ਇੰਸਟਾਗ੍ਰਾਮ 'ਤੇ ਹੋਇਆ ਪਿਆਰ: 3 ਬੱਚਿਆਂ ਦੀ ਮਾਂ ਮੁਟਿਆਰ ਨਾਲ ਫਰਾਰ, ਲਿਆ ਹਿਰਾਸਤ 'ਚ

17/09/2026 | Public Times Bureau | National

ਮਹਾਰਾਜਪੁਰ ਇਲਾਕੇ ਵਿੱਚ ਤਿੰਨ ਬੱਚਿਆਂ ਦੀ ਮਾਂ ਵੱਲੋਂ ਦਿੱਲੀ ਦੀ ਰਹਿਣ ਵਾਲੀ ਇੱਕ ਮੁਟਿਆਰ ਨਾਲ ਸਮਲਿੰਗੀ ਸਬੰਧਾਂ ਦੇ ਚੱਲਦਿਆਂ ਘਰੋਂ ਗਾਇਬ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। 6 ਸਤੰਬਰ ਨੂੰ ਆਪਣੇ ਪੇਕੇ ਘਰੋਂ ਅਚਾਨਕ ਗਾਇਬ ਹੋਈ 32 ਸਾਲਾ ਔਰਤ ਦੀ ਪਰਿਵਾਰਕ ਮੈਂਬਰਾਂ ਨੇ ਮਹਾਰਾਜਪੁਰ ਥਾਣੇ ਵਿੱਚ ਗੁੰਮਸ਼ੁਦਗੀ ਦੀ ਰਿਪੋਰਟ ਦਰਜ ਕਰਵਾਈ ਸੀ। ਪੁਲਿਸ ਜਾਂਚ ਦੌਰਾਨ ਸੁਰਾਗ ਮਿਲਣ 'ਤੇ ਬੁੱਧਵਾਰ ਰਾਤ ਪਨਕੀ 'ਚ ਛਾਪੇਮਾਰੀ ਕਰਕੇ ਔਰਤ ਅਤੇ ਉਸ ਦੀ 30 ਸਾਲਾ ਮਹਿਲਾ ਦੋਸਤ ਨੂੰ ਹਿਰਾਸਤ ਵਿੱਚ ਲੈ ਲਿਆ ਗਿਆ।

ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਦੋਵਾਂ ਦੀ ਮੁਲਾਕਾਤ ਇੱਕ ਸਾਲ ਪਹਿਲਾਂ ਇੰਸਟਾਗ੍ਰਾਮ 'ਤੇ ਹੋਈ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਵਿਚਾਲੇ ਗੱਲਬਾਤ ਵਧਦੀ ਗਈ। ਔਰਤ ਆਪਣੇ ਦੋ ਪੁੱਤਰਾਂ, ਇੱਕ ਧੀ ਅਤੇ ਸਹੁਰੇ ਪਰਿਵਾਰ ਨੂੰ ਛੱਡ ਕੇ ਪੇਕੇ ਆਈ ਅਤੇ ਉੱਥੋਂ ਗਾਇਬ ਹੋ ਗਈ। ਦੋਵਾਂ ਨੇ ਸਰਸੌਲ ਦੇ ਇੱਕ ਨੌਜਵਾਨ ਦੀ ਮਦਦ ਨਾਲ ਪਨਕੀ 'ਚ ਕਿਰਾਏ ਦਾ ਕਮਰਾ ਲਿਆ ਅਤੇ ਇਕੱਠੀਆਂ ਰਹਿਣ ਲੱਗੀਆਂ।

ਮਹਾਰਾਜਪੁਰ ਥਾਣਾ ਮੁਖੀ ਜਨਾਰਦਨ ਸਿੰਘ ਅਨੁਸਾਰ ਦੋਵੇਂ ਔਰਤਾਂ ਬਾਲਗ਼ ਹਨ ਅਤੇ ਆਪਸੀ ਰਜ਼ਾਮੰਦੀ ਨਾਲ ਇੱਕ-ਦੂਜੇ ਨਾਲ ਰਹਿਣ ਅਤੇ ਵਿਆਹ ਕਰਵਾਉਣ ਦੀ ਜ਼ਿੱਦ 'ਤੇ ਅੜੀਆਂ ਹੋਈਆਂ ਹਨ। ਫਿਲਹਾਲ ਪੁਲਿਸ ਦੋਵਾਂ ਔਰਤਾਂ ਸਮੇਤ ਕਮਰਾ ਦਿਵਾਉਣ ਵਾਲੇ ਨੌਜਵਾਨ ਤੋਂ ਪੁੱਛਗਿੱਛ ਕਰ ਰਹੀ ਹੈ ਅਤੇ ਮਾਮਲੇ ਦੀ ਕਾਨੂੰਨੀ ਜਾਂਚ ਜਾਰੀ ਹੈ।

Romance Blossoms On Instagram Man Elopes With Woman a Mother Of Three taken Into Custody