ਹੁਣ ਸਿਰਫ ਖਾਸ ਸਟਿੱਕਰ ਵਾਲੇ ਹੀ ਚੱਲਣਗੇ ਈ-ਰਿਕਸ਼ਾ, ਲਾਜ਼ਮੀ ਹੋਇਆ ਯੂਨੀਕ ਆਈ.ਡੀ. ਸਟਿੱਕਰ ਜਾਣੋ ਫੀਸ

07/08/2025 | Public Times Bureau | Panjab

ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਨਾਗਰਿਕ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦਿਆਂ ‘ਇੱਕ ਕਦਮ ਸੁਰੱਖਿਆ ਵੱਲ’ ਪ੍ਰੋਜੈਕਟ ਦੀ ਸ਼ੁਰੂਆਤ ਗੁਰਦਾਸਪੁਰ ਸ਼ਹਿਰ ਤੋਂ ਕੀਤੀ ਹੈ। ਇਸ ਪ੍ਰੋਜੈਕਟ ਤਹਿਤ ਹਰ ਈ-ਰਿਕਸ਼ਾ ਨੂੰ ਯੂਨੀਕ ਆਈ.ਡੀ. ਨੰਬਰ ਵਾਲਾ ਸਟਿੱਕਰ ਜਾਰੀ ਕੀਤਾ ਜਾਵੇਗਾ, ਜੋ ਕਿ ਮੁਫ਼ਤ ਹੋਵੇਗਾ।

ਇਸ ਪ੍ਰੋਜੈਕਟ ਦੀ ਸ਼ੁਰੂਆਤ ਪੰਜਾਬ ਹੈਲਥ ਸਿਸਟਮਜ਼ ਕਾਰਪੋਰੇਸ਼ਨ ਦੇ ਚੇਅਰਮੈਨ ਰਮਨ ਬਹਿਲ, ਡਿਪਟੀ ਕਮਿਸ਼ਨਰ ਦਲਵਿੰਦਰਜੀਤ ਸਿੰਘ ਅਤੇ ਹੋਰ ਅਧਿਕਾਰੀਆਂ ਨੇ ਪੁਰਾਣੇ ਬੱਸ ਅੱਡੇ ਤੋਂ ਕੀਤੀ। ਡਿਪਟੀ ਕਮਿਸ਼ਨਰ ਨੇ ਦੱਸਿਆ ਕਿ ਇਹ ਉਪਰਾਲਾ ਹਾਲੀਆ ਘਟਨਾਵਾਂ ਤੋਂ ਸਬਕ ਲੈ ਕੇ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਕੀਤਾ ਗਿਆ ਹੈ। ਸਟਿੱਕਰ ਉੱਤੇ ਹੈਲਪਲਾਈਨ ਨੰਬਰ (86998-47996) ਵੀ ਦਿੱਤਾ ਗਿਆ ਹੈ, ਜਿਸ ਰਾਹੀਂ ਨਾਗਰਿਕ ਕਿਸੇ ਵੀ ਸਹਾਇਤਾ ਲਈ ਸੰਪਰਕ ਕਰ ਸਕਦੇ ਹਨ।

ਸਕੱਤਰ-ਕਮ-ਆਰ.ਟੀ.ਓ. ਦਫ਼ਤਰ ਵੱਲੋਂ ਸਾਰੇ ਰਜਿਸਟਰਡ ਈ-ਰਿਕਸ਼ਾ ਚਾਲਕਾਂ ਨੂੰ ਇਹ ਸਟਿੱਕਰ ਦਿੱਤੇ ਜਾ ਰਹੇ ਹਨ। ਜਿਨ੍ਹਾਂ ਦੀ ਆਰ.ਸੀ. ਨਹੀਂ ਬਣੀ, ਉਹ 465 ਰੁਪਏ ਫੀਸ ਦੇ ਕੇ ਆਰ.ਟੀ.ਓ. ਦਫ਼ਤਰ ਤੋਂ ਬਣਵਾ ਸਕਦੇ ਹਨ। 6 ਅਗਸਤ 2025 ਤੋਂ ਬਾਅਦ ਕੇਵਲ ਸਟਿੱਕਰ ਲੱਗੇ ਈ-ਰਿਕਸ਼ੇ ਨੂੰ ਹੀ ਚਲਾਉਣ ਦੀ ਆਗਿਆ ਹੋਵੇਗੀ।

Now Only Those With Special Stickers Will Be Allowed To Ply E rickshaws Unique Id Sticker Has Become Mandatory Know The Fee