ਲੁਧਿਆਣਾ ‘ਚ ਤੇਜ਼ ਰਫ਼ਤਾਰ ਫਾਰਚੂਨਰ ਨੇ ਮਚਾਈ ਹਾਹਾਕਾਰ, ਸੜਕ ’ਤੇ ਖੜ੍ਹੇ ਰਾਹਗੀਰ ਵੱਲ-ਵੱਲ ਬਚੇ

23/05/2026 | Public Times Bureau | Panjab

ਲੁਧਿਆਣਾ ਦੇ ਪ੍ਰੀਤ ਪੈਲੇਸ ਨੇੜੇ ਸ਼ੁੱਕਰਵਾਰ ਦੁਪਹਿਰ ਇੱਕ ਭਿਆਨਕ ਸੜਕ ਹਾਦਸਾ ਵਾਪਰਿਆ, ਜਿਸ ਵਿੱਚ ਇੱਕ ਤੇਜ਼ ਰਫ਼ਤਾਰ ਫਾਰਚੂਨਰ ਐੱਸਯੂਵੀ ਨਾਲ ਕਈ ਵਾਹਨਾਂ ਨੂੰ ਟੱਕਰ ਮਾਰਦਾ ਹੋਇਆ ਸੜਕ ਕਿਨਾਰੇ ਖੜ੍ਹੀਆਂ ਗੱਡੀਆਂ ਵਿੱਚ ਚਲਾ ਗਿਆ। ਘਟਨਾ ਕਰੀਬ 3:15 ਵਜੇ ਵਾਪਰੀ। ਜਾਣਕਾਰੀ ਮੁਤਾਬਕ, ਐੱਸਯੂਵੀ ਬਹੁਤ ਤੇਜ਼ ਗਤੀ ਨਾਲ ਆ ਰਹੀ ਸੀ, ਜਿਸ ਕਾਰਨ ਡਰਾਈਵਰ ਦਾ ਸੰਤੁਲਨ ਖਰਾਬ ਹੋ ਗਿਆ। ਪਹਿਲਾਂ ਇਹ ਵਾਹਨ ਰੌਂਗ ਸਾਈਡ ਤੋਂ ਆ ਰਹੀ ਡੱਸਟਰ ਕਾਰ ਨਾਲ ਟੱਕਰਾਈ, ਅਤੇ ਟੱਕਰ ਇੰਨੀ ਜ਼ਬਰਦਸਤ ਸੀ ਕਿ ਫਾਰਚੂਨਰ ਸੜਕ ਕਿਨਾਰੇ ਖੜ੍ਹੀ ਨੀਲੀ ਬਲੀਨੋ ਅਤੇ ਇੱਕ ਬਰੀਜ਼ਾ ਵਿੱਚ ਜਾ ਵੱਜੀ।

ਘਟਨਾ ਵੇਲੇ ਮੌਕੇ ’ਤੇ ਖੜ੍ਹੇ ਇੱਕ ਵਿਅਕਤੀ ਕੁਝ ਇੰਚਾਂ ਦੀ ਦੂਰੀ ਨਾਲ ਗੱਡੀ ਦੀ ਚਪੇਟ ਤੋਂ ਬਚਿਆ। ਸੀਸੀਟੀਵੀ ਫੁਟੇਜ ਵਿੱਚ ਸਪਸ਼ਟ ਦਿੱਖ ਰਿਹਾ ਹੈ ਕਿ ਜੇਕਰ ਐੱਸਯੂਵੀ ਦੀ ਦਿਸ਼ਾ ਥੋੜ੍ਹੀ ਜਿਹੀ ਵੀ ਉਸ ਵੱਲ ਹੋ ਜਾਂਦੀ, ਤਾਂ ਹਾਦਸਾ ਹੋਰ ਵੀ ਭਿਆਨਕ ਹੋ ਸਕਦਾ ਸੀ। ਘਟਨਾ ਤੋਂ ਬਾਅਦ ਇਲਾਕੇ ਵਿੱਚ ਹਫੜਾ-ਦਫੜੀ ਮਚ ਗਈ ਅਤੇ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ। ਸੂਚਨਾ ਮਿਲਦੇ ਹੀ ਪੁਲਿਸ ਟੀਮ ਮੌਕੇ ’ਤੇ ਪਹੁੰਚੀ ਅਤੇ ਨੁਕਸਾਨੀ ਗੱਡੀਆਂ ਨੂੰ ਹਟਾ ਕੇ ਸੜਕ ’ਤੇ ਟ੍ਰੈਫਿਕ ਬਹਾਲ ਕਰਵਾਇਆ। ਪੁਲਿਸ ਨੇ ਘਟਨਾ ਦੀ ਜਾਂਚ ਲਈ ਸੀਸੀਟੀਵੀ ਫੁਟੇਜ ਆਪਣੇ ਕਬਜ਼ੇ ਵਿੱਚ ਲੈ ਲਿਆ ਹੈ। ਪੁਲਿਸ ਇਸ ਸਮੇਂ ਹਾਦਸੇ ਦੀ ਵਜ੍ਹਾ ਦੀ ਪੁਸ਼ਟੀ ਕਰ ਰਹੀ ਹੈ ਕਿ ਕੀ ਇਹ ਤੇਜ਼ ਰਫ਼ਤਾਰ ਕਾਰਨ ਵਾਪਰਿਆ ਜਾਂ ਡਰਾਈਵਰ ਦੀ ਲਾਪ੍ਰਵਾਹੀ ਇਸਦਾ ਕਾਰਣ ਸੀ।

A speeding fortuner created a commotion in ludhiana pedestrians standing on the road were run over