TMC ਦੇ 17 ਬਾਗੀ ਸੰਸਦ ਮੈਂਬਰ BJP ’ਚ ਹੋ ਸਕਦੇ ਨੇ ਸ਼ਾਮਲ, 3 ਬਾਹਰੋਂ ਦੇਣਗੇ NDA ਨੂੰ ਸਮਰਥਨ: ਬਸੁਨੀਆ

14/09/2026 | Public Times Bureau | National

ਤ੍ਰਿਣਮੂਲ ਕਾਂਗਰਸ (TMC) ਦੇ ਬਾਗੀ ਸੰਸਦ ਮੈਂਬਰ ਅਤੇ ਕੂਚ ਬਿਹਾਰ ਤੋਂ ਸੰਸਦ ਮੈਂਬਰ ਜਗਦੀਸ਼ ਚੰਦਰ ਵਰਮਾ ਬਸੁਨੀਆ ਨੇ ਵੱਡਾ ਸਿਆਸੀ ਦਾਅਵਾ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ TMC ਤੋਂ ਬਗਾਵਤ ਕਰ ਚੁੱਕੇ 20 ਸੰਸਦ ਮੈਂਬਰਾਂ ਵਿੱਚੋਂ 17 ਦੁਰਗਾ ਪੂਜਾ ਤੋਂ ਪਹਿਲਾਂ ਜਾਂ ਬਾਅਦ ਭਾਜਪਾ ਵਿੱਚ ਸ਼ਾਮਲ ਹੋ ਸਕਦੇ ਹਨ। ਉਨ੍ਹਾਂ ਮੁਤਾਬਕ ਬਾਕੀ ਤਿੰਨ ਸੰਸਦ ਮੈਂਬਰ ਭਾਜਪਾ ਵਿੱਚ ਸ਼ਾਮਲ ਹੋਣ ਦੀ ਬਜਾਏ ਬਾਹਰੋਂ NDA ਨੂੰ ਸਮਰਥਨ ਦੇਣਗੇ। ਬਸੁਨੀਆ ਨੇ ਕਿਹਾ ਕਿ 17 ਸੰਸਦ ਮੈਂਬਰਾਂ ਨੇ ਇਕੱਠੇ ਭਾਜਪਾ ਵਿੱਚ ਜਾਣ ਦਾ ਫੈਸਲਾ ਕੀਤਾ ਹੈ। ਉਨ੍ਹਾਂ ਦੇ ਦਾਅਵੇ ਮੁਤਾਬਕ 20 ਮੈਂਬਰਾਂ ਵਿੱਚੋਂ 17 ਦਾ ਇਕੱਠੇ ਦਲ-ਬਦਲ ਕਰਨਾ ਦਲ-ਬਦਲ ਵਿਰੋਧੀ ਕਾਨੂੰਨ ਤਹਿਤ ਅਯੋਗਤਾ ਤੋਂ ਬਚਣ ਲਈ ਲੋੜੀਂਦੀ ਦੋ-ਤਿਹਾਈ ਗਿਣਤੀ ਤੋਂ ਵੱਧ ਹੈ।

