ਬਹਿਰਾਮਪੁਰ ਦੇ ਹਾਰਡਵੇਅਰ ਸਟੋਰ 'ਚ ਲੱਗੀ ਭਿਆਨਕ ਅੱਗ, ਕਰੋੜਾਂ ਦਾ ਸਾਮਾਨ ਸੜ ਕੇ ਸੁਆਹ

15/01/2026 | Public Times Bureau | Panjab

ਬਹਿਰਾਮਪੁਰ: ਬੁੱਧਵਾਰ ਦੀ ਦੇਰ ਰਾਤ ਬਹਿਰਾਮਪੁਰ ਵਿੱਚ ਸਾਈਂ ਦਾਸ ਹਾਰਡਵੇਅਰ ਸਟੋਰ ਵਿੱਚ ਲੱਗੀ ਭਿਆਨਕ ਅੱਗ ਨੇ ਇਲਾਕੇ ਵਿੱਚ ਦਹਿਸ਼ਤ ਮਚਾ ਦਿੱਤੀ। ਇਸ ਅੱਗ ‘ਤੇ ਸਵੇਰੇ ਤੱਕ ਪੂਰੀ ਤਰ੍ਹਾਂ ਕਾਬੂ ਨਹੀਂ ਪਾਇਆ ਜਾ ਸਕਿਆ, ਜਿਸ ਲਈ ਪਠਾਨਕੋਟ, ਬਟਾਲਾ ਅਤੇ ਗੁਰਦਾਸਪੁਰ ਤੋਂ ਲਗਭਗ 25 ਫਾਇਰ ਟੈਂਡਰ ਮੰਗਵਾਏ ਗਏ।
ਸਟੋਰ ਮਾਲਕ ਰਾਕੇਸ਼ ਕੁਮਾਰ ਨੇ ਦੱਸਿਆ ਕਿ ਉਹ ਸਟੋਰ ਬੰਦ ਕਰਕੇ ਘਰ ਚਲੇ ਗਏ ਸਨ। ਰਾਤ ਨੂੰ 2:30 ਵਜੇ ਗੁਆਂਢੀਆਂ ਨੇ ਸਟੋਰ ਵਿੱਚੋਂ ਧੂੰਆਂ ਉੱਠਦਾ ਦੇਖ ਕੇ ਉਨ੍ਹਾਂ ਨੂੰ ਫੋਨ ਕੀਤਾ। ਮੌਕੇ ‘ਤੇ ਪੁੱਜਣ ‘ਤੇ ਅੱਗ ਇੰਨੀ ਜ਼ਬਰਦਸਤ ਸੀ ਕਿ ਅੰਦਰ ਜਾਂਨਾ ਤੋ ਦੂਰ, ਨੇੜੇ ਵੀ ਜਾਣਾ ਮੁਸ਼ਕਲ ਸੀ।
ਫਾਇਰ ਬ੍ਰਿਗੇਡ ਦੀ ਲਗਾਤਾਰ ਕਈ ਘੰਟਿਆਂ ਦੀ ਮਿਹਨਤ ਦੇ ਬਾਵਜੂਦ ਸਟੋਰ ਵਿੱਚ ਸਟੋਰ ਕੀਮਤੀ ਸਾਮਾਨ ਸੜ ਕੇ ਸੁਆਹ ਹੋ ਗਿਆ। ਅੱਗ ਦੀਆਂ ਲਪਟਾਂ ਇੰਨੀ ਉੱਚੀਆਂ ਸਨ ਕਿ ਨੇੜਲੇ ਘਰਾਂ ਨੂੰ ਵੀ ਨੁਕਸਾਨ ਹੋਇਆ। ਖ਼ੁਸ਼ਕਿਸਮਤੀ ਇਹ ਰਹੀ ਕਿ ਕੋਈ ਜਾਨੀ ਨੁਕਸਾਨ ਜਾਂ ਜ਼ਖ਼ਮ ਨਹੀਂ ਹੋਇਆ।
ਥਾਣਾ ਬਹਿਰਾਮਪੁਰ ਦੀ ਪੁਲਿਸ ਅਤੇ ਫਾਇਰ ਵਿਭਾਗ ਅੱਗ ਦੇ ਕਾਰਨ ਦੀ ਜਾਂਚ ਕਰ ਰਹੇ ਹਨ। ਅੱਗ ਲੱਗਣ ਦੇ ਮੂਲ ਕਾਰਨ ਅਜੇ ਤੱਕ ਪਤਾ ਨਹੀਂ ਲੱਗੇ, ਪਰ ਸ਼ਾਰਟ ਸਰਕਟ ਜਾਂ ਹੋਰ ਕਾਰਨ ਹੋ ਸਕਦੇ ਹਨ।

Massive Fire Breaks Out In Hardware Store In Behrampur Goods Worth Crores Burnt To Ashes