CBSE ਨੇ ਲਾਗੂ ਕੀਤਾ ਹੱਬ ਐਂਡ ਸਪੋਕ ਮਾਡਲ, ਵਿਦਿਆਰਥੀਆਂ ਦੀ ਚੰਗੀ ਮਾਨਸਿਕ ਸਿਹਤ ਲਈ ਬਣਾਇਆ ਜਾਵੇਗਾ ਕੌਂਸਲਿੰਗ ਨੈੱਟਵਰਕ

31/08/2025 | Public Times Bureau | National

ਸੀਬੀਐੱਸਈ ਨੇ ਵਿਦਿਆਰਥੀਆਂ ਦੀ ਮਾਨਸਿਕ ਸਿਹਤ ਨੂੰ ਮਜ਼ਬੂਤ ਕਰਨ ਲਈ ਵਿੱਦਿਅਕ ਸੈਸ਼ਨ 2025-26 ਤੋਂ ਕੌਂਸਲਿੰਗ ਹੱਬ ਐਂਡ ਸਪੋਕ ਸਕੂਲ ਮਾਡਲ ਲਾਗੂ ਕਰ ਦਿੱਤਾ ਹੈ। ਇਸ ਮਾਡਲ ਦਾ ਮਕਸਦ ਵਿਦਿਆਰਥੀਆਂ ਨੂੰ ਕੌਂਸਲਿੰਗ ਸਹੂਲਤਾਂ ਸੁਲਭ ਕਰਾਉਣਾ ਅਤੇ ਅਧਿਆਪਕਾਂ ਤੇ ਕੌਂਸਲਿੰਗ ਸੇਵਾਵਾਂ ਦਾ ਦਾਇਰਾ ਹਰ ਸਕੂਲ ਤੱਕ ਪਹੁੰਚਾਉਣਾ ਹੈ। ਸੀਬੀਐੱਸਈ ਦੇ ਸਕੱਤਰ ਹਿਮਾਂਸ਼ੂ ਗੁਪਤਾ ਨੇ ਕਿਹਾ ਕਿ ਸਕੂਲ ਸਿਰਫ਼ ਪੜ੍ਹਾਈ ਦਾ ਕੇਂਦਰ ਨਹੀਂ ਬਲਕਿ ਉਨ੍ਹਾਂ ’ਚ ਵਿਦਿਆਰਥੀਆਂ ਦੇ ਭਾਵਨਾਤਮਕ ਤੇ ਸਮਾਜਿਕ ਵਿਕਾਸ ਦਾ ਸੁਰੱਖਿਅਤ ਮਾਹੌਲ ਵੀ ਬਣੇ, ਇਹੀ ਇਸ ਮਾਡਲ ਦਾ ਮਕਸਦ ਹੈ। ਉਨ੍ਹਾਂ ਕਿਹਾ ਕਿ ਇਹ ਪਹਿਲ ਰਾਸ਼ਟਰੀ ਸਿੱਖਿਆ ਨੀਤੀ-2020 ਦੀਆਂ ਸਿਫਾਰਸ਼ਾਂ ’ਤੇ ਆਧਾਰਤ ਹਨ।

ਇਸ ਮਾਡਲ ’ਚ ਸੀਬੀਐੱਸਈ ਨੇ ਕੁਝ ਕਾਸ ਹੱਬ ਸਕੂਲਾਂ ਦੀ ਪਛਾਣ ਕੀਤੀ ਹੈ। ਹਰ ਹੱਬ ਸਕੂਲ ਨਾਲ ਅੱਠ ਤੋਂ 10 ਸਪੋਕ ਸਕੂਲ ਜੁੜੇ ਹੋਣਗੇ। ਹਰ ਹੱਬ ਸਕੂਲ ਦਾ ਕੌਂਸਲਰ ਅੱਠ ਤੋਂ 10 ਸਪੋਕ ਸਕੂਲਾਂ ਨੂੰ ਮਾਰਗਦਰਸ਼ਨ ਦੇਵੇਗਾ। ਹੱਬ ਸਕੂਲ ਕੌਂਸਲਿੰਗ ਤੇ ਮਾਨਸਿਕ ਸਿਹਤ ਪ੍ਰੋਗਰਾਮਾਂ ਦੇ ਵਸੀਲਾ ਕੇਂਦਰ ਵਾਂਗ ਕੰਮ ਕਰਨਗੇ ਤੇ ਸਪੋਕ ਸਕੂਲਾਂ ਨੂੰ ਸਿਖਲਾਈ, ਕੌਂਸਲਿੰਗ ਮਾਡਲ, ਮਾਨਸਿਕ ਸਿਹਤ ਸਬੰਧੀ ਪ੍ਰੋਗਰਾਮ ਤੇ ਸਹਿਯੋਗ ਉਪਲਬਧ ਕਰਾਉਣਗੇ। ਸਪੋਕ ਸਕੂਲ ਇਨ੍ਹਾਂ ਸਰਗਰਮੀਆਂ ਨੂੰ ਆਪਣੇ ਮਾਹੌਲ ਤੇ ਜ਼ਰੂਰਤਾਂ ਮੁਤਾਬਕ ਲਾਗੂ ਕਰਨਗੇ।

Cbse implements hub and spoke model counseling network will be created for good mental health of students