ਮਹਿਲਾ ਇੰਜੀਨੀਅਰ ਕਤਲ ਮਾਮਲੇ 'ਚ ਨਵਾਂ ਖੁਲਾਸਾ, ਸਿਰ 'ਤੇ ਹਥੌੜੇ ਨਾਲ ਕੀਤੇ ਸਨ ਕਈ ਵਾਰ ਜਿਸ ਨਾਲ ਹੋਈ ਸੀ ਮੌਤ

07/04/2025 | Public Times Bureau | National

ਨੋਇਡਾ ਸੈਕਟਰ 15 ਵਿੱਚ ਹਥੌੜੇ ਨਾਲ ਵਾਰ ਕਰਨ ਕਾਰਨ ਸਿਵਲ ਇੰਜੀਨੀਅਰ ਅਸਮਾ ਦੇ ਸਿਰ ਵਿੱਚ ਕਾਫੀ ਸੱਟਾ ਵੱਜੀਆਂ ਜਿਸ ਤੋਂ ਬਾਅਦ ਕੋਮਾ ਵਿੱਚ ਜਾਣ ਤੋਂ ਬਾਅਦ ਉਸਦੀ ਮੌਤ ਹੋ ਗਈ। ਮਹਿਲਾ ਇੰਜੀਨੀਅਰ ਦੇ ਸਿਰ ਤੋਂ ਇਲਾਵਾ ਗਰਦਨ 'ਤੇ ਵੀ ਸੱਟ ਦੇ ਨਿਸ਼ਾਨ ਮਿਲੇ ਹਨ। ਫੇਜ਼ ਵਨ ਪੁਲਿਸ ਸਟੇਸ਼ਨ ਨੂੰ ਮਿਲੀ ਪੋਸਟਮਾਰਟਮ ਰਿਪੋਰਟ ਤੋਂ ਇਹ ਖੁਲਾਸਾ ਹੋਇਆ ਹੈ ਕਿ ਸਿਵਲ ਇੰਜੀਨੀਅਰ ਅਸਮਾ ਦੇ ਸਿਰ 'ਤੇ ਪਹਿਲਾਂ ਹਥੌੜੇ ਨਾਲ ਵਾਰ ਕੀਤੇ ਜਿਸ ਨਾਲ ਕਾਫੀ ਖੂਨ ਵਗਿਆ ਤੇ ਫਿਰ ਅਸਮਾ ਨੂੰ ਬ੍ਰੇਨ ਹੈਮਰੇਜ ਹੋਇਆ ਤੇ ਕੋਮਾ ਵਿੱਚ ਜਾਣ ਤੋਂ ਬਾਅਦ ਮੌਤ ਹੋ ਗਈ।

ਦੋਸ਼ੀ ਪਤੀ ਨੂਰ ਉੱਲ੍ਹਾ ਹੈਦਰ ਨੇ ਉਸ ਦੇ ਸਿਰ 'ਤੇ ਕਈ ਵਾਰ ਹਥੌੜਾ ਨਾਲ ਵਾਰ ਕੀਤੇ ਸਨ। ਇਸ ਤੋਂ ਬਾਅਦ ਨੂਰ ਉੱਲ੍ਹਾ ਨੇ ਚਾਕੂ ਨਾਲ ਗਰਦਨ 'ਤੇ ਸੱਟ ਮਾਰੀ। ਏਸੀਪੀ ਵਿਵੇਕ ਰੰਜਨ ਰਾਏ ਨੇ ਕਿਹਾ ਕਿ ਪੋਸਟਮਾਰਟਮ ਰਿਪੋਰਟ ਵਿੱਚ ਮਹਿਲਾ ਇੰਜੀਨੀਅਰ ਦੀ ਮੌਤ ਦਾ ਕਾਰਨ ਐਂਟੀ-ਮਾਰਟਮ ਸੱਟ, ਬ੍ਰੇਨ ਹੈਮਰੇਜ ਤੇ ਕੋਮਾ ਦੱਸਿਆ ਗਿਆ ਹੈ।

New Revelation In The Murder Case Of A Female Engineer She Was Hit On The Head With A Hammer Several Times Which Led To Her Death