ਵੱਧ ਰਹੀ ਨਸ਼ੇ ਦੀ ਤੋੜ ਨੇ ਹੁਸ਼ਿਆਰਪੁਰ 'ਚ 2 ਬੱਚਿਆਂ ਦੇ ਪਿਉ ਨੇ ਆਪਣੇ ਸਿਰ 'ਚ ਗੋ.ਲ਼ੀ ਮਾ.ਰ ਕੇ ਕੀਤੀ ਖ਼ੁ.ਦ.ਕੁ.ਸ਼ੀ

24/06/2025 | Public Times Bureau | Panjab

ਮੰਗਲਵਾਰ ਦੁਪਹਿਰ ਬਲਾਕ ਟਾਂਡਾ ਦੇ ਪਿੰਡ ਕਮਾਲਪੁਰ ਵਿਖੇ ਇਕ ਨੌਜਵਾਨ ਨਸ਼ੇ ਦੀ ਤੋੜ ਨਾ ਸਹਾਰ ਸਕਿਆ ਤੇ ਉਸ ਨੇ ਸਿਰ 'ਚ ਗੋਲ਼ੀ ਮਾਰ ਕੇ ਖੁਦਕੁਸ਼ੀ ਕਰ ਲਈ। ਮ੍ਰਿਤਕ ਦੀ ਪਛਾਣ ਲਾਭ ਸਿੰਘ ਉਰਫ ਹੀਰਾ ਉਮਰ ਕਰੀਬ 37 ਸਾਲ ਵਜੋਂ ਹੋਈ ਹੈ । ਲਾਭ ਸਿੰਘ ਵਿਆਹਿਆ ਹੋਇਆ ਸੀ ਤੇ ਦੋ ਬੱਚਿਆਂ ਦਾ ਪਿਤਾ ਸੀ। ਇਸ ਸਬੰਧੀ ਮ੍ਰਿਤਕ ਦੀ ਪਤਨੀ ਕੁਲਵਿੰਦਰ ਕੌਰ ਨੇ ਦੱਸਿਆ ਕਿ ਉਹ ਆਪਣੇ ਪਤੀ ਲਾਭ ਸਿੰਘ ਤੇ ਆਪਣੇ ਬੱਚਿਆਂ ਸਮੇਤ ਸਹੁਰਾ ਪਰਿਵਾਰ ਤੋਂ ਵੱਖ ਰਹਿੰਦੀ ਸੀ। ਲਾਭ ਸਿੰਘ ਹੀਰਾ ਕਸਬਾ ਮਿਆਣੀ ਵਿਖੇ ਕਿਰਾਏ 'ਤੇ ਜਿੰਮ ਚਲਾਉਂਦਾ ਸੀ ਤੇ ਪਿਛਲੇ ਲੰਮੇ ਸਮੇਂ ਤੋਂ ਨਸ਼ਾ ਕਰਨ ਦਾ ਆਦੀ ਸੀ। ਕੁਲਵਿੰਦਰ ਕੌਰ ਨੇ ਦੱਸਿਆ ਕਿ ਉਸਨੂੰ ਕਈ ਵਾਰ ਨਸ਼ਾ ਛੁਡਾਊ ਕੇਂਦਰਾਂ ਵਿਖੇ ਦਾਖਲ ਕਰਵਾਇਆ ਪਰ ਉਹ ਨਸ਼ਾ ਕਰਨ ਦੀ ਆਦਤ ਛੱਡ ਨਹੀਂ ਸਕਿਆ।

ਮੰਗਲਵਾਰ ਦੁਪਹਿਰੇ ਕਰੀਬ ਢਾਈ ਵਜੇ ਲਾਭ ਸਿੰਘ ਨੇ ਨਸ਼ੇ ਦੀ ਪੂਰਤੀ ਲਈ ਪਤਨੀ ਕੋਲੋਂ ਪੈਸੇ ਮੰਗੇ ਤੇ ਪਤਨੀ ਨੇ ਪੈਸੇ ਦੇਣ ਤੋਂ ਇਨਕਾਰ ਕਰ ਦਿੱਤਾ ਜਸੀ ਤੋਂ ਬਾਅਦ ਉਸਦੀ ਕੁੱਟਮਾਰ ਕਰਨ ਲੱਗ ਪਿਆ। ਕੁਲਵਿੰਦਰ ਕੌਰ ਮੌਕੇ 'ਤੇ ਦੌੜ ਕੇ ਆਪਣੇ ਨੇੜੇ ਰਹਿੰਦੇ ਸੱਸ-ਸਹੁਰੇ ਘਰ ਚਲੀ ਗਈ । ਇਸ ਦੌਰਾਨ ਲਾਭ ਸਿੰਘ ਦੇ ਪਿਤਾ ਸਰਬਜੀਤ ਸਿੰਘ ਤੇ ਮਾਤਾ ਸੁਰਜੀਤ ਕੌਰ ਨੇ ਨੂੰਹ ਕੁਲਵਿੰਦਰ ਕੌਰ ਨਾਲ ਉਸ ਦੇ ਘਰ ਆ ਕੇ ਲਾਭ ਸਿੰਘ ਨੂੰ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਉਸ ਨੇ ਤੈਸ਼ 'ਚ ਆ ਕੇ ਘਰ ਦੇ ਵਿਹੜੇ 'ਚ ਪਿਸਤੌਲ ਨਾਲ ਆਪਣੇ ਸਿਰ 'ਚ ਗੋਲੀ ਮਾਰੀ ਲਈ। ਸਰਬਜੀਤ ਸਿੰਘ ਨੇ ਆਂਢ-ਗੁਆਂਢ ਦੀ ਮਦਦ ਨਾਲ ਮੌਕੇ 'ਤੇ ਆਪਣੇ ਪੁੱਤਰ ਲਾਭ ਸਿੰਘ ਨੂੰ ਸਰਕਾਰੀ ਹਸਪਤਾਲ ਟਾਂਡਾ ਪਹੁੰਚਾਇਆ, ਜਿੱਥੇ ਡਾਕਟਰਾਂ ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ।

Father Of 2 Commits Suicide By Shooting Himself In The Head In Hoshiarpur Due To Increasing Drug Abuse