80W ਚਾਰਜਿੰਗ ਫੀਚਰ ਨਾਲ ਲੌਂਚ ਹੋਵੇਗੀ Reno 11 Series, -20 ਡਿਗਰੀ ਟੈਂਪਰੇਚਰ 'ਚ ਵੀ ਚਾਰਜ ਹੋਣਗੇ ਨਵੇਂ Smartphone

21/11/2023 | Public Times Bureau | National

ਯੂਜ਼ਰਜ਼ ਓਪੋ ਦੀ ਆਉਣ ਵਾਲੀ ਸਮਾਰਟਫੋਨ ਸੀਰੀਜ਼ (ਰੇਨੋ 11 ਸੀਰੀਜ਼) ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਦੱਸ ਦੇਈਏ ਕਿ ਰੇਨੋ 11 ਸੀਰੀਜ਼ 23 ਨਵੰਬਰ ਨੂੰ ਲਾਂਚ ਹੋ ਰਹੀ ਹੈ। ਹਾਲਾਂਕਿ ਲਾਂਚ ਤੋਂ ਪਹਿਲਾਂ ਹੀ ਕੰਪਨੀ ਨੇ ਰੇਨੋ 11 ਤੇ ਰੇਨੋ 11 ਪ੍ਰੋ ਨੂੰ ਲੈ ਕੇ ਕਈ ਪੋਸਟਰ ਜਾਰੀ ਕੀਤੇ ਹਨ। ਨਵੀਂ ਪੋਸਟ ਦੇ ਨਾਲ ਨਵੇਂ ਫੋਨ ਦੀ ਬੈਟਰੀ ਨੂੰ ਲੈ ਕੇ ਨਵੀਂ ਜਾਣਕਾਰੀ ਦਿੱਤੀ ਗਈ ਹੈ।ਓਪੋ ਦੀ ਆਉਣ ਵਾਲੀ ਸੀਰੀਜ਼ ਨੂੰ ਕੰਪਨੀ 48 ਮਹੀਨਿਆਂ ਦੀ ਬੈਟਰੀ ਰਿਪਲੇਸਮੈਂਟ ਸਹੂਲਤ ਦੇ ਨਾਲ ਪੇਸ਼ ਕਰ ਰਹੀ ਹੈ। ਰੇਨੋ 11 ਸੀਰੀਜ਼ ਦੇ ਫੋਨ ਅਲਟਰਾ-ਟਿਕਾਊ ਬੈਟਰੀ ਦੇ ਨਾਲ ਲਿਆਂਦੇ ਜਾ ਰਹੇ ਹਨ, ਜੋ ਬਹੁਤ ਜ਼ਿਆਦਾ ਤਾਪਮਾਨ 'ਤੇ ਵੀ ਚਾਰਜਿੰਗ ਨੂੰ ਸਪੋਰਟ ਕਰਨਗੇ। ਦਰਅਸਲ ਓਪੋ ਨੇ ਪਹਿਲੀ ਵਾਰ ਫੋਨ ਖਰੀਦਣ ਵਾਲਿਆਂ ਲਈ ਇੱਕ ਨਵਾਂ ਐਲਾਨ ਕੀਤਾ ਹੈ। ਫੋਨ ਦੇ ਪਹਿਲੇ ਖਰੀਦਦਾਰਾਂ ਨੂੰ 4 ਸਾਲ ਦੀ ਬੈਟਰੀ ਰਿਪਲੇਸਮੈਂਟ ਪਲਾਨ ਦੀ ਪੇਸ਼ਕਸ਼ ਕੀਤੀ ਜਾਵੇਗੀ। ਇਹ ਜਾਣਿਆ ਜਾਂਦਾ ਹੈ ਕਿ ਇਸੇ ਤਰ੍ਹਾਂ ਦਾ ਪਲਾਨ ਪਹਿਲਾਂ Oppo A2 Pro 5G ਲਈ ਵੀ ਪੇਸ਼ ਕੀਤਾ ਗਿਆ ਸੀ।

Oppo A2 Pro 5G ਦੇ ਬਾਰੇ ਕੰਪਨੀ ਨੇ ਪੁਸ਼ਟੀ ਕੀਤੀ ਸੀ ਕਿ ਜੇਕਰ ਬੈਟਰੀ ਦੀ ਸਿਹਤ 4 ਸਾਲਾਂ ਦੇ ਅੰਦਰ 80 ਪ੍ਰਤੀਸ਼ਤ ਤੋਂ ਘੱਟ ਜਾਂਦੀ ਹੈ ਤਾਂ ਰਿਪਲੇਸਮੈਂਟ ਪਲਾਨ ਦੇ ਤਹਿਤ ਕੰਮ ਕੀਤਾ ਜਾਵੇਗਾ।ਕੰਪਨੀ ਨੇ ਪੁਸ਼ਟੀ ਕੀਤੀ ਹੈ ਕਿ ਆਉਣ ਵਾਲੇ ਫੋਨ ਨੂੰ 80W ਚਾਰਜਿੰਗ ਫੀਚਰ ਨਾਲ ਲਿਆਂਦਾ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਕੰਪਨੀ ਦਾ ਦਾਅਵਾ ਹੈ ਕਿ ਰੇਨੋ 11 ਸੀਰੀਜ਼ ਦੇ ਸਮਾਰਟਫੋਨ ਨੂੰ -20 ਡਿਗਰੀ ਸੈਲਸੀਅਸ ਤਾਪਮਾਨ 'ਚ ਵੀ ਚਾਰਜ ਕੀਤਾ ਜਾ ਸਕਦਾ ਹੈ। ਓਪੋ ਦੀ ਆਉਣ ਵਾਲੀ ਸੀਰੀਜ਼ ਦੇ ਸਬੰਧ 'ਚ ਕੁਝ ਤਸਵੀਰਾਂ ਕੰਪਨੀ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਦੇਖੀਆਂ ਜਾ ਸਕਦੀਆਂ ਹਨ। ਤੁਹਾਨੂੰ ਦੱਸ ਦੇਈਏ ਕਿ Oppo ਦੀ ਇਹ ਸੀਰੀਜ਼ ਚੀਨ 'ਚ ਲਾਂਚ ਕੀਤੀ ਜਾ ਰਹੀ ਹੈ। ਹਾਲਾਂਕਿ ਇਸ ਸੀਰੀਜ਼ ਨੂੰ ਚੀਨ ਤੋਂ ਬਾਅਦ ਗਲੋਬਲ ਬਾਜ਼ਾਰ ਅਤੇ ਭਾਰਤ 'ਚ ਵੀ ਲਾਂਚ ਕੀਤਾ ਜਾ ਸਕਦਾ ਹੈ।

Reno 11 Series Will Be Launched With 80w Charging Feature The New Smartphone Will Be Charged Even In 20 Degree Temperature