ਰਾਮ ਚਰਨ ਨੇ ਬਰਥਡੇ 'ਤੇ ਫੈਨਜ਼ ਨੂੰ ਦਿੱਤਾ ਖ਼ਾਸ ਤੋਹਫ਼ਾ, ਸਾਂਝੀ ਕੀਤੀ ਫ਼ਿਲਮ 'RC16' ਦੀ ਪਹਿਲੀ ਲੁੱਕ

27/03/2025 | Public Times Bureau | National

ਰਾਮ ਚਰਨ ਆਪਣੀ ਨਵੀਂ ਫ਼ਿਲਮ ਨਾਲ ਪ੍ਰਸ਼ੰਸਕਾਂ 'ਚ ਵਾਪਸੀ ਕਰਨ ਲਈ ਤਿਆਰ ਹਨ। ਉਸ ਨੇ ਆਪਣੀ ਬਹੁ-ਉਡੀਕ ਵਾਲੀ 16ਵੀਂ ਫ਼ਿਲਮ ਲਈ ਬਲਾਕਬਸਟਰ ਨਿਰਦੇਸ਼ਕ ਬੁਚੀ ਬਾਬੂ ਸਨਾ ਨਾਲ ਹੱਥ ਮਿਲਾਇਆ ਹੈ। ਇਹ ਫ਼ਿਲਮ, ਜਿਸ ਦਾ ਪਹਿਲਾਂ ਆਰਜ਼ੀ ਤੌਰ 'ਤੇ ਨਾਮ RC16 ਸੀ, ਵੀਰਵਾਰ ਨੂੰ ਰਾਮ ਚਰਨ ਦੇ 40ਵੇਂ ਜਨਮਦਿਨ 'ਤੇ ਫ਼ਿਲਮ ਦੇ ਪਹਿਲੇ ਲੁੱਕ ਪੋਸਟਰ ਅਤੇ ਨਾਂ ਦਾ ਖੁਲਾਸਾ ਕੀਤਾ ਗਿਆ।

ਐਕਸ (ਪਹਿਲਾਂ ਟਵਿੱਟਰ) 'ਤੇ, ਫ਼ਿਲਮ ਦੇ ਨਿਰਦੇਸ਼ਕ ਬੁਚੀ ਬਾਬੂ ਸਨਾ ਨੇ ਫ਼ਿਲਮ ਦੇ ਸਿਰਲੇਖ ਦਾ ਖੁਲਾਸਾ 'ਪੇਡੀ' ਵਜੋਂ ਕੀਤਾ ਹੈ। ਪੋਸਟਰ ਦੇਖ ਕੇ ਪ੍ਰਸ਼ੰਸਕ ਇਸ ਨੂੰ 'ਮਿਨ ਪੁਸ਼ਪਾ' ਕਹਿ ਰਹੇ ਹਨ। ਦੂਜੇ ਪੋਸਟਰ 'ਚ ਰਾਮ ਚਰਨ ਨੇ ਲਾਲ ਅਤੇ ਨੀਲੀ ਧਾਰੀਦਾਰ ਕਮੀਜ਼ ਪਾਈ ਹੋਈ ਹੈ।

ਨਿਰਦੇਸ਼ਕ ਬੁਚੀ ਬਾਬੂ ਨੇ ਖੁਦ ਪੋਸਟਰ ਸਾਂਝਾ ਕੀਤਾ ਹੈ। ਪੋਸਟਰ ਸਾਂਝਾ ਕਰਦਿਆਂ ਉਸ ਨੇ ਲਿਖਿਆ, "ਜਨਮਦਿਨ ਮੁਬਾਰਕ ਮੇਰੇ ਪਿਆਰੇ ਰਾਮ ਚਰਨ ਸਰ.. ਇੱਕ ਸ਼ਬਦ 'ਚ ਤੁਸੀਂ ਸੋਨੇ ਦੇ ਸਰ ਹੋ। ਹਰ ਚੀਜ਼ ਲਈ ਧੰਨਵਾਦ ਸਰ।" ਇਸ ਫ਼ਿਲਮ 'ਚ ਸ਼ਿਵਾ ਰਾਜਕੁਮਾਰ, ਜਾਨ੍ਹਵੀ ਕਪੂਰ, ਜਗਪਤੀ ਬਾਬੂ ਅਤੇ ਦਿਵਯੇਂਦੂ ਸ਼ਰਮਾ ਨਜ਼ਰ ਆਉਣਗੇ। ਇਸ ਫ਼ਿਲਮ ਨੂੰ ਬੁਚੀ ਬਾਬੂ ਸਨਾ ਦੁਆਰਾ ਲਿਖਿਆ ਗਿਆ ਹੈ ਅਤੇ ਇਸ ਨੂੰ ਮਿਥਰੀ ਮੂਵੀ ਮੇਕਰਸ ਅਤੇ ਸੁਕੁਮਾਰ ਰਾਈਟਿੰਗਜ਼ ਦੁਆਰਾ ਵਰਿੱਧੀ ਸਿਨੇਮਾਜ਼ ਦੇ ਬੈਨਰ ਹੇਠ ਪੇਸ਼ ਕੀਤਾ ਗਿਆ ਹੈ। ਇਹ ਫ਼ਿਲਮ ਵੈਂਕਟ ਸਤੀਸ਼ ਕਿਲਾਰੂ ਦੁਆਰਾ ਨਿਰਮਿਤ ਹੈ ਜਦੋਂ ਕਿ ਸੰਗੀਤ ਏ.ਆਰ. ਰਹਿਮਾਨ ਦੁਆਰਾ ਤਿਆਰ ਕੀਤਾ ਗਿਆ ਹੈ। ਫ਼ਿਲਮ ਦੀ ਸਿਨੇਮੈਟੋਗ੍ਰਾਫੀ ਆਰ ਰਥਨਵੇਲੂ ਦੁਆਰਾ ਕੀਤੀ ਗਈ ਹੈ। ਫ਼ਿਲਮ ਦੀ ਸ਼ੂਟਿੰਗ ਜਲਦੀ ਹੀ ਸ਼ੁਰੂ ਹੋਣ ਜਾ ਰਹੀ ਹੈ।

Ram Charan Gives A Special Gift To Fans On His Birthday Shares The First Look Of The Film rc16