Jasmin Bhasin ਨੇ 10 ਦਿਨਾਂ ਬਾਅਦ ਸ਼ੇਅਰ ਕੀਤੀ ਆਪਣੀ ਨਵੀਂ ਤਸਵੀਰ, ਕਿਹਾ- 'ਮੈਂ ਅੱਖਾਂ ਦੇ ਪੈਚ ਤੋਂ ਮੁਕਤ ਹੋ ਗਈ ਹਾਂ'
28/07/2024 | Public Times Bureau | Nationalਅਦਾਕਾਰਾ ਜੈਸਮੀਨ ਭਸੀਨ 10 ਦਿਨਾਂ ਤੋਂ ਬੇਹੱਦ ਦਰਦਨਾਕ ਦੌਰ 'ਚੋਂ ਲੰਘੀ ਸੀ, ਜਿਸ ਨੂੰ ਜਾਣ ਕੇ ਹਰ ਕੋਈ ਹੈਰਾਨ ਰਹਿ ਗਿਆ ਸੀ। ਅਭਿਨੇਤਰੀ ਨੂੰ ਅੱਖਾਂ 'ਚ ਲੈਂਜ਼ ਲਗਾਉਣ ਕਾਰਨ ਗੰਭੀਰ ਸਮੱਸਿਆ ਹੋ ਗਈ ਸੀ, ਜਿਸ ਕਾਰਨ ਉਸ ਦੀ ਹਾਲਤ ਤਰਸਯੋਗ ਹੋ ਗਈ ਸੀ। ਉਸ ਨੂੰ ਨਜ਼ਰ ਆਉਣਾ ਵੀ ਬੰਦ ਹੋ ਗਿਆ ਸੀ।ਅਜਿਹੇ 'ਚ ਅਭਿਨੇਤਰੀ ਦੇ ਪਰਿਵਾਰ ਤੇ ਪ੍ਰਸ਼ੰਸਕਾਂ ਨੇ ਉਸ ਲਈ ਦਿਨ-ਰਾਤ ਰੱਬ ਅੱਗੇ ਅਰਦਾਸ ਕੀਤੀ ਅਤੇ ਹੁਣ ਉਹ ਠੀਕ ਹੋ ਗਈ ਹੈ। ਹਾਲ ਹੀ 'ਚ ਉਸ ਨੂੰ ਮੁੰਬਈ ਏਅਰਪੋਰਟ 'ਤੇ ਕਾਲੇ ਚਸ਼ਮੇ ਨਾਲ ਦੇਖਿਆ ਗਿਆ। ਹੁਣ ਉਨ੍ਹਾਂ ਨੇ ਇੰਸਟਾਗ੍ਰਾਮ 'ਤੇ ਆਪਣੇ ਪ੍ਰਸ਼ੰਸਕਾਂ ਨਾਲ ਆਪਣੀ ਸਿਹਤ ਸਬੰਧੀ ਅਪਡੇਟ ਸ਼ੇਅਰ ਕੀਤੀ ਹੈ।
ਟੀਵੀ ਅਦਾਕਾਰਾ ਅਤੇ 'ਬਿੱਗ ਬੌਸ 14' ਦੀ ਕੰਟੈਸਟੈਂਟ ਜੈਸਮੀਨ ਭਸੀਨ ਨੇ ਸ਼ਨੀਵਾਰ ਰਾਤ ਇੰਸਟਾਗ੍ਰਾਮ 'ਤੇ ਆਪਣੇ ਪ੍ਰਸ਼ੰਸਕਾਂ ਨਾਲ ਖੁਸ਼ਖਬਰੀ ਸਾਂਝੀ ਕੀਤੀ ਹੈ। ਉਸ ਨੇ ਦੱਸਿਆ ਕਿ ਹੁਣ ਉਸ ਦੀਆਂ ਅੱਖਾਂ ਪੂਰੀ ਤਰ੍ਹਾਂ ਠੀਕ ਹੋ ਗਈਆਂ ਹਨ। ਇੰਸਟਾ ਸਟੋਰੀ 'ਤੇ ਆਪਣੀ ਮੁਸਕਰਾਉਂਦੀ ਹੋਈ ਤਸਵੀਰ ਸ਼ੇਅਰ ਕਰਦੇ ਹੋਏ ਜੈਸਮੀਨ ਨੇ ਲਿਖਿਆ- 'ਆਖਿਰਕਾਰ ਮੈਂ ਅੱਖਾਂ ਦੇ ਪੈਚ ਤੋਂ ਮੁਕਤ ਹੋ ਗਈ ਹਾਂ ਤੇ ਖਤਰੇ ਤੋਂ ਵੀ ਬਾਹਰ ਹਾਂ। ਇਸ ਪੋਸਟ ਵਿੱਚ ਉਨ੍ਹਾਂ ਨੇ ਆਪਣੇ ਡਾਕਟਰਾਂ ਦਾ ਵੀ ਧੰਨਵਾਦ ਕੀਤਾ ਹੈ। ਸ਼ਨੀਵਾਰ ਨੂੰ ਸੋਸ਼ਲ ਮੀਡੀਆ 'ਤੇ ਅਦਾਕਾਰਾ ਦਾ ਇਕ ਵੀਡੀਓ ਵਾਇਰਲ ਹੋਇਆ ਸੀ, ਜਿਸ 'ਚ ਉਹ ਆਪਣੀ ਕਾਰ 'ਚੋਂ ਬਾਹਰ ਨਿਕਲ ਕੇ ਹਸਪਤਾਲ ਜਾ ਰਹੀ ਸੀ। ਇਸ ਦੌਰਾਨ ਉਸ ਨੇ ਕਾਲੇ ਚਸ਼ਮੇ ਪਾਏ ਹੋਏ ਸਨ ਅਤੇ ਇਕ ਅੱਖ 'ਤੇ ਪੱਟੀ ਬੰਨ੍ਹੀ ਹੋਈ ਸੀ। ਡਾਕਟਰ ਨੂੰ ਮਿਲਣ ਤੋਂ ਬਾਅਦ ਅਦਾਕਾਰਾ ਨੇ ਦੇਰ ਸ਼ਾਮ ਆਪਣੀਆਂ ਅੱਖਾਂ ਠੀਕ ਹੋਣ 'ਤੇ ਪ੍ਰਸ਼ੰਸਕਾਂ ਨਾਲ ਖੁਸ਼ੀ ਜ਼ਾਹਰ ਕੀਤੀ।
Jasmin Bhasin Shared Her New Picture After 10 Days Said i Am Free From Eye Patch
RSS FEED