ਹਿਮਾਚਲ ਪ੍ਰਦੇਸ਼ ਵਿੱਚ ਅੱਜ ਤੋਂ ਅਗਲੇ 4 ਦਿਨਾਂ ਤੱਕ ਮੌਸਮ ਸਾਫ਼ ਰਹੇਗਾ। ਮੌਸਮ ਵਿਭਾਗ ਮੁਤਾਬਕ 16 ਫਰਵਰੀ ਤੋਂ ਮੌਸਮ ਮੁੜ ਬਦਲ ਜਾਵੇਗਾ ਅਤੇ ਸੂਬੇ ਦੇ ਕੁਝ ਇਲਾਕਿਆਂ ਚ ਫਿਰ ਤੋਂ ਮੀਂਹ ਅਤੇ ਬਰਫਬਾਰੀ ਹੋਣ ਦੀ ਸੰਭਾਵਨਾ ਹੈ। ਦੂਜੇ ਪਾਸੇ ਪਿਛਲੇ ਦੋ ਦਿਨਾਂ ਤੋਂ ਹੋ ਰਹੀ ਬਰਫਬਾਰੀ ਕਾਰਨ ਕੁੱਲੂ, ਲਾਹੌਲ ਸਪਿਤੀ ਅਤੇ ਕਿਨੌਰ ਦੇ ਲੋਕਾਂ ਦੀਆਂ ਮੁਸ਼ਕਿਲਾਂ ਵਧ ਗਈਆਂ ਹਨ। ਖਾਸ ਕਰਕੇ 196 ਸੜਕਾਂ ਜਾਮ ਹੋਣ ਕਾਰਨ ਲੋਕਾਂ ਦੀ ਆਵਾਜਾਈ ਪ੍ਰਭਾਵਿਤ ਹੋਈ ਹੈ। ਇਸ ਕਾਰਨ ਤਿੰਨਾਂ ਜ਼ਿਲ੍ਹਿਆਂ ਦੇ ਉੱਚੇ ਇਲਾਕਿਆਂ ਵਿੱਚ ਦੋ ਦਿਨਾਂ ਤੋਂ ਰੋਜ਼ਾਨਾ ਵਰਤੋਂ ਦੀਆਂ ਵਸਤੂਆਂ ਜਿਵੇਂ ਦੁੱਧ, ਦਹੀਂ, ਰੋਟੀ, ਮੱਖਣ ਅਤੇ ਸਬਜ਼ੀਆਂ ਦੀ ਸਪਲਾਈ ਨਹੀਂ ਹੋ ਸਕੀ। ਅੱਜ ਵੀ ਕਈ ਖੇਤਰਾਂ ਵਿੱਚ ਇਸ ਸਪਲਾਈ ਦੀ ਸੰਭਾਵਨਾ ਘੱਟ ਹੈ। 150 ਬਿਜਲੀ ਦੇ ਟਰਾਂਸਫਾਰਮਰ ਟੁੱਟਣ ਕਾਰਨ ਕਈ ਪਰਿਵਾਰ 2 ਦਿਨਾਂ ਤੋਂ ਹਨੇਰੇ ਵਿੱਚ ਹਨ। ਕਿਨੌਰ ਵਿੱਚ 28 ਡੀਟੀਆਰ, ਕੁੱਲੂ ਵਿੱਚ 9 ਡੀਟੀਆਰ, ਲਾਹੌਲ ਸਪਿਤੀ ਵਿੱਚ 112 ਡੀਟੀਆਰ ਅਤੇ ਕੁੱਲੂ ਵਿੱਚ 1 ਡੀਟੀਆਰ ਰੁਕੇ ਹਨ।