Canada ਦੇ ਸਾਰੇ ਠੇਕਿਆਂ ਤੋਂ ਅਮਰੀਕਨ ਸ਼ਰਾਬ ਹਟਾਉਣ ਦੇ ਆਦੇਸ਼

04/02/2025 | Public Times Bureau | Canada

ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਨੇ ਐਲਾਨ ਕੀਤਾ ਕਿ ਓਨਟਾਰੀਓ ਸੂਬਾ ਐਲੋਨ ਮਸਕ ਦੇ ਸਟਾਰਲਿੰਕ ਨਾਲ ਆਪਣਾ 100 ਮਿਲੀਅਨ ਡਾਲਰ ਦਾ ਇਕਰਾਰਨਾਮਾ ਰੱਦ ਕਰ ਰਿਹਾ ਹੈ ਅਤੇ ਅਮਰੀਕੀ ਕੰਪਨੀਆਂ ਨਾਲ ਸੂਬਾਈ ਇਕਰਾਰਨਾਮੇ 'ਤੇ ਉਦੋਂ ਤੱਕ ਪਾਬੰਦੀ ਲਗਾ ਰਿਹਾ ਹੈ ਜਦੋਂ ਤੱਕ ਟਰੰਪ ਵੱਲੋਂ ਜਾਰੀ ਕੈਨੇਡੀਅਨ ਸਾਮਾਨ 'ਤੇ 25% ਟੈਰਿਫ ਨੂੰ ਵਾਪਸ ਨਹੀਂ ਲਿਆ ਜਾਂਦਾ। ਫੋਰਡ ਦਾ ਕਹਿਣਾ ਹੈ ਕਿ ਓਨਟਾਰੀਓ ਸਰਕਾਰੀ ਖਰੀਦ 'ਤੇ ਸਾਲਾਨਾ 20 ਬਿਲੀਅਨ ਡਾਲਰ ਖਰਚ ਕਰਦਾ ਹੈ, ਇਹ ਪੈਸਾ ਅਮਰੀਕੀ ਕਾਰੋਬਾਰਾਂ ਨੂੰ ਹੁਣ ਗੁਆਉਣਾ ਪਵੇਗਾ।

ਇਹ ਕਦਮ ਟਰੰਪ ਦੇ ਵਪਾਰ ਯੁੱਧ ਤੋਂ ਬਾਅਦ ਲਿਆ ਗਿਆ ਹੈ, ਜਿਸਦੀ ਫੋਰਡ ਨੇ ਫੌਕਸ ਨਿਊਜ਼ 'ਤੇ ਆਲੋਚਨਾ ਕੀਤੀ ਸੀ। ਉਨ੍ਹਾਂ ਚਿਤਾਵਨੀ ਦਿੱਤੀ ਸੀ ਕਿ ਟੈਰਿਫ ਓਨਟਾਰੀਓ ਨੂੰ 500,000 ਨੌਕਰੀਆਂ ਦਾ ਨੁਕਸਾਨ ਪਹੁੰਚਾ ਸਕਦੇ ਹਨ ਅਤੇ ਮਹਿੰਗਾਈ ਵਧਾ ਸਕਦੇ ਹਨ। ਉਸਨੇ ਅਮਰੀਕਾ ਨੂੰ ਆਰਥਿਕ ਟਕਰਾਅ ਨਾਲੋਂ ਸਹਿਯੋਗ ਨੂੰ ਤਰਜੀਹ ਦੇਣ ਦੀ ਅਪੀਲ ਕੀਤੀ। ਉਨ੍ਹਾਂ ਕਿਹਾ ਕਿ ਮੰਗਲਵਾਰ ਤੋਂ ਸਾਰੇ ਠੇਕਿਆਂ ਤੋਂ ਅਮਰੀਕਨ ਸ਼ਰਾਬ ਹਟਾਈ ਜਾਵੇ। ਸਿਰਫ ਕੈਨੇਡਾ ਦੀ ਬਣੀ ਸ਼ਰਾਬ ਹੀ ਠੇਕਿਆਂ ਵਿੱਚ ਰੱਖੀ ਜਾਵੇ ।

Orders American Liquor To Be Removed From All Contracts In Canada