ਦੁਬਈ ਤੋਂ ਆਏ ਯਾਤਰੀ ਕੋਲੋਂ 49 ਲੱਖ ਦਾ ਸੋਨਾ ਬਰਾਮਦ, ਕਸਟਮ ਐਕਟ ਤਹਿਤ ਕੇਸ ਦਰਜ

02/08/2023 | Public Times Bureau | Panjab

ਸ੍ਰੀ ਗੁਰੂ ਰਾਮਦਾਸ ਕੌਮਾਂਤਰੀ ਹਵਾਈ ਅੱਡੇ ਤੇ ਮੰਗਲਵਾਰ ਨੂੰ ਦੁਬਈ ਤੋਂ ਆਏ ਇਕ ਯਾਤਰੀ ਕੋਲੋਂ 49.12 ਲੱਖ ਰੁਪਏ ਦਾ ਸੋਨਾ ਬਰਾਮਦ ਕੀਤਾ ਗਿਆ। ਸਪਾਈਸਜੈੱਟ ਦੀ ਫਲਾਈਟ ਤੋਂ ਆਏ ਇਸ ਯਾਤਰੀ ਨੇ ਸੋਨੇ ਨੂੰ ਕੈਪਸੂਲਾਂ ਚ ਲੁਕਾ ਕੇ ਲਿਆਂਦਾ ਸੀ। ਕਸਟਮ ਕਮਿਸ਼ਨਰੇਟ ਨੇ ਸੋਨੇ ਨੂੰ ਕਬਜ਼ੇ ਚ ਲੈ ਕੇ ਯਾਤਰੀ ਖ਼ਿਲਾਫ਼ ਕਸਟਮ ਐਕਟ ਤਹਿਤ ਕੇਸ ਦਰਜ ਕਰ ਲਿਆ ਹੈ। ਕਸਟਮ ਬੁਲਾਰੇ ਨੇ ਦੱਸਿਆ ਕਿ ਮੰਗਲਵਾਰ ਨੂੰ ਦੁਬਈ ਤੋਂ ਆਈ ਸਪਾਈਸਜੈੱਟ ਦੀ ਫਲਾਈਟ ਨੰਬਰ ਐੱਸਜੀ-56 ਅੰਮ੍ਰਿਤਸਰ ਏਅਰਪੋਰਟ ਤੇ ਪੁੱਜੀ ਤਾਂ ਕਸਟਮ ਨੇ ਏਅਰ ਇੰਟੈਲੀਜੈਂਸ ਵਿੰਗ ਦੇ ਅਧਿਕਾਰੀਆਂ ਨੇ ਯਾਤਰੀਆਂ ਦੇ ਸਾਮਾਨ ਦੀ ਸਕੈਨਿੰਗ ਸ਼ੁਰੂੁ ਕੀਤੀ। ਇਸ ਦਰਮਿਆਨ ਇਕ ਯਾਤਰੀ ਦੀ ਨਿੱਜੀ ਚੈਕਿੰਗ ਤੋਂ ਬਾਅਦ ਉਸਦੇ ਕਬਜ਼ੇ ਚੋਂ ਤਿੰਨ ਕੈਪਸੂਲ ਬਰਾਮਦ ਹੋਏ। ਇਨ੍ਹਾਂ ਦਾ ਕੁਲ ਵਜ਼ਨ 1173 ਗ੍ਰਾਮ ਸੀ। ਇਸ ਨੂੰ ਖੋਲ੍ਹ ਕੇ ਦੇਖਿਆ ਗਿਆ ਤਾਂ ਇਸ ਚੋਂ ਸੋਨਾ ਨਿਕਲਿਆ। ਅਧਿਕਾਰੀਆਂ ਦੇ ਜਦੋਂ ਕੈਪਸੂਲ ਖੋਲ੍ਹੇ ਤਾਂ ਉਨ੍ਹਾਂ ਚੋਂ 808 ਗ੍ਰਾਮ ਸੋਨਾ ਬਰਾਮਦ ਹੋਇਆ। ਇਸਦੀ ਕੌਮਾਂਤਰੀ ਬਾਜ਼ਾਰ ਚ ਕੀਮਤ 49.12 ਲੱਖ ਬਣਦੀ ਹੈ।

Gold Worth 49 Lakhs Was Recovered From A Passenger From Dubai A Case Was Registered Under The Customs Act