ਧੀਰੇਂਦਰ ਸ਼ਾਸਤਰੀ ਦੀ ਅਚਾਨਕ ਵਿਗੜੀ ਸਿਹਤ, ਸੜਕ 'ਤੇ ਹੋਏ ਬੇਹੋਸ਼; ਮੌਕੇ 'ਤੇ ਪਹੁੰਚੇ ਡਾਕਟਰ ਜਾਣੋ ਕੀ ਕਿਹਾ?

13/11/2025 | Public Times Bureau | Panjab

ਬਾਗੇਸ਼ਵਰ ਧਾਮ ਦੇ ਮੁਖੀ ਪੰਡਿਤ ਧੀਰੇਂਦਰ ਕ੍ਰਿਸ਼ਨ ਸ਼ਾਸਤਰੀ ਦੀ ਸਨਾਤਨ ਏਕਤਾ ਪਦਯਾਤਰਾ ਅੱਜ ਆਪਣੇ ਸੱਤਵੇਂ ਦਿਨ ਵਿੱਚ ਦਾਖ਼ਲ ਹੋਈ। ਦਿੱਲੀ ਅਤੇ ਹਰਿਆਣਾ ਤੋਂ ਲੰਘਣ ਤੋਂ ਬਾਅਦ ਯਾਤਰਾ ਅੱਜ ਮਥੁਰਾ ਪਹੁੰਚੇਗੀ, ਜਿੱਥੇ ਇਹ ਅਗਲੇ ਚਾਰ ਦਿਨਾਂ ਵਿੱਚ ਲਗਭਗ 55 ਕਿਲੋਮੀਟਰ ਦਾ ਸਫ਼ਰ ਤੈਅ ਕਰੇਗੀ। ਇਸ ਦੌਰਾਨ ਸ਼ਾਸਤਰੀ ਦੀ ਸਿਹਤ ਲਗਾਤਾਰ ਦੂਜੇ ਦਿਨ ਵੀ ਵਿਗੜ ਗਈ। ਯੂਪੀ-ਹਰਿਆਣਾ ਸਰਹੱਦ 'ਤੇ ਉਨ੍ਹਾਂ ਨੂੰ ਅਚਾਨਕ ਚੱਕਰ ਆਉਣੇ ਸ਼ੁਰੂ ਹੋ ਗਏ ਅਤੇ ਉਹ ਸੜਕ ’ਤੇ ਡਿੱਗ ਪਏ। ਕੁਝ ਸਮੇਂ ਲਈ ਉਹ ਬੇਹੋਸ਼ ਰਹੇ, ਜਿਸ ਤੋਂ ਬਾਅਦ ਨੇੜਲੇ ਸ਼ਰਧਾਲੂਆਂ ਨੇ ਤੁਰੰਤ ਉਨ੍ਹਾਂ ਦੀ ਸਹਾਇਤਾ ਕੀਤੀ। ਉਨ੍ਹਾਂ ਨੂੰ ਪਾਣੀ ਪਿਲਾਇਆ ਗਿਆ ਅਤੇ ਆਰਾਮ ਕਰਵਾਇਆ ਗਿਆ। ਕੁਝ ਦੇਰ ਬਾਅਦ ਸ਼ਾਸਤਰੀ ਨੇ ਪਰਾਠੇ ਨਾਲ ਅਚਾਰ ਖਾਧਾ ਅਤੇ ਆਪਣੀ ਯਾਤਰਾ ਮੁੜ ਸ਼ੁਰੂ ਕੀਤੀ। ਬੁੱਧਵਾਰ ਨੂੰ ਵੀ ਉਨ੍ਹਾਂ ਨੂੰ ਤੇਜ਼ ਬੁਖਾਰ ਆ ਗਿਆ ਸੀ, ਪਰ ਦਵਾਈ ਅਤੇ ਆਰਾਮ ਤੋਂ ਬਾਅਦ ਉਨ੍ਹਾਂ ਨੇ ਯਾਤਰਾ ਜਾਰੀ ਰੱਖੀ ਸੀ। ਦਿੱਲੀ ਵਿੱਚ ਹੋਏ ਹਾਲੀਆ ਬੰਬ ਧਮਾਕਿਆਂ ਨੂੰ ਧਿਆਨ ਵਿੱਚ ਰੱਖਦਿਆਂ ਸ਼ਾਸਤਰੀ ਦੀ ਸੁਰੱਖਿਆ ਹੋਰ ਸਖ਼ਤ ਕਰ ਦਿੱਤੀ ਗਈ ਹੈ। ਯਾਤਰਾ ਲਈ ਪਹਿਲਾਂ ਤਿੰਨ ਪੁਲਿਸ ਕੰਪਨੀਆਂ ਤਾਇਨਾਤ ਸਨ, ਹੁਣ ਦੋ ਹੋਰ ਜੋੜੀਆਂ ਗਈਆਂ ਹਨ। ਏਐਸਪੀ ਅਨੁਜ ਚੌਧਰੀ ਖ਼ੁਦ ਮੂਹਰਲੀਆਂ ਲਾਈਨਾਂ ’ਤੇ ਨਿਗਰਾਨੀ ਕਰ ਰਹੇ ਹਨ। ਪਦਯਾਤਰਾ ਵਿੱਚ ਲਗਭਗ ਇੱਕ ਲੱਖ ਸ਼ਰਧਾਲੂ ਸ਼ਾਮਲ ਹਨ, ਜੋ ਢੋਲ ਨਗਾਰੇ ਵਜਾਉਂਦੇ ਹੋਏ ਰਾਮ, ਸੀਤਾ ਅਤੇ ਹਨੂਮਾਨ ਦੇ ਰੂਪਾਂ ਵਿੱਚ ਸਜੇ ਹੋਏ ਹਨ। ਯਾਤਰਾ ਦੇ ਰਾਹੀਂ ਵੱਖ-ਵੱਖ ਥਾਵਾਂ ’ਤੇ ਝਾਂਕੀਆਂ ਅਤੇ ਭਜਨ ਕੀਰਤਨ ਗੂੰਜ ਰਹੇ ਹਨ, ਜਿਨ੍ਹਾਂ ਨਾਲ ਪੂਰਾ ਮਾਹੌਲ ਭਗਤੀਮਈ ਹੋਇਆ ਪਿਆ ਹੈ।

Dhirendra shastri s health suddenly deteriorated he fainted on the road what did the doctor who reached the spot say