ਫਰਾਂਸ 'ਚ ਵਧੀ ਹਿੰਸਾ, ਪੁਲਿਸ ਸਟੇਸ਼ਨ ਤੇ ਕਈ ਇਮਾਰਤਾਂ ਨੂੰ ਲਗਾਈ ਅੱਗ; 9 ਲੋਕਾਂ ਦੀ ਮੌਤ

24/06/2024 | | France

ਫਰਾਂਸ ਦੇ ਨਿਊ ਕੈਲੇਡੋਨੀਆ 'ਚ ਇਸ ਸਮੇਂ ਅਸ਼ਾਂਤੀ ਦਾ ਮਾਹੌਲ ਹੈ। ਨਿਊ ਕੈਲੇਡੋਨੀਆ ਟਾਪੂ 'ਤੇ ਬੀਤੀ ਰਾਤ ਪੁਲਿਸ ਸਟੇਸ਼ਨ ਅਤੇ ਟਾਊਨ ਹਾਲ ਸਮੇਤ ਕਈ ਇਮਾਰਤਾਂ ਨੂੰ ਅੱਗ ਲੱਗ ਗਈ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਹਾਦਸੇ 'ਚ ਹੁਣ ਤੱਕ 9 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਨਾਲ ਹੀ ਅੱਗਜ਼ਨੀ ਵੀ ਹੋਈ ਹੈ ਅਤੇ ਸੜਕਾਂ ਜਾਮ ਕਰ ਦਿੱਤੀਆਂ ਗਈਆਂ ਹਨ। ਪੁਲਿਸ ਨੂੰ ਵੀ ਨਿਸ਼ਾਨਾ ਬਣਾਇਆ ਗਿਆ ਹੈ।ਜ਼ਿਕਰਯੋਗ ਹੈ ਕਿ ਨਿਊ ਕੈਲੇਡੋਨੀਆ ਵਿੱਚ ਮਈ ਦੇ ਅੱਧ ਵਿੱਚ ਚੋਣ ਸੁਧਾਰ ਯੋਜਨਾ ਨੂੰ ਲੈ ਕੇ ਦੰਗੇ ਅਤੇ ਲੁੱਟਮਾਰ ਸ਼ੁਰੂ ਹੋ ਗਈ ਸੀ। ਇਸ ਨਵੀਂ ਯੋਜਨਾ ਨਾਲ ਸਥਾਨਕ ਕਨਕ ਲੋਕਾਂ ਨੂੰ ਡਰ ਸੀ ਕਿ ਉਹ ਸਥਾਈ ਘੱਟਗਿਣਤੀ ਬਣ ਜਾਣਗੇ, ਉਨ੍ਹਾਂ ਦੀ ਆਜ਼ਾਦੀ ਦੀਆਂ ਉਮੀਦਾਂ ਨੂੰ ਯਕੀਨੀ ਤੌਰ 'ਤੇ ਪਹੁੰਚ ਤੋਂ ਬਾਹਰ ਕਰ ਦਿੱਤਾ ਜਾਵੇਗਾ।

ਜਾਣਕਾਰੀ ਲਈ ਦੱਸ ਦਈਏ ਕਿ ਰਾਜਧਾਨੀ ਨੌਮੀਆ ਦੇ ਉੱਤਰ 'ਚ ਸਥਿਤ ਡੋਮਬੀਆ 'ਚ ਇਕ ਪੁਲਸ ਸਟੇਸ਼ਨ ਅਤੇ ਇਕ ਗੈਰੇਜ ਨੂੰ ਅੱਗ ਲਗਾ ਦਿੱਤੀ ਗਈ। ਇਸ ਦੌਰਾਨ ਚਾਰ ਬਖਤਰਬੰਦ ਗੱਡੀਆਂ ਨੇ ਸਥਿਤੀ ਨੂੰ ਕਾਬੂ ਕਰਨ ਦੀ ਕੋਸ਼ਿਸ਼ ਕੀਤੀ ਅਤੇ ਕਾਫੀ ਕੋਸ਼ਿਸ਼ਾਂ ਤੋਂ ਬਾਅਦ ਸਥਿਤੀ ਨੂੰ ਆਮ ਵਾਂਗ ਕੀਤਾ ਗਿਆ। ਨਿਊ ਕੈਲੇਡੋਨੀਆ 'ਚ ਇਸ ਤਰ੍ਹਾਂ ਦੀ ਅੱਗ ਪਹਿਲੀ ਵਾਰ ਨਹੀਂ ਹੈ, ਇਸ ਤੋਂ ਇਲਾਵਾ ਨੌਮੀਆ ਦੇ ਡੂਕੋਸ ਅਤੇ ਮੈਜੇਂਟਾ ਜ਼ਿਲਿਆਂ 'ਚ ਵੀ ਅੱਗ ਲੱਗੀ ਸੀ। ਉਨ੍ਹਾਂ ਦੇ ਵਾਹਨਾਂ ਅਤੇ ਨਿੱਜੀ ਵਾਹਨਾਂ ਸਮੇਤ ਥਾਣੇ ਦੀ ਇਮਾਰਤ ਨੂੰ ਵੀ ਸਾੜ ਦਿੱਤਾ ਗਿਆ। ਇਸ ਦੇ ਨਾਲ ਹੀ ਬੋਰੇਲ 'ਚ ਪੁਲਸ ਅਤੇ ਵੱਖਵਾਦੀਆਂ ਵਿਚਾਲੇ ਝੜਪ ਦੀ ਖਬਰ ਸਾਹਮਣੇ ਆਈ ਹੈ, ਜਿਸ 'ਚ ਇਕ ਵਿਅਕਤੀ ਜ਼ਖਮੀ ਹੋ ਗਿਆ ਹੈ।ਇਨ੍ਹਾਂ ਘਟਨਾਵਾਂ ਦੇ ਮੱਦੇਨਜ਼ਰ, ਫਰਾਂਸ ਦੀ ਸਰਕਾਰ ਨੇ ਪੈਰਿਸ ਤੋਂ ਲਗਭਗ 17,000 ਕਿਲੋਮੀਟਰ (10,600 ਮੀਲ) ਦੂਰ ਇਲਾਕੇ ਵਿੱਚ 3,000 ਤੋਂ ਵੱਧ ਸੈਨਿਕਾਂ ਅਤੇ ਪੁਲਿਸ ਦੀ ਤਾਇਨਾਤੀ ਵਧਾ ਦਿੱਤੀ ਹੈ। ਨਾਲ ਹੀ ਹਿੰਸਾ ਪ੍ਰਭਾਵਿਤ ਇਲਾਕਿਆਂ ਵਿੱਚ ਸਕੂਲ ਬੰਦ ਕਰਨ ਦੇ ਹੁਕਮ ਦਿੱਤੇ ਗਏ ਹਨ।

Increased Violence In France Police Station And Many Buildings Set On Fire 9 People Died