ਅਕਸ਼ੈ ਕੁਮਾਰ ਨੇ ਹਾਜੀ ਅਲੀ ਦਰਗਾਹ 'ਤੇ ਚੜ੍ਹਾਈ ਚਾਦਰ, ਦਾਨ ਕੀਤੇ 1.5 ਕਰੋੜ ਰੁਪਏ

08/08/2024 | Public Times Bureau | National

ਅਦਾਕਾਰ ਅਕਸ਼ੈ ਕੁਮਾਰ ਦੀ ਇਸ ਸਾਲ ਦੀ ਤੀਜੀ ਫਿਲਮ 'ਖੇਲ੍ਹ ਖੇਲ੍ਹ ਮੇ' ਰਿਲੀਜ਼ ਹੋਣ ਜਾ ਰਹੀ ਹੈ। ਅਦਾਕਾਰ ਨੂੰ ਆਪਣੀ ਫਿਲਮ ਤੋਂ ਬਹੁਤ ਉਮੀਦਾਂ ਹਨ, ਕਿਉਂਕਿ ਉਸਦੀ ਹਾਲੀਆ ਫਿਲਮ ਸਰਫੀਰਾ ਅਤੇ ਇਸ ਤੋਂ ਪਹਿਲਾਂ ਰਿਲੀਜ਼ ਹੋਈ ਛੋਟੇ ਮੀਆਂ ਬੜੇ ਮੀਆਂ ਦੋਵੇਂ ਬਾਕਸ ਆਫਿਸ 'ਤੇ ਫਲਾਪ ਸਾਬਤ ਹੋਈਆਂ ਸਨ।ਇਸ ਦੌਰਾਨ ਆਪਣੀ ਨਵੀਂ ਫਿਲਮ ਦੀ ਰਿਲੀਜ਼ ਤੋਂ ਪਹਿਲਾਂ ਖਿਲਾੜੀ ਕੁਮਾਰ ਮੁੰਬਈ ਦੀ ਹਾਜੀ ਅਲੀ ਦਰਗਾਹ 'ਤੇ ਮੱਥਾ ਟੇਕਣ ਪਹੁੰਚੇ। ਅਕਸ਼ੈ ਕੁਮਾਰ ਨੂੰ ਵੀਰਵਾਰ ਸਵੇਰੇ ਮੁੰਬਈ ਦੀ ਹਾਜੀ ਅਲੀ ਦਰਗਾਹ 'ਤੇ ਚਾਦਰ ਚੜ੍ਹਾਉਂਦੇ ਦੇਖਿਆ ਗਿਆ। ਇਸ ਦੌਰਾਨ ਉਨ੍ਹਾਂ ਆਪਣੀ ਆਉਣ ਵਾਲੀ ਫਿਲਮ 'ਖੇਲ-ਖੇਲ ਮੇ' ਦੀ ਸਫਲਤਾ ਲਈ ਅਰਦਾਸ ਵੀ ਕੀਤੀ। ਹਾਜੀ ਅਲੀ ਦਰਗਾਹ ਟਰੱਸਟ ਦੇ ਮੈਨੇਜਿੰਗ ਟਰੱਸਟੀ ਸ਼੍ਰੀ ਸੁਹੇਲ ਖੰਡਵਾਨੀ ਅਤੇ ਮਹਿਮ ਦਰਗਾਹ ਟਰੱਸਟ ਨੇ ਆਪਣੀ ਟੀਮ ਸਮੇਤ ਉਨ੍ਹਾਂ ਦਾ ਨਿੱਘਾ ਸਵਾਗਤ ਕੀਤਾ। ਅਦਾਕਾਰ ਨੇ ਦਰਗਾਹ ਲਈ ਕੁਝ ਪੈਸਾ ਵੀ ਦਾਨ ਕੀਤਾ ਹੈ। ਦਰਗਾਹ ਦੇ ਇੱਕ ਹਿੱਸੇ ਨੂੰ ਦੁਬਾਰਾ ਬਣਾਉਣ ਦੀ ਜ਼ਿੰਮੇਵਾਰੀ ਲੈਂਦੇ ਹੋਏ, ਅਕਸ਼ੈ ਕੁਮਾਰ ਨੇ ਲਗਪਗ 1.5 ਕਰੋੜ ਰੁਪਏ ਦੀ ਰਕਮ ਦਾਨ ਕੀਤੀ ਹੈ। ਅਕਸ਼ੈ ਨੇ ਕਰੀਬ 1 ਕਰੋੜ 21 ਲੱਖ ਰੁਪਏ ਦਾਨ ਕੀਤੇ ਹਨ। ਅਜਿਹੇ 'ਚ ਇਕ ਵਾਰ ਫਿਰ ਲੋਕ ਉਸ ਦੀ ਦਰਿਆਦਿਲੀ ਦੀ ਤਾਰੀਫ਼ ਕਰ ਰਹੇ ਹਨ।

Akshay Kumar Draped A Chadar At Haji Ali Dargah Donated 1 5 Crore Rupees