ਸ਼ਰਾਬ ਪੀ ਕੇ ਡਰਾਈਵਿੰਗ ਮਾਮਲੇ ’ਚ ਡੇਵਿਡ ਵਾਰਨਰ ਨੂੰ $1,500 ਜੁਰਮਾਨਾ

19/08/2026 | Public Times Bureau | Panjab

ਆਸਟ੍ਰੇਲੀਆ ਦੇ ਸਾਬਕਾ ਕ੍ਰਿਕਟਰ ਡੇਵਿਡ ਵਾਰਨਰ ਨੂੰ ਸ਼ਰਾਬ ਪੀ ਕੇ ਗੱਡੀ ਚਲਾਉਣ ਦੇ ਮਾਮਲੇ ਵਿੱਚ ਸਿਡਨੀ ਦੀ ਵੇਵਰਲੀ ਲੋਕਲ ਕੋਰਟ ਨੇ $1,500 ਦਾ ਜੁਰਮਾਨਾ ਲਗਾਇਆ ਹੈ। ਵਾਰਨਰ ਨੇ ਪਹਿਲਾਂ ਹੀ ਆਪਣਾ ਦੋਸ਼ ਕਬੂਲ ਕਰ ਲਿਆ ਸੀ। ਮਾਮਲਾ 5 ਅਪ੍ਰੈਲ 2026 ਦਾ ਹੈ। ਪੁਲਿਸ ਮੁਤਾਬਕ ਵਾਰਨਰ ਦੇ ਖੂਨ ਵਿੱਚ ਸ਼ਰਾਬ ਦੀ ਮਾਤਰਾ 0.104 ਦਰਜ ਕੀਤੀ ਗਈ ਸੀ, ਜਦਕਿ ਨਿਊ ਸਾਊਥ ਵੇਲਜ਼ ਵਿੱਚ ਆਮ ਡਰਾਈਵਰਾਂ ਲਈ ਕਾਨੂੰਨੀ ਹੱਦ 0.05 ਹੈ। ਘਟਨਾ ਸਮੇਂ ਉਸ ਦੇ ਪਰਿਵਾਰ ਦੇ ਬੱਚੇ ਵੀ ਗੱਡੀ ਵਿੱਚ ਮੌਜੂਦ ਸਨ। ਵਾਰਨਰ ਦੇ ਵਕੀਲ ਨੇ ਦੱਸਿਆ ਕਿ ਉਹ ਆਪਣੀ ਗਲਤੀ ’ਤੇ ਪਛਤਾ ਰਹੇ ਹਨ ਅਤੇ ਸੜਕ ਸੁਰੱਖਿਆ ਨਾਲ ਸਬੰਧਤ ਪ੍ਰੋਗਰਾਮ ਵੀ ਪੂਰਾ ਕਰ ਚੁੱਕੇ ਹਨ। ਹਾਲਾਂਕਿ, ਜੱਜ ਕਲੇਅਰ ਫਾਰਨਨ ਨੇ ਕਿਹਾ ਕਿ ਸ਼ਰਾਬ ਪੀ ਕੇ ਡਰਾਈਵਿੰਗ ਸਮਾਜ ਲਈ ਗੰਭੀਰ ਖ਼ਤਰਾ ਹੈ। ਅਦਾਲਤ ਨੇ ਵਾਰਨਰ ਦੀ ਗੱਡੀ ਵਿੱਚ 12 ਮਹੀਨਿਆਂ ਲਈ ਅਲਕੋਹਲ ਇੰਟਰਲਾਕ ਡਿਵਾਈਸ ਲਗਾਉਣ ਦਾ ਵੀ ਹੁਕਮ ਦਿੱਤਾ ਹੈ।

David Warner Fined 1 500 For Drunk Driving