ਜਲੰਧਰ 'ਚ ਮਰਸਡੀਜ਼ ਕਾਰ ਦੀ ਐਕਟਿਵਾ ਨੂੰ ਟੱਕਰ ਲੱਗਣ ਤੇ ਲੜਾਈ ਕਾਰ ਸਵਾਰਾਂ ਨੇ ਐਕਟਿਵਾ ਚਾਲਕ ਤੇ ਹਮਲਾ ਕਰ ਕੀਤਾ ਜਖਮੀ

15/01/2026 | Public Times Bureau | Panjab

ਜਲੰਧਰ ਦੇ ਸੰਵਿਧਾਨ ਚੌਕ ਤੋਂ ਆਈਕੋਨਿਕ ਮਾਲ ਵੱਲ ਜਾਣ ਵਾਲੀ ਸੜਕ ’ਤੇ ਬੁੱਧਵਾਰ ਦੇਰ ਰਾਤ ਮਾਮੂਲੀ ਵਿਵਾਦ ਖ਼ੂਨੀ ਹਾਦਸੇ ਵਿੱਚ ਬਦਲ ਗਿਆ। ਮਰਸਡੀਜ਼ ਕਾਰ ਵਿੱਚ ਸਵਾਰ ਕੁਝ ਨੌਜਵਾਨਾਂ ਨੇ ਪਹਿਲਾਂ ਐਕਟਿਵਾ ਸਵਾਰ ਸਿਮਰਨਜੀਤ ਸਿੰਘ ਨੂੰ ਸਾਈਡ ਮਾਰੀ ਅਤੇ ਫਿਰ ਉਸ ਦੇ ਸਿਰ ’ਤੇ ਭਾਰੀ ਕੜੇ ਨਾਲ ਹਮਲਾ ਕੀਤਾ, ਜਿਸ ਕਾਰਨ ਉਸ ਦੇ ਸਿਰ ’ਤੇ ਡੂੰਘੀ ਸੱਟਾਂ ਆਈਆਂ ਅਤੇ 12 ਟਾਂਕੇ ਲਗਾਉਣੇ ਪਏ।
ਜ਼ਖ਼ਮੀ ਸਿਮਰਨਜੀਤ ਸਿੰਘ ਨੇ ਦੱਸਿਆ ਕਿ ਉਹ ਰਾਤ ਨੂੰ ਆਪਣੇ ਘਰ ਜਾ ਰਿਹਾ ਸੀ, ਜਦ ਮਰਸਡੀਜ਼ ਕਾਰ ਸਵਾਰ ਉਸ ਦੀ ਐਕਟਿਵਾ ਵਾਰ-ਵਾਰ ਹਿੱਟ ਕਰਨ ਲੱਗੇ। ਜਦੋਂ ਉਸ ਨੇ ਸਾਵਧਾਨੀ ਨਾਲ ਗੱਡੀ ਚਲਾਉਣ ਲਈ ਕਿਹਾ, ਕਾਰ ਸਵਾਰ ਭੜਕ ਗਏ। ਹਮਲਾਵਰ ਗੱਡੀ ਰੋਕ ਕੇ ਹੇਠਾਂ ਉਤਰ ਕੇ ਸਿਮਰਨਜੀਤ ’ਤੇ ਕੜੇ ਨਾਲ ਹਮਲਾ ਕਰ ਦਿੱਤਾ ਅਤੇ ਫਿਰ ਗਾਲ੍ਹਾਂ ਕੱਢਦੇ ਹੋਏ ਆਪਣੀ ਮਰਸਡੀਜ਼ ਵਿੱਚ ਬੈਠ ਕੇ ਫ਼ਰਾਰ ਹੋ ਗਏ।
ਸਿਮਰਨਜੀਤ ਨੇ ਹਿੰਮਤ ਦਿਖਾ ਕੇ ਹਮਲਾਵਰਾਂ ਦੀ ਵੀਡੀਓ ਆਪਣੇ ਮੋਬਾਈਲ ਵਿੱਚ ਰਿਕਾਰਡ ਕਰ ਲਈ ਹੈ ਅਤੇ ਪੁਲਿਸ ਨੂੰ ਸਬੂਤ ਵਜੋਂ ਦੇਣ ਦੀ ਤਿਆਰੀ ਕਰ ਰਿਹਾ ਹੈ। ਘਟਨਾ ਤੋਂ ਬਾਅਦ ਰਾਹਗੀਰਾਂ ਨੇ ਉਸ ਨੂੰ ਤੁਰੰਤ ਹਸਪਤਾਲ ਪਹੁੰਚਾਇਆ।
ਇਲਾਕੇ ਦੇ ਲੋਕਾਂ ਵਿੱਚ ਘਟਨਾ ਬਾਅਦ ਭਾਰੀ ਰੋਸ ਹੈ ਅਤੇ ਸੜਕਾਂ ’ਤੇ ਵਧ ਰਹੀ ਗੁੰਡਾਗਰਦੀ ਨੂੰ ਲੈ ਕੇ ਚਿੰਤਾ ਹੈ। ਜ਼ਖ਼ਮੀ ਨੇ ਪੁਲਿਸ ਪ੍ਰਸ਼ਾਸਨ ਤੋਂ ਮੁਲਜ਼ਮਾਂ ਖ਼ਿਲਾਫ਼ ਤੁਰੰਤ ਸਖ਼ਤ ਕਾਰਵਾਈ ਅਤੇ ਭਵਿੱਖ ਵਿੱਚ ਅਜਿਹੀ ਘਟਨਾ ਰੋਕਣ ਦੀ ਮੰਗ ਕੀਤੀ ਹੈ।

A fight broke out after a mercedes car collided with an activa in jalandhar the car occupants attacked the activa driver and injured him