ਲੁਧਿਆਣਾ ਦੇ ਮਿਨੀ ਸੈਕਟਰੀਏਟ ਨੇੜੇ ਘਰ ਵਿੱਚ ਹੋਈ ਲੱਖਾਂ ਦੇ ਗਹਿਣੇ ਦੀ ਚੋਰੀ, ਸੀਸੀਟੀਵੀ ਫੁਟੇਜਆ ਵਾਰਦਾਤ ਹੋਈ ਕੈਦ

25/01/2026 | Public Times Bureau | Panjab

ਮਿਨੀ ਸੈਕਟਰੀਏਟ ਦੇ ਲਾਗੇ ਪੈਂਦੇ ਇੱਕ ਘਰ ਨੂੰ ਨਿਸ਼ਾਨਾ ਬਣਾਉਂਦਿਆਂ ਚੋਰਾਂ ਨੇ ਲੱਖਾਂ ਰੁਪਏ ਕੀਮਤੀ ਗਹਿਣੇ ਚੋਰੀ ਕਰ ਲਏ। ਸੂਚਨਾ ਮਿਲਣ 'ਤੇ ਪੁਲਿਸ ਮੌਕੇ ’ਤੇ ਪਹੁੰਚੀ ਅਤੇ ਸਾਰੇ ਮਾਮਲੇ ਦੀ ਪੜਤਾਲ ਸ਼ੁਰੂ ਕਰ ਦਿੱਤੀ। ਘਰ ਦੇ ਅੰਦਰ ਅਤੇ ਬਾਹਰ ਲੱਗੇ ਸੀਸੀਟੀਵੀ ਕੈਮਰਿਆਂ ਵਿੱਚ ਵਾਰਦਾਤ ਦੀਆਂ ਤਸਵੀਰਾਂ ਕੈਦ ਹੋ ਗਈਆਂ ਹਨ। ਪਰਿਵਾਰ ਦੀ ਮੈਂਬਰ ਚੰਦਨਾ ਰਾਏ ਨੇ ਦੱਸਿਆ ਕਿ ਘਰ ਵਿੱਚ ਵਾਰਦਾਤ ਸਮੇਂ ਕੋਈ ਵੀ ਮੌਜੂਦ ਨਹੀਂ ਸੀ। ਉਹ ਅਤੇ ਪਰਿਵਾਰ ਦੇ ਹੋਰ ਮੈਂਬਰ ਗੁਰਦੁਆਰਾ ਸਾਹਿਬ ਮੱਥਾ ਟੇਕਣ ਗਏ ਹੋਏ ਸਨ। ਘਰ ਵਾਪਸ ਆਉਣ ’ਤੇ ਉਨ੍ਹਾਂ ਨੇ ਦਰਵਾਜ਼ਾ ਖੁੱਲਾ ਅਤੇ ਅਲਮਾਰੀਆਂ ਖੁੱਲੀਆਂ ਪਈਆਂ ਦੇਖੀਆਂ।
ਪਰਿਵਾਰ ਨੇ ਦੱਸਿਆ ਕਿ ਕੁਝ ਦਿਨ ਪਹਿਲਾਂ ਉਨ੍ਹਾਂ ਨੇ ਬੈਂਕ ਦੇ ਲਾਕਰ ਤੋਂ ਸੋਨਾ ਕਢ ਕੇ ਘਰ ਵਿੱਚ ਰੱਖਿਆ ਸੀ, ਜਿਸ ਨੂੰ ਚੋਰ ਲੈ ਕੇ ਰਫੂ ਹੋ ਗਏ। ਸੀਸੀਟੀਵੀ ਫੁਟੇਜ ਵਿੱਚ ਇੱਕ ਮਾਸਕ ਪਹਿਨਿਆ ਨੌਜਵਾਨ ਨਜ਼ਰ ਆਇਆ, ਜੋ ਪਹਿਲਾਂ ਘਰ ਦੇ ਆਲੇ ਦੁਆਲੇ ਰੇਕੀ ਕਰਦਾ ਅਤੇ ਸਿਗਰਟ ਪੀਂਦਾ ਦਿਖਿਆ। ਮੌਕਾ ਦੇਖਦੇ ਹੀ ਉਸਨੇ ਘਰ ਵਿੱਚ ਦਾਖਲ ਹੋ ਕੇ ਵਾਰਦਾਤ ਨੂੰ ਅੰਜਾਮ ਦਿੱਤਾ। ਉਧਰ, ਪੁਲਿਸ ਨੇ ਕੇਸ ਦੀ ਡੁੰਘਾਈ ਨਾਲ ਪੜਤਾਲ ਸ਼ੁਰੂ ਕਰ ਦਿੱਤੀ ਹੈ ਅਤੇ ਨੌਜਵਾਨ ਚੋਰ ਦੀ ਤਲਾਸ਼ ਵਿੱਚ ਜੁੱਟ ਗਈ ਹੈ।

Jewellery Worth Lakhs Stolen From House Near Ludhiana s Mini Secretariat Cctv Footage Of Incident Leads To Arrest