ਮੋਦੀ 'ਤੇ ਟਿੱਪਣੀ ਮਾਮਲਾ: ਰੁਚਿਕਾ ਸਿੰਘ ਦਾ ਨਵਾਂ ਵੀਡੀਓ ਵਾਇਰਲ, ਦੇਸ਼ ਤੋਂ ਮੰਗੀ ਮੁਆਫ਼ੀ

01/08/2026 | Public Times Bureau | Panjab

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਬਾਰੇ ਇਤਰਾਜ਼ਯੋਗ ਟਿੱਪਣੀ ਦੇ ਵਿਵਾਦ ਵਿੱਚ ਘਿਰੀ ਰੁਚਿਕਾ ਸਿੰਘ ਦਾ ਇੱਕ ਨਵਾਂ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਉਹ ਆਪਣੇ ਬਿਆਨ ਲਈ ਹੱਥ ਜੋੜ ਕੇ ਪੂਰੇ ਦੇਸ਼ ਤੋਂ ਮੁਆਫ਼ੀ ਮੰਗਦੀ ਨਜ਼ਰ ਆ ਰਹੀ ਹੈ।
ਵੀਡੀਓ ਵਿੱਚ ਰੁਚਿਕਾ ਆਪਣੇ ਆਪ ਨੂੰ 15 ਸਾਲ ਦੀ ਦੱਸਦਿਆਂ ਕਹਿੰਦੀ ਹੈ ਕਿ ਉਸ ਤੋਂ ਵੱਡੀ ਗ਼ਲਤੀ ਹੋਈ ਹੈ ਅਤੇ ਉਹ ਇਸ ਲਈ ਸ਼ਰਮਿੰਦਾ ਹੈ। ਉਸ ਨੇ ਇਸ ਨੂੰ ਆਪਣੀ "ਪਹਿਲੀ ਅਤੇ ਆਖ਼ਰੀ ਗ਼ਲਤੀ" ਕਰਾਰ ਦਿੰਦਿਆਂ ਲੋਕਾਂ ਤੋਂ ਮੁਆਫ਼ ਕਰਨ ਦੀ ਅਪੀਲ ਕੀਤੀ ਹੈ। ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।
ਇਸ ਮਾਮਲੇ ਵਿੱਚ ਸੁਪਰੀਮ ਕੋਰਟ ਦੀ ਵਕੀਲ ਸ੍ਰਿਪਤੀ ਸਿੰਘ ਦੀ ਸ਼ਿਕਾਇਤ 'ਤੇ ਨੋਇਡਾ ਪੁਲਿਸ ਨੇ ਰੁਚਿਕਾ ਸਿੰਘ ਖ਼ਿਲਾਫ਼ ਕਈ ਧਾਰਾਵਾਂ ਤਹਿਤ ਐੱਫਆਈਆਰ ਦਰਜ ਕੀਤੀ ਸੀ। ਐੱਫਆਈਆਰ ਵਿੱਚ ਉਸ ਦੀ ਉਮਰ 25 ਸਾਲ ਦਰਜ ਕੀਤੀ ਗਈ ਹੈ, ਜਦਕਿ ਵਾਇਰਲ ਵੀਡੀਓ ਵਿੱਚ ਉਹ ਆਪਣੇ ਆਪ ਨੂੰ 15 ਸਾਲ ਦੀ ਦੱਸ ਰਹੀ ਹੈ।
ਇਸ ਦੌਰਾਨ ਨੋਇਡਾ ਦੇ ਇੱਕ ਸੈਲੂਨ ਦੇ ਸੰਚਾਲਕ ਨੇ ਦਾਅਵਾ ਕੀਤਾ ਹੈ ਕਿ ਰੁਚਿਕਾ ਨੇ ਕੁਝ ਸਮਾਂ ਪਹਿਲਾਂ ਉੱਥੇ ਨੇਲ ਆਰਟ ਦੀ ਟਰੇਨਿੰਗ ਲਈ ਦਾਖ਼ਲਾ ਲਿਆ ਸੀ ਅਤੇ ਆਪਣਾ ਨਾਮ "ਮੈਨਸਿਲ ਜੈਨ" ਦੱਸਿਆ ਸੀ। ਸੈਲੂਨ ਸੰਚਾਲਕ ਮੁਤਾਬਕ, ਪਛਾਣ ਪੱਤਰ ਨਾ ਦੇਣ ਅਤੇ ਵਾਰ-ਵਾਰ ਬਹਾਨੇ ਬਣਾਉਣ ਕਾਰਨ ਉਹ ਨੌਂ ਦਿਨਾਂ ਬਾਅਦ ਟਰੇਨਿੰਗ ਛੱਡ ਕੇ ਚਲੀ ਗਈ।

Case Regarding Remarks On Modi Ruchika Singh s New Video Goes Viral She Apologizes To The Nation