ਬੰਗਾਲੀ ਗਾਇਕਾ ਅਤੇ ਰਾਣੀ ਮੁਖਰਜੀ ਦੀ ਮਾਂ ਕ੍ਰਿਸ਼ਨਾ ਮੁਖਰਜੀ ਦਾ ਦੇਹਾਂਤ, ਸਿਨੇਮਾ ਜਗਤ 'ਚ ਸੋਗ ਦੀ ਲਹਿਰ
22/09/2026 | Public Times Bureau | Nationalਬੰਗਾਲੀ ਸਿਨੇਮਾ ਦੀ ਜਾਣੀ-ਪਛਾਣੀ ਪਲੇਬੈਕ ਗਾਇਕਾ ਅਤੇ ਬਾਲੀਵੁੱਡ ਅਦਾਕਾਰਾ ਰਾਣੀ ਮੁਖਰਜੀ ਦੀ ਮਾਂ, ਕ੍ਰਿਸ਼ਨਾ ਮੁਖਰਜੀ ਦਾ ਦੇਹਾਂਤ ਹੋ ਗਿਆ ਹੈ। ਪਰਿਵਾਰ ਨੇ ਇਸ ਦੁਖਦਾਈ ਖ਼ਬਰ ਦੀ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਦੇ ਚਲਾਣੇ ਨਾਲ ਫ਼ਿਲਮ ਇੰਡਸਟਰੀ ਅਤੇ ਪ੍ਰਸ਼ੰਸਕਾਂ ਵਿੱਚ ਸ਼ੋਕ ਦੀ ਲਹਿਰ ਦੌੜ ਗਈ ਹੈ।
ਕ੍ਰਿਸ਼ਨਾ ਮੁਖਰਜੀ ਨੇ ਬੰਗਾਲੀ ਫ਼ਿਲਮਾਂ ਤੋਂ ਇਲਾਵਾ ਹਿੰਦੀ ਸਿਨੇਮਾ ਵਿੱਚ ਵੀ ਆਪਣੀ ਗਾਇਕੀ ਦਾ ਲੋਹਾ ਮਨਵਾਇਆ ਸੀ। ਉਨ੍ਹਾਂ ਨੇ ਸਾਲ 1982 ਦੀ ਮਸ਼ਹੂਰ ਫ਼ਿਲਮ 'ਤੀਸਰੀ ਆਂਖ' ਦਾ ਹਿੱਟ ਗੀਤ 'ਈਦ ਕੇ ਦਿਨ ਗਲੇ ਮਿਲ ਲੇ ਰਾਜਾ' ਗਾਇਆ ਸੀ।
ਰਾਣੀ ਮੁਖਰਜੀ ਦੇ ਕਰੀਅਰ ਵਿੱਚ ਉਨ੍ਹਾਂ ਦੀ ਮਾਂ ਦਾ ਅਹਿਮ ਯੋਗਦਾਨ ਰਿਹਾ। ਕ੍ਰਿਸ਼ਨਾ ਮੁਖਰਜੀ ਨੇ ਹੀ ਸਭ ਤੋਂ ਪਹਿਲਾਂ ਰਾਣੀ ਨੂੰ ਫ਼ਿਲਮਾਂ ਵਿੱਚ ਆਉਣ ਲਈ ਪ੍ਰੇਰਿਤ ਕੀਤਾ ਸੀ, ਹਾਲਾਂਕਿ ਉਹ ਰਾਣੀ ਦੇ ਕਰੀਅਰ ਦੀ ਸ਼ੁਰੂਆਤ ਨੂੰ ਲੈ ਕੇ ਬੇਹੱਦ ਇਮਾਨਦਾਰ ਅਤੇ ਸੁਚੇਤ ਸਨ।
ਇੱਕ ਇੰਟਰਵਿਊ ਦੌਰਾਨ ਰਾਣੀ ਮੁਖਰਜੀ ਨੇ ਖ਼ੁਲਾਸਾ ਕੀਤਾ ਸੀ ਕਿ ਉਨ੍ਹਾਂ ਦੇ ਪਹਿਲੇ ਸਕ੍ਰੀਨ ਟੈਸਟ ਤੋਂ ਬਾਅਦ, ਉਨ੍ਹਾਂ ਦੀ ਮਾਂ ਨੇ ਪ੍ਰੋਡਿਊਸਰ ਸਲੀਮ ਅੰਕਲ ਨੂੰ ਇੱਥੋਂ ਤੱਕ ਕਹਿ ਦਿੱਤਾ ਸੀ ਕਿ ਉਹ ਰਾਣੀ ਨੂੰ ਫ਼ਿਲਮ ਵਿੱਚ ਨਾ ਲੈਣ ਤਾਂ ਜੋ ਉਨ੍ਹਾਂ ਦਾ ਨੁਕਸਾਨ ਨਾ ਹੋਵੇ। ਉਹ ਮੰਨਦੀ ਸਨ ਕਿ ਸ਼ੁਰੂਆਤ ਵਿੱਚ ਰਾਣੀ ਦੀ ਅਦਾਕਾਰੀ ਪਰਪੱਕ ਨਹੀਂ ਸੀ।
ਆਪਣੀ ਮਾਂ ਦੇ ਬੇਹੱਦ ਕਰੀਬ ਰਹੀ ਰਾਣੀ ਮੁਖਰਜੀ ਅਤੇ ਉਨ੍ਹਾਂ ਦੇ ਪਰਿਵਾਰ ਨਾਲ ਸਿਨੇਮਾ ਜਗਤ ਦੇ ਕਲਾਕਾਰਾਂ ਵੱਲੋਂ ਦੁੱਖ ਦਾ ਪ੍ਰਗਟਾਵਾ ਕੀਤਾ ਜਾ ਰਿਹਾ ਹੈ।
Bengali Singer And Rani Mukerji s Mother Krishna Mukerji Passes Away Wave Of Grief In The Film Industry
RSS FEED