ਪਲਾਸਟਿਕ ਨਾਲੋਂ ਜ਼ਿਆਦਾ ਮਾਈਕ੍ਰੋਪਲਾਸਟਿਕਸ ਛੱਡਦੀਆਂ ਹਨ ਕੱਚ ਦੀਆਂ ਬੋਤਲਾਂ ! ਸਟੱਡੀ 'ਚ ਆਇਆ ਸਾਹਮਣੇ

23/06/2025 | Public Times Bureau | National

ਆਮ ਤੋਰ ਤੇ ਇਹ ਗੱਲ ਕਹਿ ਜਾਂਦੀ ਸੀ ਕਿ ਪਲਾਸਟਿਕ ਦੀ ਬੋਤਲ ਤੋਂ ਵੱਧ ਕੱਚ ਦੀਆਂ ਬੋਤਲਾਂ ਸਭ ਤੋਂ ਵਧੀਆ ਹਨ ਅਸੀਂ ਉਨ੍ਹਾਂ ਨੂੰ ਵਾਤਾਵਰਣ ਅਨੁਕੂਲ, ਸਿਹਤ ਲਈ ਬਿਹਤਰ ਸਮਝਦੇ ਸੀ ਅਤੇ ਉਨ੍ਹਾਂ ਨੂੰ ਆਪਣੀ ਰਸੋਈ ਵਿੱਚ ਵੀ ਜਗ੍ਹਾ ਦਿੰਦੇ ਸੀ, ਪਰ ਹਾਲ ਹੀ ਵਿੱਚ, ਫਰਾਂਸ ਦੀ ਫੂਡ ਸੇਫਟੀ ਏਜੰਸੀ ANSES ਦੁਆਰਾ ਕੀਤੀ ਗਈ ਇੱਕ ਨਵੀਂ ਖੋਜ ਨੇ ਸਾਡੇ ਵਿਸ਼ਵਾਸ ਤੋੜ ਦਿੱਤਾ ਹੈ। ਅਜਿਹਾ ਹੈਰਾਨ ਕਰਨ ਵਾਲਾ ਸੱਚ ਸਾਹਮਣੇ ਲਿਆਉਂਦਾ ਹੈ, ਜਿਸਨੂੰ ਪੜ੍ਹਨ ਤੋਂ ਬਾਅਦ ਕੱਚ ਦੀ ਬੋਤਲ ਸੁੱਟਣ ਲਈ ਮਜਬੂਰ ਹੋ ਸਕਦੇ ਹੋ। ਅਧਿਐਨ ਦਰਸਾਉਂਦਾ ਹੈ ਕਿ ਤੁਹਾਡੀਆਂ ਮਨਪਸੰਦ ਕੱਚ ਦੀਆਂ ਬੋਤਲਾਂ ਪਲਾਸਟਿਕ ਨਾਲੋਂ ਮਾਈਕ੍ਰੋਪਲਾਸਟਿਕ ਕਣਾਂ ਨਾਲ ਜ਼ਿਆਦਾ ਦੂਸ਼ਿਤ ਹੋ ਸਕਦੀਆਂ ਹਨ। =

ਜਦੋਂ ਵਿਗਿਆਨੀਆਂ ਨੇ ਆਪਣੇ ਸ਼ੁਰੂਆਤੀ ਨਤੀਜੇ ਦੇਖੇ ਤਾਂ ਉਨ੍ਹਾਂ ਨੂੰ ਵੀ ਵਿਸ਼ਵਾਸ ਨਹੀਂ ਹੋਇਆ। ਉਨ੍ਹਾਂ ਨੂੰ ਉਮੀਦ ਸੀ ਕਿ ਕੱਚ ਦੀਆਂ ਬੋਤਲਾਂ ਪਲਾਸਟਿਕ ਨਾਲੋਂ ਸਾਫ਼ ਹੋਣਗੀਆਂ, ਪਰ ਹੋਇਆ ਬਿਲਕੁਲ ਉਲਟ! ਇਸ ਅਧਿਐਨ ਵਿੱਚ ਪਾਇਆ ਗਿਆ ਕਿ ਕੋਲਡ ਡਰਿੰਕਸ, ਨਿੰਬੂ ਪਾਣੀ, ਆਈਸ ਟੀ ਅਤੇ ਬੀਅਰ ਵਰਗੀਆਂ ਚੀਜ਼ਾਂ ਦੀਆਂ ਕੱਚ ਦੀਆਂ ਬੋਤਲਾਂ ਵਿੱਚ ਪ੍ਰਤੀ ਲੀਟਰ ਔਸਤਨ 100 ਮਾਈਕ੍ਰੋਪਲਾਸਟਿਕ ਕਣ ਪਾਏ ਗਏ। ਇਹ ਗਿਣਤੀ ਪਲਾਸਟਿਕ ਜਾਂ ਧਾਤ ਦੇ ਡੱਬਿਆਂ ਵਿੱਚ ਪਾਏ ਜਾਣ ਵਾਲੇ ਕਣਾਂ ਨਾਲੋਂ 50 ਗੁਣਾ ਜ਼ਿਆਦਾ ਸੀ।

ANSES ਦੇ ਖੋਜ ਨਿਰਦੇਸ਼ਕ ਗੁਇਲਾਉਮ ਡੁਫਲੋਸ ਕਹਿੰਦੇ ਹਨ ਕਿ ਇਹ ਅਜੇ ਸਪੱਸ਼ਟ ਨਹੀਂ ਹੈ ਕਿ ਅਜਿਹਾ ਕਿਉਂ ਹੁੰਦਾ ਹੈ, ਪਰ ਉਨ੍ਹਾਂ ਨੇ ਇੱਕ ਸੰਭਾਵੀ ਹੱਲ ਵੀ ਸੁਝਾਇਆ ਹੈ। ਖੋਜ ਨੇ ਦਿਖਾਇਆ ਹੈ ਕਿ ਢੱਕਣਾਂ ਨੂੰ ਚੰਗੀ ਤਰ੍ਹਾਂ ਧੋ ਕੇ ਅਤੇ ਈਥਾਨੌਲ-ਪਾਣੀ ਦੇ ਘੋਲ ਨਾਲ ਸਾਫ਼ ਕਰਕੇ ਉਨ੍ਹਾਂ ਵਿੱਚ ਮਾਈਕ੍ਰੋਪਲਾਸਟਿਕਸ ਕਣਾਂ ਦੀ ਗਿਣਤੀ ਨੂੰ ਕਾਫ਼ੀ ਘੱਟ ਕੀਤਾ ਜਾ ਸਕਦਾ ਹੈ।

Glass Bottles Release More Microplastics Than Plastic Study Reveals