14 ਸੰਸਦ ਮੈਂਬਰਾਂ ਦੀ ਲੋੜ, 17 ਜਾ ਰਹੇ BJP ’ਚ: ਬਸੁਨੀਆ ਦਲ-ਬਦਲ ਵਿਰੋਧੀ ਕਾਨੂੰਨ ਤਹਿਤ ਕਿਸੇ ਦਲ ਦੇ ਦੋ-ਤਿਹਾਈ ਮੈਂਬਰਾਂ ਦੇ ਰਲੇਵੇਂ ਲਈ ਸਹਿਮਤ ਹੋਣ ’ਤੇ ਅਯੋਗਤਾ ਦੀ ਕਾਰਵਾਈ ਤੋਂ ਛੋਟ ਮਿਲਦੀ ਹੈ। 20 ਮੈਂਬਰਾਂ ਦੇ ਸਮੂਹ ਵਿੱਚ ਦੋ-ਤਿਹਾਈ ਗਿਣਤੀ 14 ਸੰਸਦ ਮੈਂਬਰਾਂ ਦੀ ਬਣਦੀ ਹੈ। ਬਸੁਨੀਆ ਦਾ ਦਾਅਵਾ ਹੈ ਕਿ 17 ਮੈਂਬਰਾਂ ਦੇ ਇਕੱਠੇ ਭਾਜਪਾ ਵਿੱਚ ਜਾਣ ਨਾਲ ਇਹ ਸ਼ਰਤ ਪੂਰੀ ਹੋ ਜਾਵੇਗੀ। ਇਹ ਸਿਆਸੀ ਘਟਨਾਕ੍ਰਮ ਬਾਗੀ TMC ਸੰਸਦ ਮੈਂਬਰਾਂ ਵੱਲੋਂ 14 ਜੂਨ ਨੂੰ ਨੈਸ਼ਨਲਿਸਟ ਸਿਟੀਜ਼ਨ ਪਾਰਟੀ ਆਫ ਇੰਡੀਆ (NCPI) ਵਿੱਚ ਰਲੇਵੇਂ ਅਤੇ NDA ਨੂੰ ਸਮਰਥਨ ਦੇਣ ਦੇ ਐਲਾਨ ਤੋਂ ਬਾਅਦ ਸਾਹਮਣੇ ਆਇਆ ਹੈ।

ਅਬੂ ਤਾਹਿਰ ਖਾਨ, ਖਲੀਲੁਰ ਰਹਿਮਾਨ ਤੇ ਯੂਸੁਫ ਪਠਾਨ BJP ’ਚ ਨਹੀਂ ਜਾਣਗੇ ਬਸੁਨੀਆ ਮੁਤਾਬਕ 20 ਬਾਗੀ ਸੰਸਦ ਮੈਂਬਰਾਂ ਵਿੱਚੋਂ ਅਬੂ ਤਾਹਿਰ ਖਾਨ, ਖਲੀਲੁਰ ਰਹਿਮਾਨ ਅਤੇ ਯੂਸੁਫ ਪਠਾਨ ਭਾਜਪਾ ਵਿੱਚ ਰਸਮੀ ਤੌਰ ’ਤੇ ਸ਼ਾਮਲ ਨਹੀਂ ਹੋਣਗੇ। ਉਨ੍ਹਾਂ ਕਿਹਾ ਕਿ ਤਿੰਨੇ ਆਪਣੇ ਚੋਣ ਹਲਕਿਆਂ ਦੀਆਂ ਸਿਆਸੀ ਅਤੇ ਪ੍ਰਸ਼ਾਸਨਿਕ ਸਥਿਤੀਆਂ ਨੂੰ ਦੇਖਦਿਆਂ ਬਾਹਰੋਂ NDA ਦਾ ਸਮਰਥਨ ਕਰਨਗੇ। ਬਸੁਨੀਆ ਨੇ ਇਹ ਵੀ ਦਾਅਵਾ ਕੀਤਾ ਕਿ ਇਨ੍ਹਾਂ ਤਿੰਨਾਂ ਨੂੰ ਭਵਿੱਖ ਵਿੱਚ ਅਹਿਮ ਜ਼ਿੰਮੇਵਾਰੀਆਂ ਜਾਂ ਮੰਤਰਾਲੇ ਦਿੱਤੇ ਜਾ ਸਕਦੇ ਹਨ। ਹਾਲਾਂਕਿ, ਇਨ੍ਹਾਂ ਦਾਵਿਆਂ ’ਤੇ ਅਜੇ ਤੱਕ TMC ਜਾਂ ਭਾਜਪਾ ਵੱਲੋਂ ਕੋਈ ਅਧਿਕਾਰਤ ਪੁਸ਼ਟੀ ਸਾਹਮਣੇ ਨਹੀਂ ਆਈ ਹੈ।

17 Rebel Tmc Mps May Join Bjp 3 Will Extend Support To Nda From The Outside Basunia