ਹਾਈਟੈਕ ਨਾਕੇ 'ਤੇ ਥਾਣੇਦਾਰ 'ਤੇ ਚਾੜ੍ਹੀ ਗੱਡੀ, ਕਾਰ ਚਾਲਕ ਮੌਕੇ ਤੋਂ ਫ਼ਰਾਰ

19/01/2025 | Public Times Bureau | Panjab

ਰੋਪੜ ਬਲਾਚੌਰ ਨੈਸ਼ਨਲ ਹਾਈਵੇ ਤੇ ਹਾਈਟੈਕ ਨਾਕਾ ਆਸਰੋਂ 'ਤੇ ਡਿਊਟੀ ਕਰ ਰਹੇ ਮੁਲਾਜ਼ਮਾਂ ਨੇ ਵਾਹਨਾਂ ਦੀ ਚੈਕਿੰਗ ਦੌਰਾਨ ਇਕ ਜ਼ੈੱਨ ਕਾਰ ਨੂੰ ਰੁਕਣ ਲਈ ਇਸ਼ਾਰਾ ਕੀਤਾ ਪਰ ਕਾਰ ਚਾਲਕ ਨੇ ਜਾਣ ਬੁੱਝ ਕੇ ਨਾਕੇ 'ਤੇ ਲੱਗੇ ਬੈਰੀਕੇਟ 'ਤੇ ਗੱਡੀ ਚਾੜ੍ਹ ਦਿੱਤੀ ਜਿਸ ਕਰਕੇ ਏਐੱਸਆਈ ਧਨਵੰਤ ਸਿੰਘ ਇਸ ਦੀ ਲਪੇਟ ਵਿਚ ਆ ਕੇ ਗੰਭੀਰ ਜ਼ਖਮੀ ਹੋ ਗਏ।ਧਨਵੰਤ ਸਿੰਘ ਪੁੱਤਰ ਚੰਨਣ ਸਿੰਘ ਵਾਸੀ ਟਕਾਰਲਾ ਹਾਲ ਵਾਸੀ ਬਲਾਚੌਰ ਦਾ ਦੱਸਿਆ ਕਿ। ਨਾਕੇ 'ਤੇ ਹਾਜ਼ਰ ਮੁਲਾਜ਼ਮ ਸਾਥੀਆਂ ਨੇ ਜ਼ਖ਼ਮੀ ਥਾਣੇਦਾਰ ਨੂੰ ਰੋਪੜ ਇਕ ਨਿਜੀ ਹਸਪਤਾਲ ਵਿਚ ਦਾਖਲ ਕਰਵਾਇਆ ਜਿਥੇ ਡਾਕਟਰਾਂ ਨੇ ਥਾਣੇਦਾਰ ਨੂੰ ਮੁਢਲੀ ਸਹਾਇਤਾ ਦੇ ਕੇ ਉਸ ਦੀ ਨਾਜ਼ੁਕ ਹਾਲਤ ਦੇਖਦਿਆਂ ਪੀਜੀਆਈ ਚੰਡੀਗੜ੍ਹ ਰੈਫਰ ਕਰ ਦਿੱਤਾ। ਇਸ ਘਟਨਾ ਦੀ ਸੂਚਨਾ ਮਿਲਦੇ ਸਾਰ ਪੁਲਿਸ ਚੌਂਕੀ ਆਸਰੋਂ ਦੇ ਇੰਚਾਰਜ ਆਪਣੇ ਮੁਲਾਜ਼ਮਾਂ ਸਮੇਤ ਵਾਰਦਾਤ ਵਾਲੀ ਜਗ੍ਹਾ 'ਤੇ ਪਹੁੰਚ ਗਏ। ਕਾਰ ਚਾਲਕ ਨਵਾਂਸ਼ਹਿਰ ਸਾਈਡ ਨੂੰ ਕਾਰ ਭਜਾ ਕੇ ਲੈ ਗਏ। ਪੁਲਿਸ ਨੇ ਬਛੂਆਂ ਟੋਲ ਪਲਾਜ਼ਾ 'ਤੇ ਸੀਸੀਟੀਵੀ ਕੈਮਰੇ ਚੈੱਕ ਕਰਦਿਆਂ ਅਤੇ ਕਥਿਤ ਮੁਲਜ਼ਮਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।

A Car Rammed Into A Police Station At Hitech Nake The Driver Escaped From The Spot