ਰੇਲ ਗਾਰਡ ਦੀ ਸ਼ਰਮਨਾਕ ਕਰਤੂਤ: ਬੁਕਿੰਗ ਦੇ ਬਾਵਜੂਦ ਪਾਲਤੂ ਕੁੱਤੇ ਨੂੰ ਚਲਦੀ ਟ੍ਰੇਨ 'ਚੋਂ ਸੁੱਟਿਆ ਬਾਹਰ

09/05/2026 | Public Times Bureau | Panjab

ਲੁਧਿਆਣਾ ਤੋਂ ਜਬਲਪੁਰ ਜਾ ਰਹੀ ਜਬਲਪੁਰ ਐਕਸਪ੍ਰੈਸ ਵਿੱਚ ਇਕ ਹੇਰਾਨ ਕਰਨ ਵਾਲੀ ਘਟਨਾ ਵਾਪਰੀ। ਰੇਲ ਗਾਰਡ ਨੇ ਬੁਕਿੰਗ ਮੌਜੂਦ ਹੋਣ ਦੇ ਬਾਵਜੂਦ ਪਾਲਤੂ ਲੇਬਰੇਡੋਰ ਨਸਲ ਦੇ ਕੁੱਤੇ ਨੂੰ ਚਲਦੀ ਟ੍ਰੇਨ ਦੇ ਪਲੇਟਫਾਰਮ ਤੋਂ ਬਾਹਰ ਸੁੱਟ ਦਿੱਤਾ। ਇਸ ਘਟਨਾ ਦਾ ਪਤਾ ਟਰਾਂਸਪੋਰਟ ਕੰਪਨੀ ਦੇ ਮੁਲਾਜ਼ਮ ਨੂੰ ਲੱਗਿਆ ਤਾਂ ਉਸਨੇ ਖਤਰਨਾਕ ਤਰੀਕੇ ਨਾਲ ਖੁਦ ਟ੍ਰੇਨ ਤੋਂ ਛਲਾਂਗ ਮਾਰ ਕੇ ਕੁੱਤੇ ਦੀ ਜਾਨ ਬਚਾਈ। ਟ੍ਰਾਂਸਪੋਰਟ ਕੰਪਨੀ ਦੇ ਮੁਲਾਜ਼ਮ ਸੰਜੇ ਕੁਮਾਰ ਮੁਤਾਬਕ, ਮੋਗਾ ਰਹਿਣ ਵਾਲੀ ਐੱਨ.ਆਰ.ਆਈ. ਔਰਤ ਹਰਪ੍ਰੀਤ ਕੌਰ ਨੇ ਆਪਣੇ ਪਾਲਤੂ ਕੁੱਤੇ ਨੂੰ ਬੇਟੀ ਦੇ ਸਹੁਰੇ ਘਰ ਜਬਲਪੁਰ ਭੇਜਣ ਲਈ ਭੁਗਤਾਨ ਕੀਤਾ ਸੀ। ਕੁੱਤੇ ਦੀ ਮੈਡੀਕਲ ਜਾਂਚ ਕਰਵਾਈ ਗਈ ਅਤੇ ਬਿਲਟੀ ਤਿਆਰ ਕੀਤੀ ਗਈ। 240 ਰੁਪਏ ਕਿਰਾਇਆ ਵੀ ਭਰਿਆ ਗਿਆ ਸੀ।

ਇਸ ਘਟਨਾ ਬਾਵਜੂਦ, ਜਿਸ ਰੇਲ ਗਾਰਡ ਨੇ ਕੁੱਤੇ ਨੂੰ ਚਲਦੀ ਟ੍ਰੇਨ ਵਿੱਚੋਂ ਸੁੱਟਿਆ, ਉਸ ਖਿਲਾਫ਼ ਕੋਈ ਕਾਰਵਾਈ ਨਹੀਂ ਕੀਤੀ ਗਈ। ਮੁਲਾਜ਼ਮਾਂ ਅਤੇ ਲੋਕਾਂ ਨੇ ਇਸ ਘਟਨਾ ਨੂੰ ਗੰਭੀਰ ਮੰਨਿਆ ਅਤੇ ਕਿਹਾ ਕਿ ਪਾਲਤੂ ਜਾਨਵਰਾਂ ਦੀ ਰੇਲ ਰਾਹੀਂ ਸੁਰੱਖਿਅਤ ਆਵਾਜਾਈ ਲਈ ਰੇਲਵੇ ਅਤੇ ਸੰਬੰਧਿਤ ਅਧਿਕਾਰੀਆਂ ਨੂੰ ਤੁਰੰਤ ਕਾਰਵਾਈ ਕਰਨ ਦੀ ਜ਼ਰੂਰਤ ਹੈ ਖਬਰਕਾਰਾਂ ਅਤੇ ਜਾਨਵਰਾਂ ਦੇ ਹੱਕ ਵਿੱਚ ਕੰਮ ਕਰਨ ਵਾਲੇ ਲੋਕਾਂ ਨੇ ਇਸ ਮਾਮਲੇ ਨੂੰ ਲੋਕਾਂ ਤੱਕ ਪਹੁੰਚਾਉਣ ਦੀ ਕੋਸ਼ਿਸ਼ ਕੀਤੀ ਹੈ, ਤਾਂ ਜੋ ਦੁਬਾਰਾ ਇਸ ਤਰ੍ਹਾਂ ਦੀ ਘਟਨਾ ਨਾ ਵਾਪਰੇ।

Shameful Act Of Rail Guard Pet Dog Thrown Out Of Moving Train Despite Booking