ਜਲੰਧਰ ‘ਚ 13 ਸੈਕਿੰਡ ਵਿੱਚ ਤਾਲਾ ਤੋੜ ਕੇ ਬਾਈਕ ਚੋਰੀ, ਸ਼੍ਰੀ ਦੇਵੀ ਤਾਲਾਬ ਮੰਦਰ ਬਾਹਰ ਵਾਰਦਾਤ ਸੀਸੀਟੀਵੀ ਵਿੱਚ ਕੈਦ

11/01/2026 | Public Times Bureau | Panjab

ਸ਼੍ਰੀ ਦੇਵੀ ਤਾਲਾਬ ਮੰਦਰ ਦੇ ਬਾਹਰੋਂ ਤਿੰਨ ਨੌਜਵਾਨ ਮਹਿਜ਼ 13 ਸੈਕਿੰਡ ਵਿੱਚ ਤਾਲਾ ਤੋੜ ਕੇ ਇੱਕ ਬਾਈਕ ਚੋਰੀ ਕਰਕੇ ਫਰਾਰ ਹੋ ਗਏ। ਇਹ ਪੂਰੀ ਘਟਨਾ ਮੰਦਰ ਕੋਲ ਲੱਗੇ ਸੀਸੀਟੀਵੀ (CCTV) ਕੈਮਰੇ ਵਿੱਚ ਕੈਦ ਹੋ ਗਈ। ਥਾਣਾ ਨੰਬਰ 8 ਦੀ ਪੁਲਿਸ ਨੇ ਸ਼ਿਕਾਇਤ ਮਿਲਣ ਤੋਂ ਬਾਅਦ ਤੁਰੰਤ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਕਿਸ਼ਨਪੁਰਾ ਦੇ ਰਹਿਣ ਵਾਲੇ ਜੈ ਸੋਂਧੀ ਨੇ ਦੱਸਿਆ ਕਿ ਉਸ ਦਾ ਭਰਾ ਰਾਹੁਲ ਸੋਂਧੀ 9 ਜਨਵਰੀ ਨੂੰ ਸ਼ਾਮ 5:30 ਵਜੇ ਬਾਈਕ 'ਤੇ ਮੰਦਰ ਮੱਥਾ ਟੇਕਣ ਗਿਆ ਸੀ। ਵਾਪਸੀ 'ਤੇ ਉਸ ਨੇ ਦੇਖਿਆ ਕਿ ਗਊਸ਼ਾਲਾ ਰੋਡ 'ਤੇ ਖੜ੍ਹੀ ਉਸ ਦੀ ਬਾਈਕ ਗਾਇਬ ਸੀ।
ਸੀਸੀਟੀਵੀ ਫੁਟੇਜ ਚੈੱਕ ਕਰਨ 'ਤੇ ਪਤਾ ਲੱਗਾ ਕਿ ਜਿੱਥੇ ਬਾਈਕ ਖੜ੍ਹੀ ਸੀ, ਉੱਥੇ ਤਿੰਨ ਨੌਜਵਾਨ ਆਏ। ਇਕ ਨੌਜਵਾਨ ਬਾਈਕ 'ਤੇ ਬੈਠ ਗਿਆ ਅਤੇ ਦੋ ਸਾਥੀ ਨੇਜ਼ਰ ਰੱਖਣ ਲੱਗੇ। ਬਾਈਕ ਦਾ ਤਾਲਾ ਤੋੜ ਕੇ ਉਹ ਮਹਿਜ਼ 13 ਸੈਕਿੰਡ ਵਿੱਚ ਚੋਰੀ ਕਰਕੇ ਫਰਾਰ ਹੋ ਗਏ। ਪੁਲਿਸ ਨੇ ਸੀਸੀਟੀਵੀ ਫੁਟੇਜ ਕਬਜ਼ੇ ਵਿੱਚ ਲੈ ਕੇ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਚੋਰਾਂ ਦੀ ਪਛਾਣ ਲਈ ਜਾਂਚ ਕਰ ਰਹੀ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਜਲਦੀ ਹੀ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ।

Bike Stolen By Breaking The Lock In 13 Seconds In Jalandhar Incident Outside Sri Devi Talab Temple Captured On Cctv