ਟਰੰਪ ਨੇ ਪਰਵਾਸੀ ਹਿਰਾਸਤ ਕਾਨੂੰਨ ’ਤੇ ਕੀਤੇ ਦਸਤਖ਼ਤ, ਨਾਜਾਇਜ਼ ਪਰਵਾਸੀਆਂ ਨੂੰ ਸੁਣਵਾਈ ਤੋਂ ਪਹਿਲਾਂ ਹਿਰਾਸਤ ’ਚ ਲੈਣ ਦੀ ਮਿਲੀ ਇਜਾਜ਼ਤ

31/01/2025 | Public Times Bureau | America

ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਪਰਵਾਸੀ ਹਿਰਾਸਤ ਕਾਨੂੰਨ ’ਤੇ ਦਸਤਖ਼ਤ ਕੀਤੇ ਹਨ। ਇਹ ਕਾਨੂੰਨ ਚੋਰੀ, ਸੰਨ੍ਹਮਾਰੀ ਵਰਗੇ ਮਾਮਲਿਆਂ ’ਚ ਮੁਲਜ਼ਮ ਨਾਜਾਇਜ਼ ਪਰਵਾਸੀਆਂ ਨੂੰ ਸੁਣਵਾਈ ਤੋਂ ਪਹਿਲਾਂ ਹਿਰਾਸਤ ’ਚ ਲੈਣ ਦਾ ਅਧਿਕਾਰ ਦਿੰਦਾ ਹੈ। ਪਰ ਰੇਲੇ ਐਕਟ ਪੋਸਟ ਸੰਭਾਲਣ ਦੇ ਬਾਅਦ ਪਹਿਲਾਂ ਕਾਨੂੰਨ ਹੈ ਜਿਸ ’ਤੇ ਉਨ੍ਹਾਂ ਦਸਤਖ਼ਤ ਕੀਤੇ ਹਨ। ਇਸ ਕਾਨੂੰਨ ਦਾ ਨਾਂ ਜਾਰਜੀਆ ਦੀ 22 ਸਾਲਾ ਨਰਸਿੰਗ ਵਿਦਿਆਰਥਣ ਲੇਕਨ ਰੇਲੇ ਦੇ ਨਾਂ ’ਤੇ ਰੱਖਿਆ ਗਿਆ, ਜਿਸ ਦੀ ਇਕ ਗ਼ੈਰ ਕਾਨੂੰਨੀ ਪਰਵਾਸੀ ਨੇ ਹੱਤਿਆ ਕਰ ਦਿੱਤੀ ਸੀ। ਟਰੰਪ ਨੇ ਕਿਹਾ ਕਿ ਜਿਸ ਕਾਨੂੰਨ ’ਤੇ ਅੱਜ ਦਸਤਖ਼ਤ ਕਰ ਰਿਹਾ ਹਾਂ, ਉਸ ਦੇ ਤਹਿਤ ਹੋਮਲੈਂਡ ਸਕਿਓਰਿਟੀ ਵਿਭਾਗ ਨੂੰ ਉਨ੍ਹਾਂ ਸਾਰੇ ਨਾਜਾਇਜ਼ ਵਿਦੇਸ਼ੀਆਂ ਨੂੰ ਹਿਰਾਸਤ ’ਚ ਲੈਣਾ ਪਵੇਗਾ, ਜਿਨ੍ਹਾਂ ਨੂੰ ਚੋਰੀ, ਸੰਨ੍ਹਮਾਰੀ, ਪੁਲਿਸ ਅਧਿਕਾਰੀ ’ਤੇ ਹਮਲਾ, ਹੱਤਿਆ ਜਾਂ ਕਿਸੇ ਅਜਿਹੇ ਅਪਰਾਧ ਲਈ ਗ੍ਰਿਫ਼ਤਾਰ ਕੀਤਾ ਗਿਆ ਹੈ, ਜਿਸਦੇ ਸਿੱਟੇ ਵਜੋਂ ਮੌਤ ਜਾਂ ਕਿਸੇ ਨੂੰ ਗੰਭੀਰ ਸੱਟ ਲੱਗੀ ਹੋਵੇ।

ਉੱਥੇ ਟਰੰਪ ਨੇ ਇਕ ਪ੍ਰੈਜ਼ੀਡੈਂਸ਼ੀਅਲ ਮੈਮੋਰੰਡਮ ’ਤੇ ਵੀ ਦਸਤਖ਼ਤ ਕੀਤਾ। ਇਸਦੇ ਮੁਤਾਬਕ, ਗਵਾਂਤਨਾਮੋ ’ਤੇ ਵੀ ਦਸਤਖ਼ਤ ਕੀਤਾ। ਇਸ ਦੇ ਮੁਤਾਬਕ, ਗਵਾਂਤਨਾਮੋ ਬੇ ’ਚ ਉੱਚ ਤਰਜੀਹ ਵਾਲੇ ਅਪਰਾਧੀਆਂ ਨੂੰ ਹਿਰਾਸਤ ’ਚ ਰੱਖਣ ਲਈ ਗਵਾਂਤਨਾਮੋ ਬੇ ’ਚ 30 ਹਜ਼ਾਰ ਸਮਰੱਥਾ ਵਾਲੇ ਡਿਟੈਂਸ਼ਨ ਸੈਂਟਰ ਸਥਾਪਤਕਰਨ ਦਾ ਆਦੇਸ਼ ਦਿੱਤਾ ਗਿਆ ਹੈ। ਬੇ ਦੀ ਵਰਤੋਂ ਹੁਣ ਤੱਕ ਅੱਤਵਾਦੀਆਂ ਨੂੰ ਰੱਖਣ ਲਈ ਕੀਤੀ ਜਾਂਦੀ ਰਹੀ ਹੈ। ਟਰੰਪ ਨੇ ਕਿਹਾ ਕਿ ਉਨ੍ਹਾਂ ’ਚੋਂ ਕੁਝ ਏਨੇ ਖ਼ਤਰਨਾਕ ਹਨ ਕਿ ਉਨ੍ਹਾਂ ਨੂੰ ਉਨ੍ਹਾਂ ਦੇ ਘਰੇਲੂ ਦੇਸ਼ ਭੇਜਣਾ ਘੱਟ ਹੋਵੇਗਾ। ਅਸੀਂ ਨਹੀਂ ਚਾਹੁੰਦੇ ਕਿ ਉਹ ਵਾਪਸ ਆਉਣ, ਇਸ ਲਈ ਉਨ੍ਹਾਂ ਨੂੰ ਗਵਾਂਤਨਾਮੋ ਭੇਜਣ ਜਾ ਰਹੇ ਹਾਂ।

