ਹੇਰਾ ਫੇਰੀ 3 ਚ ਸੰਜੇ ਦੱਤ ਵੀ ਅਕਸ਼ੇ ਕੁਮਾਰ ਤੇ ਸੁਨੀਲ ਸ਼ੈੱਟੀ ਨਾਲ ਕਰਨਗੇ ਐਕਟਿੰਗ

16/03/2023 | Public Times Bureau | Mumbai

ਅਕਸ਼ੇ ਕੁਮਾਰ, ਪਰੇਸ਼ ਰਾਵਲ ਅਤੇ ਸੁਨੀਲ ਸ਼ੈੱਟੀ ਦੀ ਫਿਲਮ ਹੇਰਾ ਫੇਰੀ 3 ਨੂੰ ਲੈ ਕੇ ਪ੍ਰਸ਼ੰਸਕ ਕਾਫੀ ਉਤਸ਼ਾਹਿਤ ਹਨ। ਸੰਜੇ ਦੱਤ ਵੀ ਇਸ ਦੀ ਸਟਾਰਕਾਸਟ ਚ ਸ਼ਾਮਲ ਹੋ ਗਏ ਹਨ। ਕੁਝ ਦਿਨ ਪਹਿਲਾਂ ਸੰਜੇ ਦੱਤ ਨੇ ਪੁਸ਼ਟੀ ਕੀਤੀ ਸੀ ਕਿ ਉਹ ਹੇਰਾ ਫੇਰੀ 3 ਦਾ ਹਿੱਸਾ ਹਨ। ਹੁਣ ਸੰਜੇ ਦੱਤ ਨੇ ਫਿਲਮ ਚ ਆਪਣੀ ਭੂਮਿਕਾ ਬਾਰੇ ਖੁਲਾਸਾ ਕੀਤਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਫਿਲਮ ਵਿੱਚ ਉਨ੍ਹਾਂ ਦਾ ਕਿਰਦਾਰ ਕੀ ਹੋਵੇਗਾ। ਇਸ ਤੋਂ ਪਹਿਲਾਂ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਸੰਜੇ ਦੱਤ ਨੇ ਫਿਲਮ ਹੇਰਾ ਫੇਰੀ 3 ਵਿੱਚ ਕੰਮ ਕਰਨ ਦੀ ਖਬਰ ਦੀ ਪੁਸ਼ਟੀ ਕੀਤੀ ਸੀ। ਉਨ੍ਹਾਂ ਕਿਹਾ, ਹਾਂ, ਮੈਂ ਫਿਲਮ ਕਰ ਰਿਹਾ ਹਾਂ। ਪੂਰੀ ਟੀਮ ਨਾਲ ਸ਼ੂਟਿੰਗ ਰੋਮਾਂਚਕ ਹੋਵੇਗੀ। ਇਹ ਇੱਕ ਮਹਾਨ ਫਰੈਂਚਾਇਜ਼ੀ ਹੈ ਅਤੇ ਮੈਂ ਇਸਦਾ ਹਿੱਸਾ ਬਣ ਕੇ ਬਹੁਤ ਖੁਸ਼ ਹਾਂ। ਫਿਰੋਜ਼ ਅਤੇ ਮੇਰਾ ਰਿਸ਼ਤਾ ਵੀ ਬਹੁਤ ਪੁਰਾਣਾ ਹੈ। ਦੱਸਣਯੋਗ ਹੈ ਕਿ ਫਿਲਮ ਹੇਰਾ ਫੇਰੀ 3 ਨੂੰ ਫਿਰੋਜ਼ ਨਾਡਿਆਡਵਾਲਾ ਪ੍ਰੋਡਿਊਸ ਕਰ ਰਹੇ ਹਨ। ਹੇਰਾ ਫੇਰੀ 3 ਦਾ ਨਿਰਦੇਸ਼ਨ ਫਰਹਾਦ ਸਾਮਜੀ ਨੇ ਕੀਤਾ ਹੈ। ਫਿਲਮ ਦੀ ਸ਼ੂਟਿੰਗ ਦੇਸ਼ ਤੋਂ ਇਲਾਵਾ ਲਾਸ ਏਂਜਲਸ, ਆਬੂ ਧਾਬੀ ਅਤੇ ਦੁਬਈ ਵਿੱਚ ਹੋਵੇਗੀ। ਹੇਰਾ ਫੇਰੀ 3 ਤੋਂ ਇਲਾਵਾ ਸੰਜੇ ਦੱਤ ਲੋਕੇਸ਼ ਕਾਨਾਗਰਾਜ ਦੀ ਫਿਲਮ ਲਿਓ ਚ ਨਜ਼ਰ ਆਉਣਗੇ, ਜਿਸ ਚ ਵਿਜੇ ਥਲਪਤੀ ਮੁੱਖ ਭੂਮਿਕਾ ਨਿਭਾਅ ਰਹੇ ਹਨ। ਸੰਜੇ ਦੱਤ ਨੂੰ ਆਖਰੀ ਵਾਰ ਫਿਲਮ ਸ਼ਮਸ਼ੇਰਾ ਚ ਦੇਖਿਆ ਗਿਆ ਸੀ, ਜਿਸ ਚ ਉਨ੍ਹਾਂ ਨੇ ਰਣਬੀਰ ਕਪੂਰ ਨਾਲ ਸਕ੍ਰੀਨ ਸ਼ੇਅਰ ਕੀਤੀ ਸੀ। ਹਾਲਾਂਕਿ ਇਹ ਫਿਲਮ ਬਾਕਸ ਆਫਿਸ ਤੇ ਬੁਰੀ ਤਰ੍ਹਾਂ ਫਲਾਪ ਹੋ ਗਈ ਸੀ। ਇਸ ਤੋਂ ਇਲਾਵਾ ਸੰਜੇ ਦੱਤ ਕੋਲ ਬਾਪ, ਦਿ ਗੁੱਡ ਮਹਾਰਾਜਾ ਵਰਗੀਆਂ ਫਿਲਮਾਂ ਹਨ।

Sanjay Dutt Will Also Act With Akshay Kumar And Sunil Shetty In Hera Pheri 3