ਦਿੱਲੀ ਏਅਰਪੋਰਟ ਤੋਂ 24 ਸਾਲਾ ਨੌਜਵਾਨ ਬਜ਼ੁਰਗ ਬਣ ਕੇ ਜਾ ਰਿਹਾ ਸੀ ਕੈਨੇਡਾ,CISF ਮੁਲਾਜ਼ਮਾਂ ਨੇ ਕੀਤਾ ਕਾਬੂ

20/06/2024 | Public Times Bureau | panjab

ਦਿੱਲੀ ਏਅਰਪੋਰਟ ਤੋਂ 24 ਸਾਲਾ ਨੌਜਵਾਨ ਨੂੰ ਗਿ੍ਫ਼ਤਾਰ ਕੀਤਾ ਗਿਆ ਜਿਹੜਾ 67 ਸਾਲ ਦਾ ਬਜ਼ੁਰਗ ਬਣ ਕੇ ਕੈਨੇਡਾ ਜਾਣ ਦੀ ਫਿਰਾਕ ’ਚ ਸੀ। ਨੌਜਵਾਨ ਨੇ ਨਾ ਸਿਰਫ਼ ਆਪਣੇ ਵਾਲ ਤੇ ਦਾੜ੍ਹੀ ਨੂੰ ਸਫ਼ੈਦ ਕਲਰ ਕਰ ਲਿਆ ਸੀ, ਸਗੋਂ ਪਾਸਪੋਰਟ ਵੀ ਬਜ਼ੁਰਗ ਹੁਲੀਏ ਵਾਲਾ ਬਣਾ ਲਿਆ ਸੀ ਪਰ ਉਹ ਆਵਾਜ਼ ਤੇ ਚਮੜੀ ਤੋਂ ਫੜਿਆ ਗਿਆ।ਇੰਦਰਾ ਗਾਂਧੀ ਕੌਮਾਂਤਰੀ ਹਵਾਈ ਅੱਡੇ ਦੇ ਟਰਮੀਨਲ-3 ’ਤੇ ਮੰਗਲਵਾਰ ਸ਼ਾਮ ਨੂੰ ਇਕ ਬਜ਼ੁਰਗ ਸ਼ੱਕ ਹੋਣ ’ਤੇ ਰੋਕਿਆ ਗਿਆ। ਸੁਰੱਖਿਆ ’ਚ ਤਾਇਨਾਤ ਸੀਆਈਐੱਸਐਫ ਮੁਲਾਜ਼ਮਾਂ ਨੇ ਉਸ ਨੂੰ ਪਾਸਪੋਰਟ ਦਿਖਾਉਣ ਲਈ ਕਿਹਾ ਤਾਂ ਉਸ ਨੇ ਪਾਸਪੋਰਟ ਦੇ ਦਿੱਤਾ।

ਪਾਸਪੋਰਟ ’ਚ ਨਾਮ ਰਸ਼ਵਿੰਦਰ ਸਿੰਘ ਸਹੋਤਾ ਵਾਸੀ ਜਲੰਧਰ ਲਿਖਿਆ ਸੀ ਤੇ ਉਮਰ 67 ਸਾਲ। ਅਧਿਕਾਰੀ ਨੇ ਕਿਹਾ ਕਿ ਉਸ ਨੇ ਏਅਰ ਕੈਨੇਡਾ ਦੇ ਜਹਾਜ਼ ’ਚ ਸਵਾਰ ਹੋਣਾ ਸੀ। ਸਰੀਰਕ ਬਣਤਰ ਤੋਂ ਸ਼ੱਕ ਹੋਣ ’ਤੇ ਬਰੀਕੀ ਨਾਲ ਜਾਂਚ ਕੀਤੀ ਗਈ। ਉਸ ਨੇ ਆਪਣੀ ਪਛਾਣ 24 ਸਾਲਾ ਗੁਰਸੇਵਕ ਸਿੰਘ ਵਜੋਂ ਦੱਸੀ। ਪੁਲਿਸ ਨੇ ਉਸ ਕੋਲੋਂ ਪੁੱਛਗਿੱਛ ਸ਼ੁਰੂ ਕਰ ਦਿੱਤੀ ਹੈ ਕਿ ਉਸ ਨੇ ਨਕਲੀ ਪਾਸਪੋਰਟ ਕਿੱਥੋਂ ਬਣਾਇਆ ਤੇ ਉਹ ਬਜ਼ੁਰਗ ਦਾ ਭੇਸ ਧਾਰਨ ਕਰ ਕੇ ਕੈਨੇਡਾ ਕਿਉਂ ਜਾ ਰਿਹਾ ਸੀ।

A 24 year old Youth Was Going To Canada From Delhi Airport As An Old Man Cisf Personnel Arrested Him