ਨਹੀਂ ਰਹੇ ਪਦਮਸ੍ਰੀ ਡਾ. ਐੱਮਸੀ ਡਾਬਰ, 20 ਰੁਪਏ ਫੀਸ ਲੈ ਕੇ ਮਰੀਜ਼ ਦਾ ਕਰਦੇ ਸਨ ਇਲਾਜ

05/07/2025 | Public Times Bureau | National

ਪਦਮਸ੍ਰੀ ਡਾ. ਐੱਮਸੀ ਡਾਬਰ ਦੀ ਸ਼ੁੱਕਰਵਾਰ ਨੂੰ ਸਵੇਰੇ ਮੌਤ ਹੋ ਗਈ। 80 ਸਾਲਾਂ ਦੀ ਉਮਰ ਬਿਤਾ ਕੇ ਵਿਛੋੜਾ ਦੇ ਗਏ ਡਾ. ਡਾਬਰ ਦਾ ਸਸਕਾਰ ਸ਼ਾਮ ਵੇਲੇ ਕੀਤਾ ਗਿਆ। ਡਾ. ਡਾਬਰ ਦੀ ਪ੍ਰਸਿੱਧੀ ਇਸ ਗੱਲੋਂ ਸੀ ਕਿ ਉਹ 20 ਰੁਪਏ ਫੀਸ ਲੈ ਕੇ ਮਰੀਜ਼ ਦਾ ਇਲਾਜ ਕਰਦੇ ਸਨ ਤੇ ਉਨ੍ਹਾਂ ਨੂੰ ਗ਼ਰੀਬਾਂ ਦਾ ਮਸੀਹਾ ਕਿਹਾ ਜਾਂਦਾ ਸੀ। ਉਨ੍ਹਾਂ ਨੂੰ 2020 ਵਿਚ ਪਦਮਸ੍ਰੀ ਇਨਾਮ ਦਿੱਤਾ ਗਿਆ ਸੀ। ਉਹ ਮੱਧ ਪ੍ਰਦੇਸ਼ ਦੇ ਜਬਲਪੁਰ ਵਿਚ 1972 ਤੋਂ ਗ਼ਰੀਬਾਂ ਦਾ ਇਲਾਜ ਕਰ ਰਹੇ ਸਨ। ਉਨ੍ਹਾਂ ਦਾ ਜਨਮ 16 ਜਨਵਰੀ 1946 ਨੂੰ ਪੰਜਾਬ (ਹੁਣ ਪਾਕਿਸਤਾਨ) ਵਿਚ ਹੋਇਆ ਸੀ। ਮੁਲਕ ਦੀ ਵੰਡ ਮਗਰੋਂ ਉਹ ਮਾਪਿਆਂ ਦੇ ਨਾਲ ਭਾਰਤ ਆ ਗਏ। ਛੋਟੀ ਉਮਰ ਵਿਚ ਉਨ੍ਹਾਂ ਦੇ ਪਿਤਾ ਦੀ ਮੌਤ ਹੋ ਗਈ ਸੀ। ਉਨ੍ਹਾਂ ਨੇ ਪੰਜਾਬ ਦੇ ਜਲੰਧਰ ਵਿਚ ਪੜ੍ਹਾਈ ਕੀਤੀ ਤੇ ਫਿਰ ਜਬਲਪੁਰ ਮੈਡੀਕਲ ਕਾਲਜ ਪਹੁੰਚੇ ਤੇ 1967 ਵਿਚ ਐੱਮਬੀਬੀਐੱਸ ਦੀ ਡਿਗਰੀ ਹਾਸਿਲ ਕੀਤੀ। ਉਦੋਂ ਤੋਂ ਉਹ ਗ਼ਰੀਬ ਤਬਕੇ ਦੀ ਸੇਵਾ ਕਰਦੇ ਆ ਰਹੇ ਸਨ ਤੇ ਦੇਸ਼ ਦੇ ਵੱਡੇ ਡਾਕਟਰਾਂ ਵਿਚ ਸ਼ੁਮਾਰ ਸਨ।

Padma Shri Dr Mc Dabur Is No More He Used To Treat Patients By Charging A Fee Of Rs 20