ਲੁਹਾਰਾ ਪੁੱਲ ਨੇੜੇ ਫਾਇਰਿੰਗ ਨਾਲ ਦਹਿਸ਼ਤ, 5 ਕਰੋੜ ਦੀ ਫਿਰੌਤੀ ਲਈ ਗੈਂਗਸਟਰ ਗਰੁੱਪ ਨੇ ਦਿਖਾਈ ਦਹਿਸ਼ਤ

19/10/2025 | Public Times Bureau | Panjab

ਦੇਰ ਰਾਤ ਲੁਹਾਰਾ ਪੁੱਲ ਨੇੜੇ ਉਸ ਵੇਲੇ ਦਹਿਸ਼ਤ ਦਾ ਮਾਹੌਲ ਬਣ ਗਿਆ, ਜਦੋਂ ਅਣਪਛਾਤੇ ਵਿਅਕਤੀਆਂ ਵੱਲੋਂ ਇੱਕ ਕਾਰੋਬਾਰੀ ਦੇ ਘਰ ਬਾਹਰ ਲਗਭਗ ਦੋ ਦਰਜਨ ਗੋਲੀਆਂ ਚਲਾਈ ਗਈਆਂ। ਇਹ ਫਾਇਰਿੰਗ ਇਕ ਸੂਚਨਾ ਅਨੁਸਾਰ 5 ਕਰੋੜ ਰੁਪਏ ਦੀ ਫਿਰੌਤੀ ਲਈ ਦਬਾਉ ਬਣਾਉਣ ਦੇ ਇਰਾਦੇ ਨਾਲ ਕੀਤੀ ਗਈ ਸੀ।

ਮੌਕੇ ਤੋਂ ਮਿਲੀ ਗੈਂਗਸਟਰ ਗਰੁੱਪ ਦੀ ਧਮਕੀ ਭਰੀ ਪਰਚੀ
ਇਸ ਵਾਕਿਆ ਤੋਂ ਬਾਅਦ ਸਥਾਨਕ ਲੋਕਾਂ ਵਿਚ ਭਿਆਨਕ ਦਹਿਸ਼ਤ ਫੈਲ ਗਈ। ਘਟਨਾ ਦੀ ਜਾਣਕਾਰੀ ਮਿਲਣ ਉਪਰੰਤ ਥਾਣਾ ਡਾਬਾ ਦੀ ਪੁਲਿਸ ਮੌਕੇ ’ਤੇ ਪੁੱਜੀ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ। ਮੌਕੇ ਤੋਂ ਪੁਲਿਸ ਨੂੰ ਇੱਕ ਪਰਚੀ ਮਿਲੀ ਜਿਸ ਵਿੱਚ ਗੈਂਗਸਟਰ ਕੌਸ਼ਲ ਚੌਧਰੀ ਗਰੁੱਪ ਦਾ ਨਾਮ ਦਰਜ ਸੀ ਅਤੇ ਉੱਤੇ "5 ਕਰੋੜ ਰੁਪਏ" ਵੀ ਲਿਖਿਆ ਹੋਇਆ ਸੀ।

ਮੁਲਜ਼ਮ ਅਜੇ ਵੀ ਫਰਾਰ, ਸੀਸੀਟੀਵੀ ਫੁਟੇਜ ਦੀ ਜਾਂਚ ਜਾਰੀ
ਫਾਇਰਿੰਗ ਦੌਰਾਨ ਕੁਝ ਗੋਲੀਆਂ ਘਰ ਦੀ ਕੰਧ ਅਤੇ ਖਿੜਕੀਆਂ 'ਤੇ ਲੱਗੀਆਂ, ਹਾਲਾਂਕਿ ਕਿਸੇ ਜਾਨੀ ਨੁਕਸਾਨ ਦੀ ਸੂਚਨਾ ਨਹੀਂ ਮਿਲੀ। ਪੁਲਿਸ ਨੇ ਆਸਪਾਸ ਦੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਖੰਗਾਲਣੀ ਸ਼ੁਰੂ ਕਰ ਦਿੱਤੀ ਹੈ ਅਤੇ ਮੁਲਜ਼ਮਾਂ ਦੀ ਪਛਾਣ ਕਰਕੇ ਜਲਦ ਗ੍ਰਿਫਤਾਰੀ ਦਾ ਭਰੋਸਾ ਦਿੱਤਾ ਹੈ।

ਸਥਾਨਕ ਲੋਕਾਂ ਵਿਚ ਖੌਫ ਦਾ ਮਾਹੌਲ
ਇਸ ਘਟਨਾ ਤੋਂ ਬਾਅਦ ਇਲਾਕੇ ਦੇ ਨਿਵਾਸੀਆਂ ਵਿਚ ਡਰ ਦਾ ਮਾਹੌਲ ਹੈ। ਲੋਕਾਂ ਨੇ ਪੁਲਿਸ ਤੋਂ ਇਲਾਕੇ ’ਚ ਸੁਰੱਖਿਆ ਵਧਾਉਣ ਦੀ ਮੰਗ ਕੀਤੀ ਹੈ।

Terror Due To Firing Near Luhara Bridge Gangster Group Shows Terror For Ransom Of 5 Crores