"ਭਾਰਤੀ ਮੂਲ CEO ਤੋਂ ਫਿਰੌਤੀ ਦੀ ਮੰਗ, 26 ਕਰੋੜ ਨਾ ਦੇਣ ‘ਤੇ ਡਾਟਾ ਲੀਕ ਕਰਨ ਦੀ ਧਮਕੀ"

28/12/2025 | Public Times Bureau | National

ਭਾਰਤੀ ਮੂਲ ਦੇ CEO ਵਰੁਣ ਵੁੱਮਾਦੀ ਤੋਂ ਫਿਰੌਤੀ ਦੀ ਮੰਗ ਕੀਤੀ ਜਾ ਰਹੀ ਹੈ। ਸੈਨ ਫਰਾਂਸਿਸਕੋ ਸਥਿਤ ਉਨ੍ਹਾਂ ਦੀ ਏ.ਆਈ. ਸਟਾਰਟਅੱਪ “ਗੀਗਾ” ਦਾ ਸੰਵੇਦਨਸ਼ੀਲ ਡਾਟਾ ਚੋਰੀ ਕਰਕੇ ਮੁਲਜ਼ਮਾਂ ਨੇ 3 ਮਿਲੀਅਨ ਡਾਲਰ (ਲਗਪਗ 26 ਕਰੋੜ ਰੁਪਏ) ਦੀ ਮੰਗ ਕੀਤੀ ਹੈ। ਮੰਗ ਨਾ ਮਾਣਣ ‘ਤੇ ਡਾਟਾ ਲੀਕ ਕਰਨ ਦੀ ਧਮਕੀ ਦਿੱਤੀ ਗਈ।
ਵਰੁਣ ਵੁੱਮਾਦੀ ਨੇ ਕਿਹਾ ਕਿ ਮੁਲਜ਼ਮਾਂ ਨੇ ਪਹਿਲਾਂ ਹੀ ਝੂਠੀ ਜਾਣਕਾਰੀ ਪੋਸਟ ਕੀਤੀ ਸੀ ਅਤੇ ਡਾਟਾ ਨੂੰ ਗਲਤ ਤਰੀਕੇ ਨਾਲ ਪੇਸ਼ ਕਰ ਸਕਦੇ ਹਨ। ਕੰਪਨੀ ਨੇ ਇਸ ਮਾਮਲੇ ਦੀ ਜਾਂਚ ਸੁਰੱਖਿਆ ਏਜੰਸੀਆਂ ਨੂੰ ਸੌਂਪੀ ਹੈ ਅਤੇ ਮੁਲਜ਼ਮਾਂ ਖ਼ਿਲਾਫ਼ ਕਾਨੂੰਨੀ ਕਾਰਵਾਈ ਦੀ ਮੰਗ ਕੀਤੀ ਗਈ ਹੈ।
ਸਾਲ 2023 ਵਿੱਚ IIT ਖੜਗਪੁਰ ਤੋਂ ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਵਰੁਣ ਵੁੱਮਾਦੀ ਅਤੇ ਸਹਿਯੋਗੀ ਈਸ਼ਾ ਮਨੀਦੀਪ ਨੇ “ਗੀਗਾ” ਸਟਾਰਟਅੱਪ ਦੀ ਸ਼ੁਰੂਆਤ ਕੀਤੀ ਸੀ। ਉਨ੍ਹਾਂ ਨੇ ਨੌਕਰੀ ਦੇ ਲੱਖਾਂ ਡਾਲਰ ਦੇ ਆਫ਼ਰਾਂ ਨੂੰ ਠੁਕਰਾ ਕੇ ਆਪਣੀ ਕੰਪਨੀ ਦੀ ਨੀਂਹ ਰੱਖੀ।
ਹਾਲ ਹੀ ਵਿੱਚ ਕੰਪਨੀ ਦੇ ਸਾਬਕਾ ਕਰਮਚਾਰੀਆਂ ਨੇ ਮਾਲੀਏ ਵਿੱਚ ਹੇਰਾਫੇਰੀ, ਰਿਸ਼ਵਤ ਅਤੇ ਕਰਮਚਾਰੀਆਂ ਨਾਲ ਗਲਤ ਵਿਵਹਾਰ ਦੇ ਦੋਸ਼ ਲਗਾਏ ਸਨ, ਪਰ CEO ਨੇ ਇਹ ਦੋਸ਼ ਸਿਰੇ ਤੋਂ ਖਾਰਜ ਕਰ ਦਿੱਤੇ ਹਨ।

ransom Demand From Indian origin Ceo Threat Of Data Leak If Rs 26 Crore Is Not Paid