CBSE ਨੇ ਮਾਨਸਿਕ ਤਣਾਅ ਦੂਰ ਕਰਨ ਲਈ ਸਕੂਲਾਂ ਨੂੰ ਜਾਰੀ ਕੀਤੇ ਨਵੇਂ ਨਿਰਦੇਸ਼

25/01/2026 | Public Times Bureau | Panjab

ਨਵੀਂ ਦਿੱਲੀ: ਸੀ.ਬੀ.ਐੱਸ.ਈ. (CBSE) ਨੇ ਸਾਰੇ ਸੰਬੰਧਿਤ ਸਕੂਲਾਂ ਵਿੱਚ ਵਿਦਿਆਰਥੀਆਂ ਲਈ ਮਾਨਸਿਕ ਸਿਹਤ ਅਤੇ ਕਰੀਅਰ ਮਾਰਗਦਰਸ਼ਨ ਸੁਨਿਸ਼ਚਿਤ ਕਰਨ ਲਈ ਇੱਕ ਨਵਾਂ ਨਿਯਮ ਲਾਗੂ ਕੀਤਾ ਹੈ। ਬੋਰਡ ਦੇ ਨਿਯਮ ਅਨੁਸਾਰ, ਹਰ 500 ਵਿਦਿਆਰਥੀਆਂ 'ਤੇ ਇੱਕ ਨਿਯਮਤ ਕਾਊਂਸਲਿੰਗ ਅਤੇ ਵੈਲਨੈੱਸ ਟੀਚਰ ਜਾਂ ਸੋਸ਼ਲ-ਇਮੋਸ਼ਨਲ ਕਾਊਂਸਲਰ ਰੱਖਣਾ ਜ਼ਰੂਰੀ ਹੋਵੇਗਾ। ਇਸ ਦੇ ਨਾਲ, ਜਮਾਤ 9ਵੀਂ ਤੋਂ 12ਵੀਂ ਤੱਕ ਦੇ ਵਿਦਿਆਰਥੀਆਂ ਲਈ ਕਰੀਅਰ ਕਾਊਂਸਲਰ ਦੀ ਨਿਯੁਕਤੀ ਲਾਜ਼ਮੀ ਹੋਵੇਗੀ।
ਕਾਊਂਸਲਰ ਮਨੋਵਿਗਿਆਨ ਜਾਂ ਸੋਸ਼ਲ ਵਰਕ ਵਿੱਚ ਡਿਗਰੀ ਅਤੇ CBSE ਤੋਂ ਮਾਨਤਾ ਪ੍ਰਾਪਤ 50 ਘੰਟਿਆਂ ਦੀ ਸਿਖਲਾਈ ਲਈ ਯੋਗ ਹੋਣੇ ਚਾਹੀਦੇ ਹਨ। ਉਹ ਵਿਦਿਆਰਥੀਆਂ ਅਤੇ ਮਾਪਿਆਂ ਨੂੰ ਸਲਾਹ ਦੇਣਗੇ, ਮਾਨਸਿਕ ਸਮੱਸਿਆਵਾਂ ਪਛਾਣਨਗੇ ਅਤੇ ਹੱਲ ਕਰਨ ਦਾ ਯਤਨ ਕਰਨਗੇ।
ਬੋਰਡ ਨੇ ਇਹ ਨਿਯਮ ਜੁਲਾਈ 2025 ਵਿੱਚ ਰਾਜਸਥਾਨ ਹਾਈ ਕੋਰਟ ਵਿਚ ਦਰਜ ਜਨਹਿਤ ਪਟੀਸ਼ਨ ਦੇ ਸਿਫਾਰਸ਼ੀ ਹੁਕਮ ਦੇ ਬਾਅਦ ਲਾਗੂ ਕੀਤਾ। ਪਟੀਸ਼ਨ ਵਿੱਚ ਵਿਦਿਆਰਥੀਆਂ 'ਤੇ ਪੜ੍ਹਾਈ ਦਾ ਬੋਝ, ਮਾਨਸਿਕ ਤਣਾਅ ਅਤੇ ਕਰੀਅਰ ਮਾਰਗਦਰਸ਼ਨ ਦੀ ਘਾਟ ਦੀ ਸ਼ਿਕਾਇਤ ਕੀਤੀ ਗਈ ਸੀ।

Cbse Issues New Instructions To Schools To Relieve Mental Stress