਚ ਕਾਂਗਰਸ ਹਾਰੀ ਹੈ ਅਤੇ ਵੜਿੰਗ ਇਸਦਾ ਠੀਕਰਾ ਭਾਰਤ ਭੂਸ਼ਣ ਆਸ਼ੂ ਸਿਰ ਮੜਦੇ ਹਨ I

In Ludhiana Ashu Brought The Congress Board Raja Waring s Photo Is Missing