ਮਾਈਨਿੰਗ ਵਿਭਾਗ ਅਤੇ ਸਰਪੰਚ 'ਤੇ ਲੱਗੇ ਗੰਭੀਰ ਆਰੋਪ, ਪਿੰਡ ਵਾਸੀਆਂ ਨੇ ਕਿਉਂ ਛੇੜਿਆ ਸੰਗਰਸ਼

10/04/2025 | Public Times Bureau | Panjab

ਗੜ੍ਹਸ਼ੰਕਰ ਦੇ ਪਿੰਡ ਕੁਨੈਲ ਅਤੇ ਜਮਾਲਪੁਰ ਦੇ ਰਕੱਬੇ ਵਿੱਚ ਮਾਈਨਿੰਗ ਮਾਫ਼ੀਆ ਵਲੋਂ ਵੱਡੇ ਪੱਧਰ ‘ਤੇ ਗੈਰ ਕਾਨੂੰਨੀ ਮਾਈਨਿੰਗ ਕੀਤੀ ਜਾ ਰਹੀ ਹੈ, ਜਿਸਦੇ ਖਿਲਾਫ ਪਿੰਡ ਵਾਸੀਆਂ ਨੇ ਹੁਣ ਸੰਗਰਸ਼ ਦੀ ਰਾਹ ਫੜ ਲਿਆ ਹੈ। ਹਾਲਾਂਕਿ ਪੰਜਾਬ ਸਰਕਾਰ ਵਲੋਂ ਨਜਾਇਜ਼ ਮਾਈਨਿੰਗ ਰੋਕਣ ਦੇ ਦਾਅਵੇ ਕੀਤੇ ਜਾਂਦੇ ਹਨ, ਪਰ ਜਮੀਨੀ ਹਕੀਕਤ ਕਿਛ ਹੋਰ ਹੀ ਦਰਸਾ ਰਹੀ ਹੈ। ਚਾਂਦਪੁਰ ਰੁੜਕੀ ਨੇੜੇ ਲੱਗੇ ਕਰੈਸ਼ਰ ਚਾਲਕਾਂ ਵੱਲੋਂ 20 ਤੋਂ 25 ਫੁੱਟ ਤੱਕ ਦੀ ਗੈਰ ਕਾਨੂੰਨੀ ਮਾਈਨਿੰਗ ਹੋਣ ਦੇ ਆਰੋਪ ਹਨ। ਪਿੰਡ ਦੇ ਪੰਚ ਰੇਖਾ ਰਾਣੀ, ਜਤਿੰਦਰ ਸਿੰਘ, ਲੰਬੜਦਾਰ ਚਰਨਜੀਤ ਸਿੰਘ ਅਤੇ ਆਰ.ਪੀ. ਸੋਨੀ ਸਮੇਤ ਹੋਰਾਂ ਨੇ ਦੱਸਿਆ ਕਿ ਮਾਈਨਿੰਗ ਵਿਭਾਗ, ਸਰਪੰਚ ਅਤੇ ਕਰੈਸ਼ਰ ਚਾਲਕਾਂ ਦੀ ਮਿਲੀਭੁਗਤ ਨਾਲ ਇਹ ਕੰਮ ਚੱਲ ਰਿਹਾ ਹੈ।

ਉਨ੍ਹਾਂ ਆਰੋਪ ਲਾਏ ਕਿ ਨਜਾਇਜ਼ ਮਾਈਨਿੰਗ ਕਾਰਨ ਜ਼ਮੀਨਾਂ ਪ੍ਰਭਾਵਿਤ ਹੋ ਰਹੀਆਂ ਹਨ, ਰਾਤ ਦੇ ਸਮੇਂ ਓਵਰਲੋਡ ਟਿੱਪਰ ਲੰਘਣ ਕਾਰਨ ਘਰ ਹਿਲਦੇ ਹਨ ਅਤੇ ਨੀਂਦ ਹਰਾਮ ਹੋ ਚੁੱਕੀ ਹੈ। ਮਾਈਨਿੰਗ ਵਿਭਾਗ ਉੱਤੇ ਵੀ ਆਰੋਪ ਲੱਗੇ ਹਨ ਕਿ ਉਹ ਟਿੱਪਰਾਂ ਦੀ ਥਾਂ ਉਲਟ ਗਰੀਬਾਂ ਦੇ ਟਰੈਕਟਰ ਟਰਾਲੀਆਂ ਤੇ ਕਾਰਵਾਈ ਕਰਦੇ ਹਨ। ਸਾਬਕਾ ਸਰਪੰਚ ਵਿਨੋਦ ਕੁਮਾਰ, ਜੋ ਕਿ ਮੌਜੂਦਾ ਸਰਪੰਚ ਦਾ ਘਰਵਾਲਾ ਹੈ, ਉੱਤੇ ਆਰੋਪ ਹਨ ਕਿ ਉਹ ਲੋਕਾਂ ਨੂੰ ਡਰਾਉਂਦਾ ਹੈ। ਦੂਜੇ ਪਾਸੇ ਮੌਜੂਦਾ ਸਰਪੰਚ ਨੇ ਕਿਹਾ ਕਿ ਕੁਝ ਲੋਕ ਉਨ੍ਹਾਂ ਨੂੰ ਬਦਨਾਮ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ ਅਤੇ ਪਿੰਡ ਦੀ ਹੱਦ ਵਿੱਚ ਕੋਈ ਮਾਈਨਿੰਗ ਨਹੀਂ ਹੋ ਰਹੀ।

Serious allegations against the mining department and the sarpanch why did the villagers launch a protest