Spacex Gym ਦੇ ਮਾਲਕਾਂ ਨੇ ਕੀਤੀ ਬਿਲਡਿੰਗ ਮਾਲਕ ਦੀ ਕੁੱਟਮਾਰ ,ਕਬਜ਼ਾ ਕਰਨ ਦਾ ਵੀ ਦੋਸ਼ , ਪੁਲਿਸ ਨੇ ਕੀਤਾ ਕੇਸ ਦਰਜ
19/11/2024 | Public Times Bureau | Ludhianaਲੁਧਿਆਣ : ਥਾਣਾ ਮਾਡਲ ਟਾਊਨ ਦੀ ਪੁਲਿਸ ਨੇ Spacex ਜਿਮ ਦੇ ਮਾਲਕ ਸਰਬਜੋਤ ਸਿੰਘ ਸਨੀ ਘਈ ਅਤੇ ਮਨਜੋਤ ਘਈ ਵਿਰੁੱਧ ਕੇਸ ਦਰਜ ਕੀਤਾ ਹੈ | ਦੋਵਾਂ ਤੇ ਦੋਸ਼ ਹੈ ਕਿ ਇਹਨਾਂ ਨੇ ਬਿਲਡਿੰਗ ਮਾਲਕ ਦੀ ਬੁਰੀ ਤਰਾਂ ਕੁੱਟਮਾਰ ਕੀਤੀ | ਦੋਵੇਂ ਦੋਸ਼ੀ ਫ਼ਰਾਰ ਦੱਸੇ ਜਾ ਰਹੇ ਹਨ | ਦੁੱਗਰੀ ਦੇ ਰਹਿਣ ਵਾਲੇ ਭਵਨੀਸ਼ ਧਵਨ ਨੇ ਦੱਸਿਆ ਕਿ ਕ੍ਰਿਸ਼ਨਾ ਮੰਦਿਰ ਮਾਡਲ ਟਾਊਨ ਨੇੜੇ ਉਹਨਾਂ ਨੇ ਆਪਣੀ ਬਿਲਡਿੰਗ ਦੀ ਇੱਕ ਮੰਜ਼ਿਲ ਦੋਸ਼ੀਆਂ ਨੂੰ ਕਿਰਾਏ ਤੇ ਦਿੱਤੀ ਹੋਈ ਹੈ | ਉਹ ਆਪਣੀ ਬਿਲਡਿੰਗ ਦੀ ਹੇਠਲੀ ਮੰਜ਼ਿਲ ਤੇ ਕੰਮ ਕਰਵਾ ਰਹੇ ਸੀ ਤਾਂ ਦੋਵੇਂ ਦੋਸ਼ੀਆਂ ਨੇ ਉਸਦੀ ਬੁਰੀ ਤਰਾਂ ਕੁੱਟਮਾਰ ਕੀਤੀ | ਉਹਨਾਂ ਦੋਸ਼ ਲਾਇਆ ਕਿ ਸਰਬਜੋਤ ਅਤੇ ਮਨਜੋਤ ਘਈ ਉਸਦੀ ਪੂਰੀ ਬਿਲਡਿੰਗ ਤੇ ਕਬਜ਼ਾ ਕਰਨਾ ਚਾਹੁੰਦੇ ਹਨ| ਬਿਆਨਾਂ ਦੇ ਅਧਾਰ ਤੇ ਪੁਲਿਸ ਨੇ ਵੱਖ ਵੱਖ ਧਾਰਵਾਂ ਹੇਠ ਦੋਵੇਂ ਦੋਸ਼ੀਆਂ ਖਿਲਾਫ਼ ਕੇਸ ਦਰਜ ਕਰ ਲਿਆ ਹੈ |
The Owners Of Spacex Gym Beat Up The Building Owner Also Accused Of Occupying Police Registered A Case
RSS FEED