ਕਿਸਾਨ ਨੂੰ ਜੀਪ ਨਾਲ ਕੁਚਲਣ ਵਾਲਾ ਨੇਤਾ ਗ੍ਰਿਫ਼ਤਾਰ, ਭਾਜਪਾ ਪਹਿਲਾਂ ਹੀ ਕਰ ਚੁੱਕੀ ਹੈ ਪਾਰਟੀ 'ਚੋਂ ਬਾਹਰ
29/10/2025 | Public Times Bureau | National
ਗੁਣਾ (ਮੱਧ ਪ੍ਰਦੇਸ਼): ਪੁਲਿਸ ਨੇ ਜ਼ਮੀਨੀ ਵਿਵਾਦ ਦੇ ਮਾਮਲੇ ਵਿੱਚ ਕਿਸਾਨ ਦੇ ਕਤਲ ਦੇ ਮਾਮਲੇ ਵਿੱਚ ਮੁੱਖ ਦੋਸ਼ੀ ਅਤੇ ਕੱਢੇ ਗਏ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਨੇਤਾ ਮਹਿੰਦਰ ਨਾਗਰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਪੁਲਿਸ ਮੁਤਾਬਕ, ਮਹਿੰਦਰ ਨਾਗਰ ਨੂੰ ਮੰਗਲਵਾਰ ਰਾਤ ਲਗਭਗ 8:30 ਵਜੇ ਫਤਿਹਗੜ੍ਹ ਥਾਣਾ ਖੇਤਰ ਦੇ ਸੈਲਬੋਰਡ ਇਲਾਕੇ ਵਿੱਚ, ਉਸਦੇ ਪਿੰਡ ਗਣੇਸ਼ਪੁਰਾ ਦੇ ਨੇੜੇ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ।
ਇਸ ਮਾਮਲੇ ਵਿੱਚ ਹੁਣ ਤੱਕ ਚਾਰ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ, ਜਦਕਿ 10 ਹੋਰ ਅਜੇ ਵੀ ਫਰਾਰ ਹਨ। ਪੁਲਿਸ ਨੇ 14 ਲੋਕਾਂ ਵਿਰੁੱਧ ਐਫਆਈਆਰ ਦਰਜ ਕੀਤੀ ਹੈ ਅਤੇ ਘਟਨਾ ਦੀ ਮੈਜਿਸਟ੍ਰੇਟ ਜਾਂਚ ਦੇ ਹੁਕਮ ਦਿੱਤੇ ਗਏ ਹਨ। ਪਿੰਡ ਵਿੱਚ ਤਣਾਅਪੂਰਨ ਮਾਹੌਲ ਦੇ ਮੱਦੇਨਜ਼ਰ ਵਾਧੂ ਪੁਲਿਸ ਫੋਰਸ ਤਾਇਨਾਤ ਕੀਤੀ ਗਈ ਹੈ।
ਇਸ ਮਾਮਲੇ ਨੇ ਰਾਜਨੀਤਿਕ ਤਪਸ਼ ਵੀ ਵਧਾ ਦਿੱਤੀ ਹੈ। ਮੰਗਲਵਾਰ ਦੁਪਹਿਰ ਰਾਜ ਊਰਜਾ ਮੰਤਰੀ ਪ੍ਰਦਿਊਮਨ ਸਿੰਘ ਤੋਮਰ ਨੇ ਕਮਿਸ਼ਨਰ ਅਤੇ ਇੰਸਪੈਕਟਰ ਜਨਰਲ ਦੇ ਨਾਲ ਗਣੇਸ਼ਪੁਰਾ ਪਿੰਡ ਦਾ ਦੌਰਾ ਕਰਕੇ ਪੀੜਤ ਪਰਿਵਾਰ ਨਾਲ ਮੁਲਾਕਾਤ ਕੀਤੀ। ਸ਼ਾਮ ਨੂੰ ਸਾਬਕਾ ਮੁੱਖ ਮੰਤਰੀ ਦਿਗਵਿਜੇ ਸਿੰਘ ਵੀ ਪਿੰਡ ਪਹੁੰਚੇ ਅਤੇ ਦੁਖੀ ਪਰਿਵਾਰ ਨਾਲ ਹਮਦਰਦੀ ਜਤਾਈ।
ਗਣੇਸ਼ਪੁਰਾ ਦੇ ਕਿਸਾਨ ਰਾਮਸਵਰੂਪ ਨਗਰ ਦੇ ਮਾਮਾ ਰਾਜੇਂਦਰ ਨਾਗਰ ਨੇ ਰਾਜਸਥਾਨ ਦੇ ਪਚਲਵਾੜਾ ਪਿੰਡ ਵਿੱਚ ਛੇ ਵਿੱਘੇ ਜ਼ਮੀਨ ਭਾਜਪਾ ਨੇਤਾ ਮਹਿੰਦਰ ਨਾਗਰ ਨੂੰ ਵੇਚੀ ਸੀ। ਬਾਅਦ ਵਿੱਚ ਰਾਮਸਵਰੂਪ ਨੇ ਪੈਸੇ ਵਾਪਸ ਕਰਕੇ ਜ਼ਮੀਨ ਮੁੜ ਲੈਣ ਦੀ ਕੋਸ਼ਿਸ਼ ਕੀਤੀ, ਜਿਸ ਕਾਰਨ ਦੋਵਾਂ ਵਿਚਕਾਰ ਤਣਾਅ ਤੇ ਝਗੜਾ ਹੋ ਗਿਆ। ਇਸੇ ਵਿਵਾਦ ਨੇ ਆਖ਼ਿਰਕਾਰ ਕਤਲ ਦੀ ਘਟਨਾ ਦਾ ਰੂਪ ਧਾਰ ਲਿਆ।
ਫਿਲਹਾਲ ਪੁਲਿਸ ਵੱਲੋਂ ਬਾਕੀ ਮੁਲਜ਼ਮਾਂ ਦੀ ਤਲਾਸ਼ ਜਾਰੀ ਹੈ ਅਤੇ ਮਾਮਲੇ ਦੀ ਜਾਂਚ ਤੇਜ਼ੀ ਨਾਲ ਚੱਲ ਰਹੀ ਹੈ।
Leader who crushed farmer with jeep arrested bjp has already expelled him from the party
RSS FEED