ਸਾਬਕਾ ਗ੍ਰਹਿ ਮੰਤਰੀ ਸੁਖਜਿੰਦਰ ਰੰਧਾਵਾ ਦੇ ਪੁੱਤ ਤੇ ਝਗੜਾ ਤੇ ਕਿਡਨੈਪ ਕਰਨ ਦੇ ਲੱਗੇ ਆਰੋਪ

24/08/2023 | Public Times Bureau | Punjab

ਸਾਬਕਾ ਡਿਪਟੀ ਮੁੱਖ ਮੰਤਰੀ ਸੁਖਜਿੰਦਰ ਸਿੰਘ ਰੰਧਾਵਾ ਦੇ ਪੁੱਤ ਉਦੇਵੀਰ ਸਿੰਘ ਰੰਧਾਵਾ ਤੇ ਗੰਭੀਰ ਦੋਸ਼ ਲੱਗੇ ਹਨ I ਉਦੇਵੀਰ ਤੇ ਦੋਸ਼ ਹੈ ਕਿ ਉਸਨੇ ਪੁਰਾਣੀ ਰੰਜਿਸ਼ ਦੇ ਚਲਦਿਆਂ ਨੌਜਵਾਨ ਦੀ ਬੁਰੀ ਤਰਾਂ ਕੁੱਟਮਾਰ ਕੀਤੀ ਅਤੇ ਉਸਨੂੰ ਕਿਡਨੇਪ ਕਰਕੇ ਲੈ ਗਏ I ਇਸ ਝਗੜੇ ਦੌਰਾਨ ਉਦੇਵੀਰ ਦੇ ਨਾਲ ਸਰਕਾਰੀ ਸੁਰੱਖਿਆ ਕਰਮੀਆਂ ਤੇ ਵੀ ਕੁੱਟਮਾਰ ਕਰਨ ਦਾ ਦੋਸ਼ ਹੈ I ਝਗੜੇ ਵਿੱਚ ਜ਼ਖਮੀ ਹੋਏ ਨੌਜਵਾਨ ਨਰਵੀਰ ਸਿੰਘ ਗਿੱਲ ਨੇ ਦੱਸਿਆ ਕਿ ਉਹ ਆਪਣੇ ਦੋਸਤਾਂ ਨਾਲ ਚੰਡੀਗੜ੍ਹ ਦੇ 17 ਚ ਇੱਕ ਹੋਟਲ ਚ ਖਾਣਾ ਖਾਨ ਆਇਆ ਸੀ I ਜਦੋ ਉਹ ਬਾਥਰੂਮ ਵਿੱਚ ਗਿਆ ਤਾ ਉੱਠੇ ਸੁਖਜਿੰਦਰ ਰੰਧਾਵਾ ਦਾ ਪੁੱਤ ਉਦੇਵੀਰ ਵੀ ਆ ਗਿਆ I ਗਿੱਲ ਨੇ ਦੋਸ਼ ਲਾਇਆ ਕਿ ਉਦੇਵੀਰ ਨੇ ਉਸਨੂੰ ਧੱਕਾ ਮਾਰੀਆ ਤੇ ਕੁੱਟਣਾ ਸ਼ੁਰੂ ਕਰ ਦਿੱਤਾ I ਦੋਨਾਂ ਦਾ ਪੁਰਾਣ ਝਗੜਾ ਚਲਦਾ ਆ ਰਿਹਾ ਹੈ I ਗਿੱਲ ਨੇ ਦੋਸ਼ ਲਾਇਆ ਕਿ ਉਦੇਵੀਰ ਨੇ ਆਪਣੇ ਰਿਸ਼ਤੇਦਾਰ ਤੇ ਦੋਸਤ ਵੀ ਸੱਦ ਲਾਏ ਜਿਨ੍ਹਾਂ ਨੇ ਉਸਦੀ ਕੁੱਟਮਾਰ ਕੀਤੀ I ਇਹ ਸਾਰੀ ਘਟਨਾ ਸੀਸੀਟੀਵੀ ਕੈਮਰਿਆਂ ਵਿੱਚ ਕੈਦ ਹੈ I ਜਦੋ ਗਿੱਲ ਉਥੋਂ ਭੱਜਣ ਲੱਗਾ ਤਾਂ ਉਦੇਵੀਰ ਨੇ ਗਿੱਲ ਨੂੰ ਆਪਣੀ ਗੱਡੀ ਵਿੱਚ ਬਿਠਾ ਲਿਆ ਅਤੇ ਉਸਦੀ ਕੁੱਟਮਾਰ ਵੀ ਕੀਤੀ I ਗਿੱਲ ਨੇ ਦੋਸ਼ ਲਾਇਆ ਕਿ ਇਸ ਦੌਰਾਨ ਉਦੇਵੀਰ ਦੇ ਨਾਲ ਗਨਮੈਨ ਵੀ ਸਨ ਅਤੇ ਓਹਨਾ ਨੇ ਵੀ ਉਸ ਨਾਲ ਕੁੱਟਮਾਰ ਕੀਤੀ I ਗਿੱਲ ਨੇ ਦੱਸਿਆ ਕਿ ਜਦੋ ਉਹ ਸੈਕਟਰ 17 ਦੇ ਠਾਣੇ ਦਰਖ਼ਾਸਤ ਦੇਣ ਗਿਆ ਤਾਂ ਓਥੇ ਪਹਿਲਾਂ ਹੀ ਸੁਖਜਿੰਦਰ ਸਿੰਘ ਰੰਧਾਵਾ ਮੌਜੂਦ ਸੀ ਅਤੇ ਉਹਨਾਂ ਨੇ ਪੁਲਿਸ ਨੂੰ ਕੋਈ ਕਾਰਵਾਈ ਕਰਨ ਤੋਂ ਰੋਕ ਦਿੱਤਾ ਸੀ I

Former Home Minister Sukhjinder Randhawa s Son Accused Of Quarreling And Kidnapping