ਗੁਰਪ੍ਰੀਤ ਗੋਗੀ ਦੇ ਅੰਤਿਮ ਸੰਸਕਾਰ ਤੋਂ ਬਾਅਦ ਭਿੜੇ ਰਾਜਾ ਵੜਿੰਗ ਤੇ ਕਮਲਜੀਤ ਬਰਾੜ , ਇੱਕ ਦੂਜੇ ਨੂੰ ਕੱਢੀਆਂ ਗਾਲਾਂ

11/01/2025 | Amarpreet Singh Makkar | Panjab

ਅਮਰਪ੍ਰੀਤ ਸਿੰਘ ਮੱਕੜ (ਲੁਧਿਆਣਾ) ਸ਼ਨੀਵਾਰ ਨੂੰ ਵਿਧਾਇਕ ਗੁਰਪ੍ਰੀਤ ਗੋਗੀ ਦੇ ਅੰਤਿਮ ਸਸਕਾਰ ਤੋਂ ਬਾਅਦ ਸ਼ਮਸ਼ਾਨ ਘਾਟ ਦੇ ਬਾਹਰ ਰਾਜਾ ਵੜਿੰਗ ਤੇ ਸਾਬਕਾ ਕਾਂਗਰਸੀ ਆਗੂ ਕਮਲਜੀਤ ਬਰਾੜ ਵਿਚਾਲੇ ਜ਼ਬਰਦਸਤ ਬਹਿਸ ਹੋਈ | ਦੋਵਾਂ ਆਗੂਆਂ ਵਲੋਂ ਇੱਕ ਦੂਜੇ ਨੂੰ ਗਾਲਾਂ ਵੀ ਕੱਢੀਆਂ ਗਈਆਂ | ਇਸ ਮੌਕੇ ਸਾਬਕਾ ਕੌਂਸਲਰ ਪਰਵਿੰਦਰ ਲਾਪਰਾਂ ਵੀ ਕਮਲਜੀਤ ਬਰਾੜ ਦੇ ਨਾਲ ਸਨ | ਅੰਤਿਮ ਸਸਕਾਰ ਤੋਂ ਬਾਅਦ ਰਾਜਾ ਵੜਿੰਗ ਵਾਪਿਸ ਜਾ ਰਹੇ ਸਨ ਤਾਂ ਕਮਲਜੀਤ ਬਰਾੜ ਅਤੇ ਲਾਪਰਾਂ ਨੇ ਵੜਿੰਗ ਦੀ ਗੱਡੀ ਨੂੰ ਇਸ਼ਾਰਾ ਦੇ ਕੇ ਰੋਕਿਆ | ਗੱਡੀ ਰੋਕਦੇ ਸਾਰ ਬਰਾੜ ਨੇ ਰਾਜਾ ਵੜਿੰਗ ਨੂੰ ਗਾਲਾਂ ਕਢਣੀਆਂ ਸ਼ੁਰੂ ਕਰ ਦਿਤੀਆਂ | ਬਰਾੜ ਨੇ ਕਿਹਾ ਕਿ ਵੜਿੰਗ ਨੇ ਮੈਨੂੰ ਦੇਖ ਕੇ ਮੁੱਛਾਂ ਨੂੰ ਮਰੋੜਾਂ ਦੇਕੇ ਵੰਗਾਰਿਆ |

ਜਦੋਂ ਬਰਾੜ ਗਾਲ਼ਾਂ ਕੱਢ ਰਹੇ ਸਨ ਤਾਂ ਵੜਿੰਗ ਦੇ ਸੁਰੱਖਿਆ ਕਰਮੀ ਹਰਕਤ ਵਿੱਚ ਆਏ ਪਰ ਬਰਾੜ ਨੇ ਉਹਨਾਂ ਨੂੰ ਪਾਸੇ ਹੋਣ ਲਈ ਕਿਹਾ | ਬਰਾੜ ਨੇ ਵਾਰ ਵਾਰ ਵੜਿੰਗ ਨੂੰ ਗੱਡੀ ਚੋਂ ਉਤਰਨ ਲਈ ਵੀ ਵੰਗਾਰਿਆ | ਵੜਿੰਗ ਨੇ ਵੀ ਜਵਾਬ ਵਿੱਚ ਬਰਾੜ ਨੂੰ ਬੋਲਿਆ ਅਤੇ ਆਪਣੇ ਕਾਫ਼ਲੇ ਸਮੇਤ ਅੱਗੇ ਲੰਘ ਗਏ | ਇਹ ਵੀ ਦਸ ਦਈਏ ਕਿ ਰਾਜਾ ਵੜਿੰਗ ਤੇ ਕਮਲਜੀਤ ਬਰਾੜ ਵਿੱਚ ਸਿਆਸੀ ਦੁਸ਼ਮਣੀ ਬਹੁਤ ਪੁਰਾਣੀ ਹੈ | ਵੜਿੰਗ ਨੇ ਕਮਲਜੀਤ ਬਰਾੜ ਨੂੰ ਪਾਰਟੀ ਚੋ ਬਾਹਰ ਕਢਿਆ ਸੀ | ਬਰਾੜ ਨੇ ਵੜਿੰਗ ਖਿਲਾਫ ਆਜ਼ਾਦ ਲੋਕ ਸਭਾ ਚੋਣ ਵੀ ਲੜੀ ਸੀ |

After Gurpreet Gogi s Funeral Raja Waring And Kamaljit Brar Clashed Insulted Each Other