ਤਰਨਤਾਰਨ ਲਾਅ ਕਾਲਜ ਹੱਤਿਆ ਮਾਮਲੇ ਵਿੱਚ ਨਵੇਂ ਮੋੜ: ਵਾਇਰਲ ਹੋਈਆਂ 3 ਆਡੀਓ ਰਿਕਾਰਡਿੰਗਾਂ, ਰਾਜਵਿੰਦਰ ਨਾਮ ਸਾਹਮਣੇ

14/02/2026 | Public Times Bureau | Panjab

ਤਰਨਤਾਰਨ ਦੇ ਨਿੱਜੀ ਲਾਅ ਕਾਲਜ ਵਿੱਚ 9 ਫਰਵਰੀ ਨੂੰ ਵਾਪਰੀ ਹੱਤਿਆ ਅਤੇ ਖ਼ੁਦਕੁਸ਼ੀ ਘਟਨਾ ਦੇ ਮਾਮਲੇ ‘ਚ ਤਿੰਨ ਆਡੀਓ ਰਿਕਾਰਡਿੰਗਾਂ ਵਾਇਰਲ ਹੋਣ ਨਾਲ ਜਾਂਚ ਨਵੇਂ ਮੋੜ ‘ਤੇ ਆ ਗਈ ਹੈ। ਇੱਕ ਰਿਕਾਰਡਿੰਗ ਵਿੱਚ ਕਥਿਤ ਤੌਰ ‘ਤੇ ਅਫ਼ੀਮ ਅਤੇ ਭੁੱਕੀ ਦਾ ਜ਼ਿਕਰ ਹੋਣ ਨਾਲ ਪੁਲਿਸ ਨੇ ਜਾਂਚ ਦਾ ਦਾਇਰਾ ਵਧਾ ਦਿੱਤਾ ਹੈ। ਇਸ ਦੌਰਾਨ ਨਵਾਂ ਨਾਂ “ਰਾਜਵਿੰਦਰ” ਵੀ ਸਾਹਮਣੇ ਆਇਆ ਹੈ।
ਵਾਇਰਲ ਆਡੀਓ ਵਿੱਚ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਆਵਾਜ਼ ਮ੍ਰਿਤਕ ਵਿਦਿਆਰਥਣ ਸੰਦੀਪ ਕੌਰ ਦੀ ਹੈ, ਹਾਲਾਂਕਿ ਪਰਿਵਾਰ ਅਤੇ ਪੁਲਿਸ ਨੇ ਇਸ ਦੀ ਪੁਸ਼ਟੀ ਨਹੀਂ ਕੀਤੀ। ਪਹਿਲੀ ਰਿਕਾਰਡਿੰਗ ਵਿੱਚ ਲੜਕੀ ਕਹਿੰਦੀ ਸੁਣਾਈ ਦੇ ਰਹੀ ਹੈ ਕਿ “ਛੋਟੀਆਂ-ਮੋਟੀਆਂ ਧਮਕੀਆਂ ਤੋਂ ਡਰਦੇ ਨਹੀਂ… ਰਾਜਵਿੰਦਰ ਧਮਕੀ ਦੇ ਰਿਹਾ ਹੈ ਤਾਂ ਲਵੇ।” ਦੂਜੀ ਰਿਕਾਰਡਿੰਗ ਦਿਖਾਉਂਦੀ ਹੈ ਕਿ ਦੋਵਾਂ ਦਾ ਰਿਸ਼ਤਾ ਖ਼ਤਮ ਹੋ ਚੁੱਕਾ ਹੈ। ਤੀਜੀ ਰਿਕਾਰਡਿੰਗ ਸਭ ਤੋਂ ਵਿਵਾਦਤ ਹੈ, ਜਿਸ ਵਿੱਚ ਲੜਕੀ ਕਥਿਤ ਤੌਰ ‘ਤੇ ਭੁੱਕੀ ਅਤੇ ਅਫ਼ੀਮ ਘਰੋਂ ਲਿਆ ਕੇ ਦੇਣ ਦੀ ਗੱਲ ਕਰ ਰਹੀ ਹੈ।
ਘਟਨਾ 9 ਫਰਵਰੀ ਸਵੇਰੇ 9:30 ਵਜੇ ਵਾਪਰੀ। ਮੁਲਜ਼ਮ ਪ੍ਰਿੰਸਰਾਜ ਸਿੰਘ ਨੇ ਨੀਲੇ ਬੈਗ ਵਿੱਚ ਪਿਸਤੌਲ ਲੈ ਕੇ ਕਾਲਜ ਪਹੁੰਚਿਆ ਅਤੇ ਗੱਲਬਾਤ ਦੇ ਬਹਾਨੇ ਸੰਦੀਪ ਕੌਰ ਨੂੰ ਕਲਾਸਰੂਮ ਦੇ ਪਿੱਛੇ ਬੁਲਾਇਆ। ਕੁਝ ਸਕਿੰਟਾਂ ਦੀ ਗੱਲਬਾਤ ਤੋਂ ਬਾਅਦ ਉਸ ਨੇ ਬੈਗ ਤੋਂ ਪਿਸਤੌਲ ਕੱਢੀ ਅਤੇ ਸੰਦੀਪ ਦੇ ਸਿਰ ‘ਚ ਗੋਲੀ ਮਾਰੀ। ਪ੍ਰਿੰਸਰਾਜ ਨੇ ਖ਼ੁਦ ਨੂੰ ਵੀ ਗੋਲੀ ਮਾਰੀ; ਤਿੰਨ ਦਿਨਾਂ ਬਾਅਦ ਉਸ ਦੀ ਮੌਤ ਹੋ ਗਈ।
ਪੁਲਿਸ ਅਜੇ ਵੀ ਆਡੀਓ ਰਿਕਾਰਡਿੰਗਾਂ ਦੀ ਫੋਰੈਂਸਿਕ ਜਾਂਚ ਕਰ ਰਹੀ ਹੈ ਅਤੇ ਜਾਂਚ ਦੇ ਨਤੀਜੇ ਦੇ ਆਧਾਰ ‘ਤੇ ਹੀ ਅਗਲਾ ਕਦਮ ਚੁੱਕਿਆ ਜਾਵੇਗਾ।

New Twists In Tarn Taran Law College Murder Case 3 Audio Recordings Go Viral Rajwinder s Name Surfaced