ਵ੍ਹਾਈਟ ਹਾਊਸ ਡਿਨਰ 'ਚ ਗੋਲੀਬਾਰੀ ਕਰਨ ਵਾਲਾ ਕੋਲ ਐਲਨ ਗ੍ਰਿਫ਼ਤਾਰ, NASA ਦਾ ਰਿਸਰਚਰ ਅਤੇ ਇੰਜੀਨੀਅਰ ਨਿਕਲਿਆ ਹਮਲਾਵਰ

26/04/2026 | Public Times Bureau | Panjab

ਅਮਰੀਕਾ ਦੇ ਵ੍ਹਾਈਟ ਹਾਊਸ ਕਾਰਸਪੋਂਡੈਂਟਸ ਡਿਨਰ ਦੌਰਾਨ ਵਾਸ਼ਿੰਗਟਨ ਦੇ ਹੋਟਲ ਹਿਲਟਨ ਦੇ ਬਾਹਰ ਹੋਈ ਗੋਲੀਬਾਰੀ ਵਿੱਚ ਗ੍ਰਿਫ਼ਤਾਰ ਕੀਤੇ ਗਏ ਸ਼ੱਕੀ ਦੀ ਪਛਾਣ 31 ਸਾਲਾ ਕੋਲ ਥਾਮਸ ਐਲਨ ਵਜੋਂ ਹੋਈ ਹੈ, ਜੋ ਕੈਲੀਫੋਰਨੀਆ ਦਾ ਰਹਿਣ ਵਾਲਾ ਹੈ। ਐਲਨ NASA ਦੇ ਰਿਸਰਚ ਸਕਾਲਰ ਅਤੇ ਇੱਕ ਮਕੈਨੀਕਲ ਇੰਜੀਨੀਅਰ ਹੈ।
ਗੋਲੀਬਾਰੀ ਤੋਂ ਪਹਿਲਾਂ, ਐਲਨ ਨੂੰ ਇੱਕ ਸੁਰੱਖਿਆ ਚੈੱਕ ਪੋਸਟ 'ਤੇ ਰੋਕ ਲਿਆ ਗਿਆ ਸੀ, ਜਿੱਥੇ ਰਾਸ਼ਟਰਪਤੀ ਸਮੇਤ 2,500 ਮਹਿਮਾਨ ਮੌਜੂਦ ਸਨ। ਉਸ ਤੋਂ ਬਾਅਦ, ਅਮਰੀਕੀ ਸੀਕਰੇਟ ਸਰਵਿਸ ਅਤੇ ਸਥਾਨਕ ਪੁਲਿਸ ਨੇ ਤੁਰੰਤ ਕਾਰਵਾਈ ਕਰਕੇ ਉਸਨੂੰ ਗ੍ਰਿਫ਼ਤਾਰ ਕਰ ਲਿਆ।
ਐਲਨ ਕੈਲੀਫੋਰਨੀਆ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ (Caltech) ਤੋਂ ਮਕੈਨੀਕਲ ਇੰਜੀਨੀਅਰਿੰਗ ਵਿੱਚ ਗ੍ਰੈਜੂਏਟ ਹੈ ਅਤੇ ਕੰਪਿਊਟਰ ਸਾਇੰਸ ਵਿੱਚ ਮਾਸਟਰ ਦੀ ਡਿਗਰੀ ਪ੍ਰਾਪਤ ਕੀਤੀ ਹੈ। 2014 ਵਿੱਚ ਉਸ ਨੇ NASA ਦੀ ਜੈੱਟ ਪ੍ਰੋਪਲਸ਼ਨ ਲਾਇਬ੍ਰੇਰੀ ਵਿੱਚ ਸਮਰ ਅੰਡਰ ਗ੍ਰੈਜੂਏਟ ਰਿਸਰਚ ਸਕਾਲਰਸ਼ਿਪ ਲਈ ਹਿੱਸਾ ਲਿਆ।
ਗੇਮ ਡਿਵੈਲਪਰ ਵਜੋਂ ਵੀ ਉਹ ਜਾਣਿਆ ਜਾਂਦਾ ਹੈ, ਜਿਸ ਨੇ 'Bohrdom' ਅਤੇ 'First Law' ਵਰਗੀਆਂ ਗੇਮਾਂ ਬਣਾਈਆਂ ਹਨ। 2024 ਵਿੱਚ ਉਸ ਨੇ ਕਮਲਾ ਹੈਰਿਸ ਨੂੰ ਚੰਦਾ ਦਿੱਤਾ ਅਤੇ ਲਾਸ ਏਂਜਲਸ ਕਾਉਂਟੀ ਵਿੱਚ 'ਟੀਚਰ ਆਫ ਦਾ ਮੰਥ' ਵੀ ਚੁਣਿਆ ਗਿਆ ਸੀ।
FBI ਦੇ ਡਾਇਰੈਕਟਰ ਕਾਸ਼ ਪਟੇਲ ਨੇ ਦੱਸਿਆ ਕਿ ਏਜੰਸੀ ਐਲਨ ਦੇ ਪਿਛੋਕੜ ਦੀ ਡੂੰਘਾਈ ਨਾਲ ਜਾਂਚ ਕਰ ਰਹੀ ਹੈ ਅਤੇ ਹਮਲੇ ਦੇ ਮਕਸਦ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਐਲਨ 'ਤੇ 'ਹਿੰਸਕ ਅਪਰਾਧ ਦੌਰਾਨ ਹਥਿਆਰ ਦੀ ਵਰਤੋਂ ਕਰਨ' ਅਤੇ 'ਖ਼ਤਰਨਾਕ ਹਥਿਆਰ ਨਾਲ ਸੰਘੀ ਅਧਿਕਾਰੀ 'ਤੇ ਹਮਲਾ ਕਰਨ' ਦੇ ਦੋਸ਼ ਲਗਾਏ ਜਾ ਰਹੇ ਹਨ, ਅਤੇ ਉਸਨੂੰ ਸੋਮਵਾਰ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ।

Cole Allen Who Shot At White House Dinner Arrested Nasa Researcher And Engineer Turns Out To Be The Attacker