ਟੋਲ ਪਲਾਜ਼ਿਆਂ ’ਤੇ ਵੱਡਾ ਬਦਲਾਅ: 10 ਅਪ੍ਰੈਲ ਤੋਂ ਨਕਦ ਭੁਗਤਾਨ ਬੰਦ, ਫਾਸਟੈਗ ਲਾਜ਼ਮੀ

08/04/2026 | Public Times Bureau | Panjab

ਭਾਰਤੀ ਰਾਸ਼ਟਰੀ ਰਾਜਮਾਰਗ ਅਥਾਰਟੀ ਵੱਲੋਂ ਟੋਲ ਪਲਾਜ਼ਿਆਂ ’ਤੇ ਭੁਗਤਾਨ ਪ੍ਰਣਾਲੀ ਵਿੱਚ ਵੱਡਾ ਬਦਲਾਅ ਕੀਤਾ ਜਾ ਰਿਹਾ ਹੈ, ਜੋ 10 ਅਪ੍ਰੈਲ 2026 ਤੋਂ ਲਾਗੂ ਹੋਵੇਗਾ। ਇਸ ਫੈਸਲੇ ਦਾ ਮਕਸਦ ਹਾਈਵੇਅ ’ਤੇ ਯਾਤਰਾ ਨੂੰ ਤੇਜ਼ ਅਤੇ ਸੁਗਮ ਬਣਾਉਣਾ ਹੈ, ਤਾਂ ਜੋ ਟੋਲ ਪਲਾਜ਼ਿਆਂ ’ਤੇ ਲੰਬੀਆਂ ਕਤਾਰਾਂ ਤੋਂ ਛੁਟਕਾਰਾ ਮਿਲ ਸਕੇ।
ਨਵੇਂ ਨਿਯਮਾਂ ਅਨੁਸਾਰ ਹੁਣ ਟੋਲ ਪਲਾਜ਼ਿਆਂ ’ਤੇ ਨਕਦ ਭੁਗਤਾਨ ਪੂਰੀ ਤਰ੍ਹਾਂ ਬੰਦ ਕਰ ਦਿੱਤਾ ਜਾਵੇਗਾ ਅਤੇ ਫਾਸਟੈਗ ਨੂੰ ਲਾਜ਼ਮੀ ਕੀਤਾ ਗਿਆ ਹੈ। ਯਾਤਰੀਆਂ ਨੂੰ ਡਿਜੀਟਲ ਭੁਗਤਾਨ ਪ੍ਰਣਾਲੀ ਰਾਹੀਂ ਹੀ ਟੋਲ ਫੀਸ ਅਦਾ ਕਰਨੀ ਪਵੇਗੀ, ਜਿਸ ਨਾਲ ਸਮਾਂ ਬਚੇਗਾ ਅਤੇ ਭੁਗਤਾਨ ਪ੍ਰਕਿਰਿਆ ਤੇਜ਼ ਹੋਵੇਗੀ।
ਜੇਕਰ ਕਿਸੇ ਯਾਤਰੀ ਕੋਲ ਫਾਸਟੈਗ ਨਾ ਹੋਵੇ ਜਾਂ ਉਹ ਇਸਨੂੰ ਭੁੱਲ ਜਾਵੇ, ਤਾਂ ਉਹ ਯੂਪੀਆਈ ਰਾਹੀਂ ਭੁਗਤਾਨ ਕਰ ਸਕਦਾ ਹੈ, ਪਰ ਇਸ ਸਥਿਤੀ ਵਿੱਚ ਉਸਨੂੰ 1.25 ਗੁਣਾ ਵੱਧ ਟੋਲ ਫੀਸ ਦੇਣੀ ਪਵੇਗੀ।
ਫਾਸਟੈਗ ਬਣਾਉਣ ਦੀ ਪ੍ਰਕਿਰਿਆ ਨੂੰ ਵੀ ਆਸਾਨ ਬਣਾਇਆ ਗਿਆ ਹੈ। ਯਾਤਰੀ ਇਸਨੂੰ ਆਨਲਾਈਨ ਬੈਂਕਾਂ ਜਾਂ ਡਿਜੀਟਲ ਭੁਗਤਾਨ ਐਪਸ ਰਾਹੀਂ ਆਸਾਨੀ ਨਾਲ ਬਣਵਾ ਸਕਦੇ ਹਨ। ਇਸਦੇ ਨਾਲ ਹੀ ਇਸ ਨਾਲ ਜੁੜੀਆਂ ਸਾਰੀਆਂ ਜਾਣਕਾਰੀਆਂ ਸਹੀ ਤਰ੍ਹਾਂ ਭਰਨੀਆਂ ਲਾਜ਼ਮੀ ਹਨ ਤਾਂ ਜੋ ਭਵਿੱਖ ਵਿੱਚ ਕਿਸੇ ਤਰ੍ਹਾਂ ਦੀ ਦਿੱਕਤ ਨਾ ਆਵੇ।

Big Change At Toll Plazas Cash Payments Banned From April 10 Fastag Mandatory