ਫਤਹਿਗੜ੍ਹ ਸਾਹਿਬ: ਕੋਰਟ ਕੰਪਲੈਕਸ ਨੂੰ ਉਡਾਉਣ ਦੀ ਧਮਕੀ ਮਿਲਣ ਤੇ ਪੁਲਿਸ ਲੱਗੀ ਸਰਚ ਅਭਿਆਨ ‘ਚ

14/01/2026 | Public Times Bureau | Panjab

ਬੁੱਧਵਾਰ ਸਵੇਰੇ ਜਿਲ੍ਹਾ ਕੋਰਟ ਕੰਪਲੈਕਸ ’ਚ ਵੱਡੀ ਗਿਣਤੀ ਵਿੱਚ ਪੁਲਿਸ ਦੀ ਹਲਚਲ ਦੇਖੀ ਗਈ। ਕੰਪਲੈਕਸ ਅੰਦਰ ਸਰਚ ਅਭਿਆਨ ਚਲਾਇਆ ਗਿਆ, ਜਿਸਦਾ ਸੂਤਰਾ ਇਹ ਦੱਸਿਆ ਜਾ ਰਿਹਾ ਹੈ ਕਿ ਕੋਰਟ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ ਭਰੀ ਈਮੇਲ ਮਿਲੀ ਹੈ।
ਦੂਜੇ ਪਾਸੇ, ਫਤਹਿਗੜ੍ਹ ਸਾਹਿਬ ਪੁਲਿਸ ਦੇ ਉੱਚ ਅਧਿਕਾਰੀਆਂ ਨੇ ਇਸ ਧਮਕੀ ਨੂੰ ਅਫਵਾਹ ਦੱਸਿਆ ਹੈ। ਐਸਪੀ ਜਸਕੀਰਤ ਸਿੰਘ ਅਹੀਰ ਨੇ ਕਿਹਾ ਕਿ ਬੰਬ ਬਾਰੇ ਸੂਚਨਾ ਮਿਲਣ ਦੀ ਗੱਲ ਸੁਣੀ ਗਈ ਹੈ, ਪਰ ਅਸਲ ਵਿੱਚ ਕੋਈ ਧਮਕੀ ਸਾਬਤ ਨਹੀਂ ਹੋਈ। ਉਨ੍ਹਾਂ ਨੇ ਦੱਸਿਆ ਕਿ ਕੋਰਟ ’ਚ ਅਚਾਨਕ ਵਧੀ ਨਫਰੀ 26 ਜਨਵਰੀ ਦੇ ਰੂਟੀਨ ਚੈਕਿੰਗ ਕਾਰਨ ਸੀ, ਜਿਸਦਾ ਮਕਸਦ ਸ਼ਰਾਰਤੀ ਤੱਤਾਂ ਨੂੰ ਪਹਿਲਾਂ ਹੀ ਨੱਥ ਪਾਉਣਾ ਹੈ।
ਹਾਲਾਂਕਿ, ਪੁਲਿਸ ਦੀ ਅਚਾਨਕ ਵਧੀ ਨਫਰੀ ਕਾਰਨ ਲੋਕਾਂ ਵਿੱਚ ਸਹਿਮ ਦਾ ਮਾਹੌਲ ਬਣਿਆ। ਸਰਚ ਅਭਿਆਨ ਅਤੇ ਸੁਰੱਖਿਆ ਚੌਕਸੀ ਨੂੰ ਧਿਆਨ ਵਿੱਚ ਰੱਖਦਿਆਂ ਕੋਰਟ ਕੰਪਲੈਕਸ ’ਚ ਰੋਜ਼ਮਰਾ ਕਾਰਜਵਾਹੀ ਠਹਿਰਾਈ ਗਈ ਹੈ।

Fatehgarh Sahib Police Launch Search Operation After Receiving Threat To Blow Up Court Complex