‘ਆਵਾਰਾਪਨ 2’ ਦੀ ਧਮਾਕੇਦਾਰ ਓਪਨਿੰਗ, ਪਹਿਲੇ ਦਿਨ 20.71 ਕਰੋੜ ਦੀ ਕਮਾਈ

15/08/2026 | Public Times Bureau | Panjab

ਇਮਰਾਨ ਹਾਸ਼ਮੀ ਦੀ ਫ਼ਿਲਮ ‘ਆਵਾਰਾਪਨ 2’ ਨੇ ਬਾਕਸ ਆਫਿਸ ’ਤੇ ਜ਼ਬਰਦਸਤ ਸ਼ੁਰੂਆਤ ਕੀਤੀ ਹੈ। ਸੈਕਨਿਲਕ ਦੇ ਅੰਕੜਿਆਂ ਮੁਤਾਬਕ ਫ਼ਿਲਮ ਨੇ ਪਹਿਲੇ ਦਿਨ 20.71 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਫ਼ਿਲਮ ਦੇ 7,180 ਸ਼ੋਅ ਚਲਾਏ ਜਾ ਰਹੇ ਹਨ ਅਤੇ ਸ਼ਾਮ ਤੇ ਰਾਤ ਦੇ ਸ਼ੋਅ ਤੋਂ ਕਲੈਕਸ਼ਨ ਵਿੱਚ ਹੋਰ ਵਾਧੇ ਦੀ ਉਮੀਦ ਹੈ।

‘ਆਵਾਰਾਪਨ 2’ ਦੀ ਐਡਵਾਂਸ ਬੁਕਿੰਗ ਨੂੰ ਵੀ ਦਰਸ਼ਕਾਂ ਵੱਲੋਂ ਚੰਗਾ ਹੁੰਗਾਰਾ ਮਿਲਿਆ ਸੀ। ਫ਼ਿਲਮ ਨੇ ਐਡਵਾਂਸ ਬੁਕਿੰਗ ਕਲੈਕਸ਼ਨ ਵਿੱਚ ਹੀ 2007 ਵਿੱਚ ਰਿਲੀਜ਼ ਹੋਈ ਅਸਲ ‘ਆਵਾਰਾਪਨ’ ਦੇ ਲਾਈਫਟਾਈਮ ਕਲੈਕਸ਼ਨ ਨੂੰ ਪਿੱਛੇ ਛੱਡ ਦਿੱਤਾ ਸੀ। ਫ਼ਿਲਮ ਦਾ ਗ੍ਰਾਸ ਇੰਡੀਆ ਕਲੈਕਸ਼ਨ 24.44 ਕਰੋੜ ਰੁਪਏ ਦੱਸਿਆ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ‘ਆਵਾਰਾਪਨ 2’ ਨੇ ਸਨੀ ਦਿਓਲ ਦੀ ‘ਬਟਵਾਰਾ 1947’ ਨੂੰ ਵੀ ਬਾਕਸ ਆਫਿਸ ’ਤੇ ਪਿੱਛੇ ਛੱਡ ਦਿੱਤਾ ਹੈ। ‘ਬਟਵਾਰਾ 1947’ ਹੁਣ ਤੱਕ 4.66 ਕਰੋੜ ਰੁਪਏ ਦੀ ਕਮਾਈ ਕਰ ਸਕੀ ਹੈ।

‘ਆਵਾਰਾਪਨ 2’ ਸਾਲ 2007 ਦੀ ਫ਼ਿਲਮ ‘ਆਵਾਰਾਪਨ’ ਦਾ ਸੀਕਵਲ ਹੈ। ਨਿਤਿਨ ਕੱਕੜ ਦੇ ਨਿਰਦੇਸ਼ਨ ਹੇਠ ਬਣੀ ਇਸ ਫ਼ਿਲਮ ਵਿੱਚ ਇਮਰਾਨ ਹਾਸ਼ਮੀ ਸ਼ਿਵਮ ਪੰਡਿਤ ਦੇ ਕਿਰਦਾਰ ਵਿੱਚ ਨਜ਼ਰ ਆ ਰਹੇ ਹਨ। ਦਿਸ਼ਾ ਪਾਟਨੀ ਤੋਂ ਇਲਾਵਾ ਸ਼੍ਰੀਆ ਪਿਲਗਾਂਵਕਰ, ਚੰਦਨ ਰਾਏ ਸਾਨਿਆਲ, ਮੁਕੇਸ਼ ਤਿਵਾਰੀ ਅਤੇ ਸਿਧਾਂਤ ਕਪੂਰ ਵੀ ਅਹਿਮ ਭੂਮਿਕਾਵਾਂ ਵਿੱਚ ਹਨ।

awarapan 2 Off To A Smashing Start Earns 20 71 Crore On Day One