"ਰਾਸ਼ਟਰੀ ਸ਼ੂਟਰ ਨੇ MBA ਵਿਦਿਆਰਥੀ ਨੂੰ ਮਾਰੀ ਗੋਲ਼ੀ, ਪੁਲਿਸ ਨੇ ਨਾਕਾਬੰਦੀ ਦੌਰਾਨ ਕੀਤਾ ਗ੍ਰਿਫ਼ਤਾਰ"

25/01/2026 | Public Times Bureau | Panjab

ਲੁਧਿਆਣਾ ਵਿੱਚ ਇੱਕ ਹਾਦਸਾ ਹੋਇਆ ਜਿੱਥੇ ਰਾਸ਼ਟਰੀ ਸ਼ੂਟਰ ਜੁਗਾਦ ਸਿੰਘ ਸੇਖੋਂ (27) ਨੇ ਆਪਣੇ ਦੋਸਤ, ਐੱਮਬੀਏ ਵਿਦਿਆਰਥੀ ਰਾਜਵੀਰ ਸਿੰਘ (24), ਦੇ ਢਿੱਡ ਵਿੱਚ ਗੋਲੀ ਮਾਰ ਦਿੱਤੀ। ਰਾਜਵੀਰ ਨੂੰ ਤਲਵਾੜਾ ਇਲਾਕੇ ਦੀ ਸ਼ੂਟਿੰਗ ਰੇਂਜ ਵਿੱਚ ਗੋਲੀ ਲੱਗੀ, ਜਿਸ ਤੋਂ ਬਾਅਦ ਉਸ ਨੂੰ ਦਿਆਨੰਦ ਹਸਪਤਾਲ ਦਾਖ਼ਲ ਕੀਤਾ ਗਿਆ ਜਿੱਥੇ ਉਸ ਦੀ ਮੌਤ ਹੋ ਗਈ।
ਥਾਣਾ ਪੀਏਯੂ ਦੀ ਪੁਲਿਸ ਨੇ ਸ਼ਨਿੱਚਰਵਾਰ ਸ਼ਾਮ ਨਾਕਾਬੰਦੀ ਦੌਰਾਨ ਮੁਲਜ਼ਮ ਜੁਗਾਦ ਸੇਖੋਂ ਨੂੰ ਗ੍ਰਿਫਤਾਰ ਕਰ ਲਿਆ। ਮੁਲਜ਼ਮ ਰਾਜਵੀਰ ਦਾ ਬਹੁਤ ਖਾਸ ਦੋਸਤ ਸੀ। ਪਰਿਵਾਰ ਵੱਲੋਂ ਦੋਸ਼ ਲਗਾਉਣ ਤੇ ਪੁਲਿਸ ਨੇ ਕਤਲ ਅਤੇ ਹੋਰ ਵੱਖ-ਵੱਖ ਧਾਰਾਵਾਂ ਅਧੀਨ ਕੇਸ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਪੁਲਿਸ ਅਜੇ ਇਹ ਜਾਂਚ ਰਹੀ ਹੈ ਕਿ ਇਹ ਘਟਨਾ ਖ਼ੁਦਕੁਸ਼ੀ ਸੀ ਜਾਂ ਦੂਜਾ ਕੋਈ ਕਾਰਨ। ਮੁਲਜ਼ਮ ਤਜਰਬੇਕਾਰ ਸ਼ੂਟਰ ਹੈ ਜੋ ਕੌਮੀ ਅਤੇ ਕੌਮਾਂਤਰੀ ਮੁਕਾਬਲਿਆਂ ਵਿੱਚ ਹਿੱਸਾ ਲੈ ਚੁੱਕਾ ਹੈ।

national Shooter Shoots Mba Student Arrested By Police During Blockade