"ਗੁਰਮੁਖੀ ਟਕਸਾਲ ਵਲੋਂ ‘ਗੁਰਬਾਣੀ ਪਾਠਸਾਲਾ ਖੋਜੀ ਉਪਜੈ’ ਅਧੀਨ ਮਿਤੀ 27 ਸਤੰਬਰ 2023 (ਦਿਨ ਬੁੱਧਵਾਰ) ਨੂੰ ਪੰਜਾਬ ਤੋਂ ਬਾਹਰ : ਨਾਨਕ ਨਾਮ ਲੇਵਾ ਉਦਾਸੀ ਸਾਧੂਆਂ ਦਾ ਯੋਗਦਾਨ ਵਿਸ਼ੇ ਉਤੇ ਵਿਸ਼ੇਸ਼ ਲੈਕਚਰ ਕਰਵਾਇਆ ਗਿਆ। ਲੈਕਚਰ ਨੂੰ ਹੋਸਟ ਕਰਨ ਦਾ ਕਾਰਜ ਵਿਕਰਮਜੀਤ ਸਿੰਘ ਵਲੋਂ ਕੀਤਾ ਗਿਆ। ਹਰ ਵਾਰ ਦੀ ਤਰ੍ਹਾਂ ਲੈਕਚਰ ਦੀ ਸ਼ੁਰੂਆਤ ਮੂਲ-ਮੰਤ੍ਰ ਦੇ ਜਾਪ ਨਾਲ ਕੀਤੀ ਗਈ।ਸਵਾਗਤੀ ਸ਼ਬਦ ਗੁਰਮੀਤ ਸਿੰਘ ਜੀ ਆਨਰੇਰੀ ਸਕੱਤਰ, ਸ੍ਰੀ ਅਕਾਲ ਤਖਤ ਸਾਹਿਬ ਅੰਮ੍ਰਿਤਸਰ ਵਲੋਂ ਬੋਲੇ ਗਏ ਜਿਨ੍ਹਾਂ ਨੇ ਦਿਨੋ-ਦਿਨ ਉਦਾਸੀ ਸਾਧੂਆਂ ਵਿਚ ਆ ਰਹੀ ਗਿਰਾਵਟ ਪ੍ਰਤੀ ਖਦਸ਼ਾ ਜਾਹਿਰ ਕੀਤਾ ਤੇ ਇਨ੍ਹਾਂ ਉਦਾਸੀ ਸਾਧੂਆਂ ਵਿਚ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਪ੍ਰਤੀ ਘਟ ਰਹੀ ਪ੍ਰੇਮਾ ਭਗਤੀ ਬਾਰੇ ਵੀ ਚਿੰਤਾ ਪ੍ਰਗਟ ਕੀਤੀ। ਗੁਰਮੀਤ ਸਿੰਘ ਜੀ ਨੇ ਅਜਿਹੇ ਲੈਕਚਰਾਂ ਰਾਹੀਂ ਕੋਈ ਠੋਸ ਨਤੀਜੇ ਆਉਣ ਸੰਬੰਧੀ ਵੀ ਸੰਭਾਵਨਾਵਾਂ ਜਾਹਰ ਕੀਤੀਆਂ। ਵਿਸ਼ੇਸ਼ ਲੈਕਚਰ ਸੰਬੰਧੀ ਚਮਕੌਰ ਸਿੰਘ ਜੀ ਨੇ ਧਿਆਨ ਦਵਾਇਆ ਕਿ ਪਿਛਲੇ ਸਮੇਂ ਤੋਂ ਗੁਰਮੁਖੀ/ਗੁਰਬਾਣੀ ਦੇ ਪ੍ਰਚਾਰ ਤੇ ਪ੍ਰਸਾਰ ਲਈ ਕਿਵੇਂ ‘ਗੁਰਬਾਣੀ ਪਾਠਸਾਲਾ ਖੋਜੀ ਉਪਜੈ’ ਵਲੋਂ ਵਖ-ਵਖ ਨਾਨਕ ਨਾਮ ਲੇਵਾ ਸਿਖਾਂ ਬਾਰੇ ਆਨਲਾਈਨ ਵੈਬੀਨਾਰ ਕਰਵਾਏ ਜਾ ਰਹੇ ਹਨ, ਜਿਨ੍ਹਾਂ ਵਿਚ ਦੋ ਲੈਕਚਰ (ਪਹਿਲਾ ਸਮੁਚੇ ਨਾਨਕ ਨਾਮੇ ਲੇਵਾ ਸਿਖਾਂ ਉਤੇ ਸੁਖਦੇਵ ਸਿੰਘ ਲਾਜ ਜੀ ਵਲੋਂ ਅਤੇ ਦੂਜਾ ਸਿੰਧੀ ਸਿਖਾਂ ਦਾ ਗੁਰਮੁਖੀ ਵਿਚ ਯੋਗਦਾਨ ਡਾ. ਜਸਬੀਰ ਕੌਰ ਜੀ ਵਲੋਂ) ਕਰਵਾਏ ਜਾ ਚੁਕੇ ਹਨ। ਲੈਕਚਰ ਦੇ ਵਿਸ਼ੇਸ਼ ਵਕਤਾ ਜਗਮੋਹਣ ਸਿੰਘ ਜੀ ਕਲਕੱਤਾ ਵਲੋਂ ਬੜੇ ਹੀ ਸੁਚਜੇ ਢੰਗ ਉਦਾਸੀ ਪਰੰਪਰਾ ਦੇ ਇਤਿਹਾਸ ਬਾਰੇ ਜਾਣਕਾਰੀ ਪ੍ਰਦਾਨ ਕਰਕੇ ਗੱਲਬਾਤ ਆਰੰਭੀ ਗਈ। ਉਨ੍ਹਾਂ ਦੱਸਿਆ ਕਿ ਕਿਵੇਂ ਬਾਬੇ ਸ੍ਰੀ ਚੰਦ ਜੀ ਤੋਂ ਲੈ ਕੇ ਹੁਣ ਤਕ ਉਦਾਸੀ ਸਾਧੂ ਆਪਣੇ ਡੇਰਿਆਂ ਵਿਚ ਗੁਰਮੁਖੀ ਦਾ ਪ੍ਰਚਾਰ ਕਰਦੇ ਆ ਰਹੇ ਹਨ। ਉਨ੍ਹਾਂ ਵਲੋਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਤੇ ਹੋਰ ਸਿਖ ਸਰੋਤ ਹਥ-ਲਿਖਤ ਗ੍ਰੰਥਾਂ ਦੀ ਸਾਂਭ-ਸੰਭਾਲ ਲਗਾਤਾਰ ਕੀਤੀ ਜਾਂਦੀ ਰਹੀ ਹੈ ਤੇ ਅੱਜ ਵੀ ਬਹੁਤ ਸਾਰੇ ਡੇਰਿਆਂ ਵਿਚ ਇਸ ਪੁਰਾਤਨ ਖਜਾਨੇ ਨੂੰ ਇਹ ਉਦਾਸੀ ਸਾਧੂ ਸਾਂਭੀ ਬੈਠੇ ਹਨ। ਜਗਮੋਹਣ ਸਿੰਘ ਜੀ ਨੇ ਆਪਣੇ ਅਨੁਭਵ ਨੂੰ ਸਾਂਝਾ ਕੀਤਾ, ਜੋ ਉਨ੍ਹਾਂ ਖੁਦ ਇਨ੍ਹਾਂ ਉਦਾਸੀ ਡੇਰਿਆਂ ਵਿਖੇ ਜਾ ਕੇ ਗ੍ਰਹਿਣ ਕੀਤਾ। ਆਪ ਨੇ ਦੱਸਿਆ ਕਿ ਪੰਜਾਬ ਤੋਂ ਬਾਹਰ ਯੂ. ਪੀ., ਬਿਹਾਰ, ਸਿੰਧ, ਉੜੀਸਾ ਆਦਿ ਸਥਾਨਾਂ ਇਨ੍ਹਾਂ ਉਦਾਸੀ ਸਾਧੂਆਂ ਦਾ ਫੈਲਾਅ ਹੋ ਚੁਕਾ ਹੈ, ਬਹੁਤ ਜਿਆਦਾ ਡੇਰੇ ਅਜਿਹੇ ਹਨ, ਜਿਨ੍ਹਾਂ ਬਾਰੇ ਉਹ ਜਾਣਕਾਰੀ ਨਹੀਂ ਜੁਟਾ ਸਕੇ। ਬਹੁਤ ਸਾਰੇ ਡੇਰੇ ਅਜਿਹੇ ਹਨ, ਜੋ ਹਾਲੇ ਵੀ ਗੁਰਮੁਖੀ ਪੜ੍ਹਦੇ ਤੇ ਬੋਲਦੇ ਹਨ। ਕਈ ਉਦਾਸੀ ਡੇਰਿਆਂ ਦੀਆਂ ਫੋਟੋਆਂ ਵੀ ਸਾਝੀਆਂ ਕੀਤੀਆਂ, ਜਿਨ੍ਹਾਂ ਨੇ ਆਪਣੀਆਂ ਸਮਾਧਾਂ ਉਤੇ ਵੀ ਗੁਰਮੁਖੀ ਵਿਚ ਨਾਮ ਉਕਰੇ ਹੋਏ ਹਨ। ਇਨ੍ਹਾਂ ਉਦਾਸੀ ਸਾਧੂਆਂ ਵਲੋਂ ਬਹੁਤ ਸਾਰੇ ਗ੍ਰੰਥ ਵੀ ਗੁਰਮੁਖੀ ਵਿਚ ਲਿਖੇ ਮਿਲਦੇ ਹਨ, ਭਾਵੇਂ ਇਨ੍ਹਾਂ ਦੀ ਪ੍ਰਮਾਣਿਕਤਾ ਦੀ ਕਸਵਟੀ ਉਤੇ ਪਰਖਣਾ ਵਖਰਾ ਵਿਸ਼ਾ ਹੈ। ਇਥੋਂ ਇਹ ਗੱਲ ਜ]ਰੂਰ ਸਾਬਿਤ ਹੁੰਦੀ ਹੈ ਕਿ ਇਹ ਉਦਾਸੀ ਸਾਧੂ ਗੁਰਮੁਖੀ ਲਿਖਦੇ ਅਤੇ ਬੋਲਦੇ ਸਨ।"
Special Lecture On The Contribution Of Nanak Naam Lewa Udasi Sadhus
Our endeavour at The Public Times is to present news as it unfolds, without biases and without colour. We are a dedicated team of journalists with long years of experience in various fields and our aim is to inform our readers about all major regional, national and international events 24/7. Our motto is news without frills.
Amarpreet Singh Makkar (Editor)