ਕਚਿਹਰੀ ਬਾਹਰ ਗੋਲੀ ਚਲਾਉਣ ਵਾਲਾ ਕਾਂਗਰਸੀ ਆਗੂ ਕੜਵਲ ਦਾ ਖਾਸਮਖਾਸ

07/02/2023 | Public Times Bureau | Ludhiana

ਮੰਗਲਵਾਰ ਸਵੇਰੇ ਅਦਾਲਤ ਪਰਿਸਰ ਬਾਹਰ ਗੋਲੀਆਂ ਚਲੀਆਂ ਜਿਸ ਨਾਲ ਇਲਾਕੇ ਵਿੱਚ ਦਹਿਸ਼ਤ ਦਾ ਮਾਹੌਲ ਪੈਦਾ ਹੋ ਗਿਆ | ਗੋਲੀ ਲੱਗਣ ਨਾਲ ਸਾਹਿਲ ਨਾਮੀ ਯੁਵਕ ਗੰਭੀਰ ਜ਼ਖਮੀ ਹੋ ਗਿਆ | ਦੱਸਣਯੋਗ ਹੈ ਕਿ ਜਿਨ੍ਹਾਂ ਦੋ ਧਿਰਾਂ ਵਿੱਚ ਲੜਾਈ ਹੋਈ ਉਹਨਾਂ ਵਿੱਚ ਪੁਰਾਣੀ ਰੰਜਿਸ਼ ਸੀ ਤੇ ਪਹਿਲਾਂ ਵੀ ਕਈ ਵਾਰ ਤਕਰਾਰ ਹੋ ਚੁੱਕਾ ਸੀ | ਜਾਣਕਾਰੀ ਅਨੁਸਾਰ ਗੋਲੀ ਚਲਾਉਣ ਵਾਲੇ ਦੋਸ਼ੀ ਮਨਜਿੰਦਰ ਭੱਲਾ ਤੇ ਬਲਜਿੰਦਰ ਜੰਡੂ ਹਲਕਾ ਆਤਮ ਨਗਰ ਕਾਂਗਰਸੀ ਆਗੂ ਕਮਲਜੀਤ ਕੜਵੱਲ ਦਾ ਖਸਮਖਾਸ ਹੈ | ਜ਼ਿਕਰਯੋਗ ਹੈ ਕਿ ਜੰਡੂ ਤੇ ਕਾਂਗਰਸੀ ਆਗੂ ਜਗਮੀਤ ਨੋਨੀ ਦੀ ਪਹਿਲਾਂ ਵੀ ਮਨਜਿੰਦਰ ਭੱਲਾ ਦੀ ਲੜਾਈ ਹੋ ਚੁੱਕੀ ਹੈ | ਨੋਨੀ ਤੇ ਸਾਹਿਲ ਪਹਿਲਾਂ ਇਕੱਠੇ ਹੁੰਦੇ ਸੀ | ਦੋ ਦਿਨ ਪਹਿਲਾਂ ਵੀ ਕਮਲਜੀਤ ਕੜਵੱਲ ਦੇ ਪੁੱਤਰ ਦੇ ਵਿਆਹ ਸਮਾਗਮ ਦੌਰਾਨ ਗੋਲੀ ਚਲਾਉਣ ਵਾਲੇ ਭੱਲਾ ਤੇ ਜੰਡੂ ਦੀ ਜਗਮੀਤ ਨੋਨੀ ਨਾਲ ਤਕਰਾਰ ਹੋਣ ਲੱਗੀ ਸੀ ਪਰ ਗੁਰਵਿੰਦਰ ਪ੍ਰਿੰਕਲ ਨੇ ਵਿੱਚ ਪੈ ਕੇ ਮਸਲਾ ਸ਼ਾਂਤ ਕਰ ਦਿੱਤਾ ਸੀ | ਫਿਲਹਾਲ ਪੁਲਿਸ ਨੇ ਇਸ ਮਾਮਲੇ ਵਿੱਚ ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ |

Congress Leader Karwal Who Shot Outside The Courtroom