ਨੇਪਾਲ ਵਿੱਚ ਬੱਸ ਤ੍ਰਿਸ਼ੂਲੀ ਨਦੀ ਵਿੱਚ ਡਿੱਗੀ, 18 ਲੋਕਾਂ ਦੀ ਮੌਤ

23/02/2026 | Public Times Bureau | Nepal

ਨੇਪਾਲ ਵਿੱਚ ਸੋਮਵਾਰ ਸਵੇਰੇ ਇੱਕ ਭਿਆਨਕ ਹਾਦਸਾ ਵਾਪਰ ਗਿਆ। ਪੋਖਰਾ ਤੋਂ ਕਾਠਮੰਡੂ ਜਾ ਰਹੀ ਇੱਕ ਬੱਸ ਧਾਦਿੰਗ ਵਿੱਚ ਤ੍ਰਿਸ਼ੂਲੀ ਨਦੀ ਵਿੱਚ ਡਿੱਗ ਗਈ, ਜਿਸ ਕਾਰਨ ਘੱਟੋ-ਘੱਟ 18 ਲੋਕਾਂ ਦੀ ਮੌਤ ਹੋ ਗਈ। ਹਾਦਸਾ ਸਵੇਰੇ ਕਰੀਬ 1:15 ਵਜੇ ਬੇਨੀਘਾਟ ਰੋਰੰਗ ਪੇਂਡੂ ਨਗਰ ਪਾਲਿਕਾ ਦੇ ਵਾਰਡ 3 ਵਿੱਚ ਚਰੌਂਡੀ ਨੇੜੇ ਚਿਨਾਧਾਰਾ ਇਲਾਕੇ ਵਿੱਚ ਵਾਪਰਿਆ। ਜ਼ਿਲ੍ਹਾ ਟ੍ਰੈਫਿਕ ਪੁਲਿਸ ਅਧਿਕਾਰੀ ਨੇ ਪੁਸ਼ਟੀ ਕੀਤੀ ਹੈ ਕਿ ਮਰਨ ਵਾਲਿਆਂ ਵਿੱਚ 6 ਔਰਤਾਂ ਅਤੇ 12 ਮਰਦ ਸ਼ਾਮਲ ਹਨ। ਇਸ ਹਾਦਸੇ ਵਿੱਚ ਕੁੱਲ 27 ਯਾਤਰੀ ਜ਼ਖ਼ਮੀ ਹੋਏ ਹਨ। ਬਚਾਏ ਗਏ ਜ਼ਖ਼ਮੀਆਂ ਵਿੱਚ ਅੱਠ ਔਰਤਾਂ, ਅਠਾਰਾਂ ਮਰਦ ਅਤੇ ਇੱਕ ਨਾਬਾਲਗ ਲੜਕੀ ਸ਼ਾਮਲ ਹੈ।
ਸਾਰੇ ਜ਼ਖ਼ਮੀਆਂ ਨੂੰ ਇਲਾਜ ਲਈ ਵੱਖ-ਵੱਖ ਹਸਪਤਾਲਾਂ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। ਬੱਸ ਪ੍ਰਿਥਵੀ ਹਾਈਵੇਅ ‘ਤੇ ਜਾ ਰਹੀ ਸੀ ਜਦੋਂ ਧਾਦਿੰਗ ਜ਼ਿਲ੍ਹੇ ਦੇ ਭੈਸੇਪਾਟੀ ਇਲਾਕੇ ਕੋਲ ਇਹ ਸੜਕ ਤੋਂ ਹੇਠਾਂ ਉਤਰ ਗਈ। ਗੱਡੀ ਕਰੀਬ 300 ਮੀਟਰ ਢਲਾਣ ਤੋਂ ਹੇਠਾਂ ਡਿੱਗ ਕੇ ਨਦੀ ਦੇ ਕਿਨਾਰੇ ਬੁਰੀ ਤਰ੍ਹਾਂ ਨੁਕਸਾਨੀ ਹਾਲਤ ਵਿੱਚ ਮਿਲੀ। ਹਾਦਸੇ ਤੋਂ ਬਾਅਦ ਨੇਪਾਲੀ ਫੌਜ, ਆਰਮਡ ਪੁਲਿਸ ਫੋਰਸ, ਨੇਪਾਲ ਪੁਲਿਸ ਅਤੇ ਸਥਾਨਕ ਲੋਕਾਂ ਦੀ ਮਦਦ ਨਾਲ ਬਚਾਅ ਕਾਰਜ ਚਲਾਇਆ ਗਿਆ। ਅਧਿਕਾਰੀਆਂ ਨੇ ਦੱਸਿਆ ਕਿ ਰਾਤ ਦਾ ਸਮਾਂ ਹੋਣ ਕਾਰਨ ਬਚਾਅ ਕਾਰਵਾਈ ਕਾਫ਼ੀ ਮੁਸ਼ਕਲ ਰਹੀ।

Bus Falls Into Trishuli River In Nepal 18 People Die