ਹਮਬੋਲਟ ਹਾਦਸੇ ’ਚ ਦੋਸ਼ੀ ਸਾਬਤ ਹੋਏ ਜਸਕੀਰਤ ਸਿੱਧੂ ਨੂੰ ਭੇਜਿਆ ਜਾਵੇਗਾ ਭਾਰਤ ਵਾਪਸ

25/05/2024 | Public Times Bureau | Canada

ਫੈਡਰਲ ਇਮੀਗ੍ਰੇਸ਼ਨ ਵਿਭਾਗ ਵੱਲੋਂ ਲਏ ਗਏ ਫ਼ੈਸਲੇ ਮੁਤਾਬਕ ਹਮਬੋਲਟ ਹਾਦਸੇ ’ਚ ਸ਼ਾਮਲ ਜਸਕੀਰਤ ਸਿੰਘ ਸਿੱਧੂ ਨੂੰ ਭਾਰਤ ਵਾਪਸ ਭੇਜਿਆ ਜਾਵੇਗਾ। ਜ਼ਿਕਰਯੋਗ ਹੈ ਕਿ ਜਸਕੀਰਤ ਸਿੰਘ ਸਿੱਧੂ ਹਮਬੋਲਟ ਹਾਦਸੇ ਤੋਂ ਇਕ ਮਹੀਨਾ ਪਹਿਲਾਂ ਹੀ ਕੈਨੇਡਾ ਦਾ ਪਰਮਾਨੈਂਟ ਰੈਜ਼ੀਡੈਂਟ ਬਣਿਆ ਸੀ। ਹਮਬੋਲਟ ਹਾਦਸਾ ਜੋ 2018 ’ਚ ਕੈਨੇਡਾ ਦੇ ਸਸਕੈਚਵਨ ਸੂਬੇ ’ਚ ਵਾਪਰਿਆ ਸੀ, ’ਚ 16 ਵਿਅਕਤੀ ਮਾਰੇ ਗਏ ਸਨ ਤੇ 13 ਜ਼ਖ਼ਮੀ ਹੋਏ ਸਨ। ਇਸ ਗੰਭੀਰ ਹਾਦਸੇ ’ਚ ਜਸਕੀਰਤ ਸਿੰਘ ਸਿੱਧੂ ਦੋਸ਼ੀ ਸਾਬਿਤ ਹੋ ਗਿਆ ਸੀ। ਇਹ ਹਾਦਸਾ ਉਦੋਂ ਵਾਪਰਿਆ ਸੀ ਜਦੋਂ ਰੈੱਡ ਸਟਾਪ ਸਾਈਨ ’ਤੇ ਜਸਕੀਰਤ ਨੇ ਆਪਣਾ ਟਰੱਕ ਨਹੀਂ ਸੀ ਰੋਕਿਆ ਜਿਸ ਕਾਰਨ ਉਸ ਦਾ ਟਰੱਕ, ਜੋ ਕੈਲਗਰੀ ਦੀ ਕੰਪਨੀ ਦਾ ਸੀ, ਨੌਜਵਾਨ ਖਿਡਾਰੀਆਂ ਨਾਲ ਭਰੀ ਬੱਸ ਨਾਲ ਜਾ ਟਕਰਾਇਆ ਸੀ। ਸਿੱਧੂ ਇਸ ਗੰਭੀਰ ਅਪਰਾਧ ਲਈ ਦੋਸ਼ੀ ਸਾਬਿਤ ਹੋ ਗਿਆ ਸੀ। ਉਹ ਕੈਨੇਡੀਅਨ ਨਾਗਰਿਕ ਨਹੀਂ ਬਲਕਿ ਪੀਆਰ ਸੀ। ਇਸ ਲਈ ਕਾਨੂੰਨ ਮੁਤਾਬਕ ਉਸ ਦੀ ਵਤਨ ਵਾਪਸੀ ਦੇ ਹੁਕਮ ਜਾਰੀ ਕੀਤੇ ਗਏ ਸਨ।

Jaskirat Sidhu Who Was Found Guilty In The Humboldt Accident Will Be Sent Back To India