NRI ਤੋਂ ਰਿਸ਼ਵਤ ਮੰਗਣ ਦੇ ਮਾਮਲੇ ’ਚ ਇੰਸਪੈਕਟਰ ਨਾਮਜ਼ਦ, ਕੇਸ ਦਰਜ ਕਰ ਕੇ ਅਗਲੇਰੀ ਕਾਰਵਾਈ ਲਈ ਮੰਗੇ ਸਨ ਪੰਜ ਲੱਖ ਰੁਪਏ

12/03/2025 | Public Times Bureau | Panjab

ਦਿੱਲੀ ਪੁਲਿਸ ਦੀ ਵਿਜੀਲੈਂਸ ਯੂਨਿਟ ਨੇ ਐੱਨਆਰਆਈ ਤੋਂ ਵਸੂਲੀ ਦੇ ਮਾਮਲੇ ’ਚ ਕੇਸ ਦਰਜ ਕਰਨ ਲਈ ਇਕ ਨਿਰੀਖਕ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ। ਵਿਜੀਲੈਂਸ ਯੂਨਿਟ ਦੇ ਅਧਿਕਾਰੀ ਮੁਤਾਬਕ, ਇੰਗਲੈਂਡ ਵਾਸੀ ਚਰਨਜੀਤ ਸਿੰਘ ਮੂਲ ਰੂਪ ਤੋਂ ਪੰਜਾਬ ਦੇ ਜਲੰਧਰ ਦੇ ਵਸਨੀਕ ਹਨ। ਗੁਰਮੀਤ ਕੌਰ, ਚਰਨਜੀਤ ਕੌਰ ਵੱਲੋਂ ਵਿਸ਼ੇਸ਼ ਕਾਨੂੰਨੀ ਪਾਵਰ ਆਫ਼ ਅਟਾਰਨੀ ਹੈ। ਉਨ੍ਹਾਂ ਹੀ ਇਸ ਮਾਮਲੇ ’ਚ ਇੰਸਪੈਕਟਰ ਖ਼ਿਲਾਫ਼ ਸ਼ਿਕਾਇਤ ਦਿੱਤੀ ਹੈ। ਉਨ੍ਹਾਂ ਦੋਸ਼ ਲਾਇਆ ਹੈ ਕਿ ਚਰਨਜੀਤ ਸਿੰਘਨੂੰ ਵਿਆਹ ਦੇ ਬਹਾਨੇ ਇਕ ਔਰਤ ਤੇ ਉਸ ਦੇ ਤਿੰਨ ਭਰਾਵਾਂ ਨੇ ਧੋਖਾ ਦਿੱਤਾ ਸੀ। ਸ਼ਿਕਾਇਤ ਅਕਤੂਬਰ-2024 ’ਚ ਕੇਐੱਨ ਕਾਟਜੂ ਪੁਲਿਸ ਸਟੇਸ਼ਨ ’ਚ ਦਾਇਰ ਕੀਤੀ ਗਈ ਸੀ।

ਦੋਸ਼ ਸੀ ਕਿ ਰੋਹਿਨੀ ਦੀ ਮਹਿਲਾ ਤੇ ਉਸ ਦੇ ਭਰਾਵਾਂ ਨੇ ਚਰਨਜੀਤ ਨੂੰ ਵਿਆਹ ਦੇ ਬਹਾਨੇ ਧੋਖਾ ਦਿੱਤਾ ਤੇ 16 ਲੱਖ ਰੁਪਏ ਦੀ ਵਸੂਲੀ ਕੀਤੀ। ਇਸੇ ਸਿਲਸਿਲੇ ’ਚ ਗੁਰਮੀਤ ਕੌਰ ਨੇ 16 ਅਕਤੂਬਰ ਤੇ 22 ਅਕਤੂਬਰ 2024 ਨੂੰ ਰੋਹਿਨੀ ਦੇ ਕੇਐੱਨ ਕਾਟਜੂ ਮਾਰਗ ਥਾਣੇ ’ਚ ਸ਼ਿਕਾਇਤ ਦਰਜ ਕਰਵਾਈ। ਇਸ ਮਗਰੋਂ ਉਹ ਕਈ ਵਾਰ ਥਾਣੇ ਗਈ, ਪਰ ਕਿਸੇ ਨੇ ਕੁੱਝ ਨਹੀਂ ਦੱਸਿਆ। 27 ਨਵੰਬਰ 2024 ਨੂੰ ਗੁਰਮੀਤ ਕੌਰ ਕੋਲ ਇਕ ਅਣਪਛਾਤੇ ਨੰਬਰ ਤੋਂ ਕਾਲ ਆਈ। ਕਾਲਰ ਨੇ ਆਪਣੀ ਪਛਾਣ ਕੇਐੱਨ ਕਾਟਜੂ ਮਾਰਗ ਥਾਣੇ ਦੇ ਇੰਸਪੈਕਟਰ ਪ੍ਰਮੋਦ ਕੁਮਾਰ ਵਜੋਂ ਦਿੱਤੀ। ਜਿਸ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਦੀ ਸ਼ਿਕਾਇਤ ’ਤੇ ਕੰਮ ਕਰਨ ਦਾ ਜਿੰਮਾ ਉਸ ਨੂੰ ਸੌਂਪਿਆ ਗਿਆ ਹੈ। ਅਗਲੇ ਦਿਨ ਉਹ ਥਾਣੇ ਪੁੱਜੀ ਤੇ ਇੰਸਪੈਕਟਰ ਨੂੰ ਮਿਲੀ।