ਰਿਪਬਲਿਕਨ ਸੈਨੇਟਰਾਂ ਨੇ ਗ਼ੈਰ ਕਾਨੂੰਨੀ ਪਰਵਾਸੀਆਂ ਤੇ ਆਰਜ਼ੀ ਵੀਜ਼ੇ ’ਤੇ ਗੈਰ ਪਰਵਾਸੀਆਂ ਦੇ ਬੱਚਿਆਂ ਲਈ ਜਨਮਜਾਤ ਨਾਗਰਿਕਤਾ ’ਤੇ ਪਾਬੰਦੀ ਲਗਾਉਣ ਲਈ ਸੈਨੇਟ ’ਚ ਬਿੱਲ ਪੇਸ਼ ਕੀਤਾ। ਅਮਰੀਕਾ ਦੁਨੀਆ ਦੇ ਉਨ੍ਹਾਂ 33 ਦੇਸ਼ਾਂ ’ਚੋਂ ਇਕ ਹੈ ਜਿੱਥੇ ਜਨਮਜਾਤ ਨਾਗਰਿਕਤਾ ’ਤੇ ਕੋਈ ਪਾਬੰਦੀ ਨਹੀਂ ਹੈ। ਇਹ ਕਦਮ ਟਰੰਪ ਦੇ ਆਦੇਸ਼ ’ਤੇ ਕੋਰਟ ਵਲੋਂ ਲਗਾਈ ਗਈ ਰੋਕ ਤੋਂ ਬਾਅਦ ਚੁੱਕਿਆ ਗਿਆ ਹੈ।

ਸੈਂਟਰ ਫਾਰ ਇਮੀਗਰੇਸ਼ਨ ਸਟਡੀਜ਼ ਦੀ ਜੈਸਿਕ ਐੱਮ ਵਾਨ ਨੇ ਨਿਆਪਾਲਿਕਾ ’ਤੇ ਅਮਰੀਕੀ ਹਾਊਸ ਕਮੇਟੀ ਨੂੰ ਇਮੀਗਰੇਸ਼ਨ ਪਾਲਿਸੀ ’ਚ ਕਈ ਸੁਧਾਰਾਂ ਦਾ ਸੁਝਾਅ ਦਿੱਤਾ, ਜਿਨ੍ਹਾਂ ’ਚ ਐੱਚ-1ਬੀ ਵੀਜ਼ਾ ਨਾਲ ਸਬੰਧਤ ਸੁਧਾਰ ਵੀ ਸ਼ਾਮਲ ਹਨ। ਉਨ੍ਹਾਂ ਕਿਹਾ ਕਿ 2023 ’ਚ ਭਾਰਤ ਦੇ 7,000 ਤੋਂ ਜ਼ਿਆਦਾ ਵਿਦਿਆਰਥੀ ਤੇ ਮਹਿਮਾਨ ਤੈਅ ਸਮੇਂ ਤੋਂ ਜ਼ਿਆਦਾ ਰੁਕੇ ਸਨ। ਉਨ੍ਹਾਂ ਕਿਹਾ ਕਿ 32 ਦੇਸ਼ਾਂ ’ਚ ਵਿਦਿਆਰਥੀ ਤੇ ਮਹਿਮਾਨਾਂ ਦੀ ਜ਼ਿਆਦਾ ਸਮੇਂ ਤੱਕ ਰਹਿਣ ਦੀ ਦਰ 20 ਫ਼ੀਸਦੀ ਤੋਂ ਜ਼ਿਆਦਾ ਹੈ। ਐੱਫ ਅਤੇ ਐੱਮ ਵੀਜ਼ਾ ਸ਼੍ਰੇਣੀਆਂ ’ਚ ਆਰਜ਼ੀ ਦਾਖਲੇ ਦੀ ਕਿਸੇ ਵੀ ਵਿਆਪਕ ਸ਼੍ਰੇਣੀ ਦੇ ਮੁਕਾਬਲੇ ਜ਼ਿਆਦਾ ਸਮੇਂ ਤੱਕ ਰੁਕਣ ਦੀ ਦਰ ਸਭ ਤੋਂ ਜ਼ਿਆਦਾ ਹੈ।

Trump Signs Immigration Detention Law Allowing Illegal Immigrants To Be Detained Before Trial