ਇੰਸਪੈਕਟਰ ਨੇ ਕੇਸ ਦਰਜ ਕਰਨ ਲਈ ਪੰਜ ਲੱਖ ਰੁਪਏ ਮੰਗੇ। ਗੁਰਮੀਤ ਕੌਰ ਨੇ ਕਿਹਾ ਕਿ ਚਰਨਜੀਤ ਇੰਨੀ ਰਕਮ ਨਹੀਂ ਦੇ ਸਕਦੇ। ਇਕ ਦਸੰਬਰ 2025 ਨੂੰ ਉਹ ਫਿਰ ਇੰਸਪੈਕਟਰ ਨੂੰ ਮਿਲਣ ਗਈ। ਕਾਫੀ ਬੇਨਤੀ ਕਰਨ ਦੇ ਬਾਅਦ ਇੰਸਪੈਕਟਰ ਪੰਜ ਲੱਖ ਦੀ ਥਾਂ ਦੋ ਲੱਖ ਰੁਪਏ ਦੇਣ ਦੀ ਗੱਲ ਕਰਨ ਲੱਗਾ। ਰੁਪਏ ਦੇਣ ਲਈ ਇੰਸਪੈਕਟਰ ਨੇ ਅਗਲੇ ਦਿਨ ਤੱਕ ਦਾ ਸਮਾਂ ਦਿੱਤਾ। ਉਸ ਨੇ ਇੰਸਪੈਕਟਰ ਦੀ ਕਰਤੂਤ ਸਪਾਈ ਕੈਮਰੇ ’ਚ ਰਿਕਾਰਡ ਕਰ ਲਈ। ਗੁਰਮੀਤ ਕੌਰ ਤਿੰਨ ਦਸੰਬਰ ਨੂੰ ਜਦੋਂ ਵਿਜੀਲੈਂਸ ਵਿਭਾਗ ਪੁੱਜੀ ਤਾਂ ਤਮਾਮ ਸਬੂਤਾਂ ਨਾਲ ਉਹ 40,000 ਰੁਪਏ ਵੀ ਲੈ ਕੇ ਗਈ। ਇੰਸਪੈਕਟਰ ਨੇ ਰਿਸ਼ਵਤ ਦੀ ਇਹ ਕਿਸ਼ਤ ਲੈਣ ਲਈ ਉਨ੍ਹਾਂ ਨੂੰ ਰੋਹਿਨੀ ਸੈਕਟਰ-22 ਦੇ ਅਗਰਸੇਨ ਹਸਪਤਾਲ ਬੁਲਾਇਆ ਸੀ। ਬਾਅਦ ’ਚ ਉਹ ਗੁਰਮੀਤ ਕੌਰ ਨਾਲ ਗੱਡੀ ’ਚ ਆ ਕੇ ਬੈਠਿਆ। ਉਹ ਉਸ ਨੂੰ ਉਥੋਂ ਲੈ ਕੇ ਨਿਕਲਿਆ। ਵਿਜੀਲੈਂਸ ਟੀਮ ਪਿੱਛਾ ਕਰ ਰਹੀ ਸੀ। ਟੀਮ ਨੇ ਇੰਸਪੈਕਟਰ ਦੀ ਕਾਰ ਅੱਗੇ ਕਾਰ ਲਗਾ ਦਿੱਤੀ। ਵਿਜੀਲੈਂਸ ਦੀ ਮੌਜੂਦਗੀ ਬਾਰੇ ਅੰਦਾਜ਼ਾ ਲੱਗਣ ਕਾਰਨ ਉਸ ਨੇ ਔਰਤ ਤੋਂ ਰਕਮ ਆਪਣੇ ਹੱਥ ’ਚ ਨਹੀਂ ਲਈ। ਇਸ ਕਾਰਨ ਉਹ ਟਰੈਪ ਤੋਂ ਬਚ ਗਿਆ ਸੀ।

Inspector Named In Case Of Demanding Bribe From Nri Had Registered A Case And Demanded Rs 5 Lakh For Further Action